शिवानी विजय वडेट्टीवार या महाराष्ट्राच्या राजकीय आणि सामाजिक क्षेत्रातील एक कणखर आणि प्रेरणादायी नेत्या आहेत. युवक, कामगार हक्क आणि महिला सशक्तीकरणासाठी त्यांचा संघर्ष आणि योगदान उल्लेखनीय आहे.
महिलांचा सन्मान, समाजाचा अभिमान या ध्येयाने प्रेरित होऊन महाराष्ट्राच्या राजकीय आणि सामाजिक क्षेत्रात आपल्या कर्तृत्वाने वेगळी ओळख निर्माण करणाऱ्या शिवानी विजय वडेट्टीवार या एक सशक्त, दृढनिश्चयी आणि जनतेसाठी अहोरात्र कार्य करणाऱ्या नेत्या आहेत. महिला दिनाच्या निमित्ताने त्यांच्या योगदानाचा सन्मान करणे हा केवळ एक औपचारिक साजरा नाही, तर एका प्रेरणादायी संघर्षाची आणि नेतृत्वाच्या प्रवासाची दखल घेण्याचा प्रयत्न आहे.
शिवानी वडेट्टीवार गेल्या दशकभरापासून महाराष्ट्र प्रदेश युवक काँग्रेसच्या सरचिटणीस पदावर कार्यरत आहेत. त्यांचे नेतृत्व हे केवळ पदापुरते मर्यादित नसून युवकांच्या समस्या सोडवण्याच्या आणि त्यांना राजकारणात सक्रीय करण्याच्या दृष्टिकोनातून प्रेरित आहे.त्या नेहमीच म्हणतात, युवकांनी केवळ भविष्याचा विचार करू नये, तर भविष्य घडवण्यासाठी पुढे यावे.त्यांच्या नेतृत्वामुळे आज अनेक तरुण राजकारणात सक्रीय होत आहेत. शिवानी यांनी युवकांच्या बेरोजगारी, शिक्षण आणि सामाजिक न्यायाच्या मुद्द्यांवर आवाज उठवला आहे.
Anuja Kedar : प्रचंड वैभव; अहंकाराचा लवलेश नाही, जोडीला आध्यात्म, सोज्वळतेची जपणूक
कामगार हक्कांसाठी संघर्षशील
महाराष्ट्रातील कामगारांचे जीवनमान उंचावण्यासाठी शिवानी वडेट्टीवार यांनी वेस्टर्न कोलफिल्ड्स लिमिटेड (WCL) आणि अन्य संघटनांमध्ये कामगार हक्कांसाठी लढा दिला आहे. कामगारांना योग्य वेतन, सुरक्षित कार्यस्थळ आणि रोजगार हमी मिळावी यासाठी त्यांनी विविध चळवळींमध्ये सक्रिय सहभाग घेतला आहे. शिवानी यांनी नेहमीच सामाजिक न्याय आणि श्रमिकांच्या हक्कांचे रक्षण करण्याचा प्रयत्न केला आहे.
शिक्षण क्षेत्रात योगदान
राजकारणाच्या पलीकडे जाऊन शिवानी यांनी आरोग्य आणि शिक्षण क्षेत्रातही उल्लेखनीय कार्य केले आहे. त्या वर्धान सुपर मल्टीस्पेशालिटी हॉस्पिटल आणि रिसर्च इन्स्टिट्यूट प्रायव्हेट लिमिटेड या संस्थेमार्फत गरीब आणि गरजू रुग्णांसाठी आरोग्य सेवा सुलभ करण्याचा प्रयत्न करत आहेत. तसेच, युवकांसाठी कौशल्य विकास उपक्रमांना चालना देण्यासाठी त्यांनी अनेक कार्यक्रम सुरू केले आहेत. शिक्षण हा केवळ हक्क नसून प्रत्येक तरुणासाठी उज्ज्वल भविष्यातील आधारस्तंभ असावा, असे त्यांचे मत आहे.
निर्भीड आणि संघर्षशील
महिलांना राजकारणात येताना अनेक अडचणींना सामोरे जावे लागते, पण शिवानी वडेट्टीवार यांनी त्या अडथळ्यांना संधीमध्ये परिवर्तित केले आहे. त्यांनी महिलांसाठी अनेक व्यासपीठे निर्माण केली आहेत आणि त्यांना राजकीय, सामाजिक आणि आर्थिक स्तरावर पुढे येण्यासाठी प्रेरित केले आहे. त्यांचे कार्य महिला सशक्तीकरणाचा सशक्त संदेश देते. शिवानी यांनी आपला राजकीय प्रवास अनेक आव्हानांशी झुंज देत पार केला आहे. मार्च २०२४ मध्ये चंद्रपूर लोकसभा मतदारसंघातील उमेदवारीच्या चर्चेमुळे त्यांचे नाव चर्चेत आले. काही विरोधकांनी त्यांच्यावर वंशपरंपरागत राजकारणाचा आरोप केला, मात्र त्यांच्या समर्थकांनी त्यांच्या कार्याचा आणि अनुभवाचा उल्लेख करत त्यांना एक सक्षम नेत्या म्हणून मान्यता दिली.
जनहितासाठी लढा
शिवानी वडेट्टीवार सामान्य जनतेच्या प्रश्नांसाठी नेहमी पुढे असतात. त्या वीज पुरवठा,पायाभूत सुविधा आणि प्रशासनातील त्रुटींविरोधात उघडपणे बोलतात. एका सार्वजनिक सभेत वीज पुरवठा खंडित झाल्यानंतर त्यांनी वीज वितरण कंपनीला थेट जाब विचारला. काहींनी यावर टीका केली, पण जनतेने त्यांच्या निर्भीड भूमिकेचे कौतुक केले.
