राज्यात सध्या महायुतीतील अंतर्गत मतभेदांवर चर्चा रंगली आहे. भाजप नेते चंद्रशेखर बावनकुळे यांनी एकनाथ शिंदे आणि देवेंद्र फडणवीस यांच्यात कोल्ड वॉर नसल्याचे स्पष्ट केले आहे.
राज्यात सध्या राजकीय उलथापालथ सुरू आहे. एकीकडे शिवसेना उद्धव ठाकरेंच्या हातातून निसटली, तर दुसरीकडे शिंदे-फडणवीस सरकारवर अनभिषिक्त तणावाचे ढग दाटले आहेत. महायुतीमध्ये खरंच फेव्हिकॉलसारखी एकजूट आहे की राजकीय स्वार्थाचा तडजोडीचा समझोता आहे, हा प्रश्न सर्वसामान्यांच्या मनात आहे. भाजपा आणि शिंदे गट यांची युती टिकणार की पुन्हा महाराष्ट्राच्या राजकारणात स्फोटक वळण येणार आहे? याची जाणीव सध्या कोणालाच नाही.
मुख्यमंत्री एकनाथ शिंदे यांनी विदर्भ दौऱ्यात ऑपरेशन टायगर अंतर्गत जोरदार शक्तिप्रदर्शन करत विरोधकांना ठाम इशारा दिला. मी फक्त कार्यकर्ता नाही, बाळासाहेब ठाकरे यांचा कट्टर शिवसैनिक आहे. मला कमी लेखणाऱ्यांनी सावध रहावं. त्यांच्या या वक्तव्याने राजकीय वर्तुळात खळबळ माजली आहे. दरम्यान, शिंदे-फडणवीस कोल्ड वॉरवर चर्चांना उधाण आले असले, तरी भाजप नेते चंद्रशेखर बावनकुळे यांनी महायुती मजबूत आहे, गैरसमज पसरवले जात आहेत, असे स्पष्ट केले.पण हे विधान विरोधकांसाठी होते की भाजपसाठी हा प्रश्न उपस्थित होत आहे.
Harshwardhan Sapkal: आरएसएसचे स्वयंसेवक महाराजांच्या नखा इतकेही नाही
महायुती सुसज्ज टीम
बावनकुळे यांनी स्पष्ट केले की, एकनाथ शिंदे महायुतीत नाराज नाहीत. ते प्रगल्भ नेते असून, महायुतीला अधिक बळकट करण्याचे काम करत आहेत. त्यांच्या विधानांचा वेगळा अर्थ काढण्याची गरज नाही. विरोधकांना नामोहर करण्याचे काम एकनाथ शिंदे यांनी नेहमीच केले आहे.
शिंदे हे हिंदुत्वाच्या विचारांचे कट्टर समर्थक असल्याचेही बावनकुळे यांनी अधोरेखित केले. बाळासाहेब ठाकरे यांच्या विचारांची शिवसेना पुढे नेण्याचे कार्य शिंदे करत आहेत, त्यामुळे भाजप-सेना युती अधिक मजबूत झाली आहे, असे ते म्हणाले. आता राजकारण नको, महाराष्ट्राचा विकास महत्त्वाचा असा संदेशही त्यांनी दिला.
कोल्ड वॉर
राजकीय वर्तुळात जोरदार चर्चा आहे की, मुख्यमंत्री शिंदे यांच्या कार्यकाळात घेतलेले काही महत्त्वाचे निर्णय उपमुख्यमंत्री फडणवीसांनी बदलले आहेत. त्याशिवाय, काही शिवसेना नेत्यांच्या सुरक्षेत कपात करण्यात आली आहे. या घटनांमुळे शिंदे आणि फडणवीस यांच्यात दुरावा निर्माण झाल्याची चर्चा आहे.
शिंदे यांनी एका जाहीर सभेत बोलताना विरोधकांना प्रत्युत्तर दिले की, माझी रेषा छोटी करण्यापेक्षा स्वतःची रेषा मोठी करण्याचा प्रयत्न करावा. माझ्यात आणि देवेंद्रजींमध्ये कोणतेही कोल्ड वॉर नाही, उलट महाराष्ट्राच्या उज्ज्वल भविष्यासाठी आम्ही एकत्र काम करत आहोत. हा फेव्हिकॉलचा मजबूत जोड आहे.
महायुतीचा भविष्यातील प्रवास
महायुतीच्या राजकारणात अजून बरीच समीकरणे बदलत राहणार आहेत. उद्धव ठाकरे गटाला लागलेली गळती, शिंदे गटाचा वाढता प्रभाव, आणि भाजप-शिंदे युतीतील अंतर्गत समीकरणे यावरच आगामी निवडणुकीचे भविष्य अवलंबून राहणार आहे. सध्या तरी, महायुतीमध्ये ठिणगी नाही, पण महाराष्ट्राच्या राजकीय रंगमंचावर नवा डाव टाकण्यासाठी प्रत्येक गट आपली चाल रचत आहे.
