महाराष्ट्रात 107 पाकिस्तानी नागरिक बेपत्ता झाल्याने चिंता वाढली आहे. पहलगाम दहशतवादी हल्ल्यानंतर सुरक्षा यंत्रणा सतर्क झाली आहे.
जम्मू आणि काश्मीरमधील पहलगाम येथे नुकत्याच घडलेल्या भीषण दहशतवादी हल्ल्यानंतर भारत सरकारने संपूर्ण देशभर कठोर उपाययोजना लागू केल्या आहेत. केंद्रीय गृहमंत्री अमित शहा यांच्या आदेशानंतर महाराष्ट्रात पोलिस यंत्रणेला सतर्कतेवर आणण्यात आले. राज्यभरात तपास मोहीम सुरू झाल्यानंतर धक्कादायक माहिती समोर आली आहे की, महाराष्ट्रात तब्बल 107 पाकिस्तानी नागरिक बेपत्ता झाले आहेत.
महाराष्ट्राततब्बल 107 पाकिस्तानी नागरिक बेपत्ता आहेत. यामुळे राज्य प्रशासनात खळबळ उडाली आहे. गृह राज्यमंत्री योगेश कदम यांनी दिलेल्या माहितीनुसार, राज्यातील 48 शहरांत तपासादरम्यान 5023 पाकिस्तानी नागरिक आढळले. यामध्ये केवळ 51 जणांकडेच वैध व्हिसा व अन्य कागदपत्रे आहेत, तर 107 नागरिकांचा थेट पत्ता लागत नाहीये.
Akola Shiv Sena : भाजपचा गडी फोडला; थेट उपशहर प्रमुख करून जोडला
सुरक्षा यंत्रणांमध्ये खळबळ
गृहमंत्री अमित शहा यांच्या आदेशानंतर, राज्य सरकारने सर्व पोलिस ठाण्यांना पाकिस्तानी नागरिकांची यादी वितरित केली आहे. या यादीच्या आधारे तपास सुरू आहे. मात्र 107 नागरिकांचे अडसर असल्याने पोलिसांसमोर मोठे आव्हान उभे ठाकले आहे. राज्यात नागपूरमध्ये सर्वाधिक 2458 पाकिस्तानी नागरिक आढळले आहेत. त्यानंतर ठाणे शहरात 1106 आणि मुंबईत 14 नागरिक आहेत. या पार्श्वभूमीवर राज्य सरकारने कारवाईची गती वाढवली आहे. बेपत्ता नागरिकांचा शोध घेण्यासाठी विशेष पथके नियुक्त केली आहेत.
महाराष्ट्रात 107 पाकिस्तानी नागरिक बेपत्ता झाल्याची माहिती मिळताच सुरक्षा यंत्रणांमध्ये चिंतेचे वातावरण निर्माण झाले आहे. या नागरिकांच्या उपस्थितीचा शोध घेणे आणि त्यांना तातडीने देशाबाहेर पाठवणे ही प्रशासनासमोरील प्राथमिक जबाबदारी बनली आहे. गृह राज्यमंत्री योगेश कदम यांनी स्पष्ट केले की, या नागरिकांमध्ये बरेच जण ज्यांच्याशी संपर्क साधता येत नाही असे आहेत. त्यांचे व्हिसा कालबद्ध संपले आहेत. असे नागरिक न सापडल्यास भविष्यात सुरक्षेच्या दृष्टीने मोठा धोका निर्माण होऊ शकतो, याची जाणीव राज्य यंत्रणेला आहे.
Chandrashekhar Bawankule : राहुल गांधींनी महाराष्ट्राची माफी मागावी
देश सोडण्याचे आदेश
केंद्र सरकारने पाकिस्तानी नागरिकांना 48 तासांच्या आत भारत सोडण्याचे आदेश दिले आहेत. विशेष बाब म्हणून, ज्यांच्यावर वैद्यकीय उपचार सुरू आहेत त्यांना 30 एप्रिलपर्यंतचा अवधी देण्यात आला आहे. यामुळे वेळेत न गेलेल्या पाकिस्तानी नागरिकांवर कारवाई करण्यात येईल. राज्यात गोळा केलेली आकडेवारी सतत अपडेट होत आहे. पुढील काळात बेपत्ता नागरिकांची संख्या वाढण्याचीही शक्यता व्यक्त होत आहे. त्यामुळे राज्य सरकार व केंद्र सरकारने संयुक्तरित्या या प्रकरणावर लक्ष केंद्रित केले आहे.
मुख्यमंत्री देवेंद्र फडणवीस यांच्या नेतृत्वाखाली राज्य सरकारने या परिस्थितीला गांभीर्याने घेतले आहे. 48 तासांच्या आत सर्व प्रक्रियेचे पालन व्हावे यासाठी जिल्हास्तरावर स्वतंत्र नियंत्रण कक्ष स्थापन करण्यात आले आहेत. राज्य सरकारने स्पष्ट निर्देश दिले आहेत की, कोणताही पाकिस्तानी नागरिक वैध परवानगीशिवाय महाराष्ट्रात थांबता कामा नये. पोलिसांनी परिस्थिती हाताळताना दक्षता आणि वेग या दोन तत्त्वांचा अवलंब करावा असे आदेश देण्यात आले आहेत.
