महाराष्ट्र

Yashomati Thakur : शेतकऱ्यांच्या वेदना नाही, फक्त निवडणूक दिसते

Babasaheb Patil : अजित दादांच्या मंत्र्यांची जीभ पुन्हा घसरली

Post View : 1

Author

महाराष्ट्राच्या राजकारणात सध्या शेतकरी कर्जमाफीचा मुद्दा प्रचंड गाजत असताना, सत्ताधारी नेत्यांकडून शेतकऱ्यांच्या वेदनेवर पाणी फेरणारी आणि खिल्ली उडवणारी वक्तव्ये समोर येत आहेत.

महाराष्ट्राचे राजकारण सध्या चर्चेच्या केंद्रस्थानी आहे. सत्ताधारी नेत्यांमध्ये शेतकऱ्यांच्या जखमेवर मीठ चोळण्याची स्पर्धाच लागली आहे. अतिवृष्टीने शेतकरी पुरता उध्वस्त झाला असताना, राष्ट्रवादी काँग्रेस अजित पवार गटाच्या नेत्यांकडून एकापाठोपाठ एक वादग्रस्त विधाने येत आहेत. कर्जमाफीची मागणी करणाऱ्या शेतकऱ्यांना ‘नाद लागला’ म्हणून हिणवल्या जात आहे. यावेळी सहकार मंत्री बाबासाहेब पाटील यांनी तर कमालच केली. ते म्हणाले ’लोकांना कर्जमाफीचा नाद लागला आहे. आम्हाला निवडून यायचे आहे, म्हणून निवडणुकीत काहीही आश्वासने देतो.

कुणी गावात नदी आण म्हणेल, तर तीही आणू म्हणतो’ हे ऐकून शेतकऱ्यांमध्ये संताप निर्माण झाला आहे. दुसरीकडे, विरोधी नेत्यांनी या विधानावर तोंडसुख घेतले आहे. काँग्रेस नेत्या यशोमती ठाकूर यांनी यावर चांगलाच संताप व्यक्त केला आहे. त्या म्हणाल्या, शेतकऱ्यांप्रती सरकारची भूमिका किती संवेदनशील आहे. मंत्री धडधडीत सांगतात, आम्हाला निवडून यायचे म्हणून काहीही आश्वासन देतो. शेतकरी उध्वस्त झाला तरी यांना फिकीर नाही. शेतकरी काहीही मागतात. कर्जमाफीचा नाद लागला आहे. यापेक्षा क्रूर थट्टा काय असू शकते? अशा शब्दात यश म्हणजे ठाकूर यांनी ठणकावले.

Vijay Wadettiwar : योगेश कदमांच्या सहीने ‘लाडका गुंड’ निर्माण

पक्षप्रतिमेवर डाग

महाराष्ट्रातील अनेक जिल्ह्यांना अतिवृष्टीने झोडपले असताना, ओला दुष्काळ जाहीर करून कर्जमाफी देण्याची मागणी जोर धरत आहे. पण सरकारच्या नेत्यांकडून अशी वक्तव्ये येत असल्याने, जनतेच्या मनात संशय निर्माण होत आहे. हे नेते खरेच शेतकऱ्यांच्या बाजूने आहेत की फक्त सत्तेच्या खेळात मग्न? या वादग्रस्त विधानाने महाराष्ट्राच्या राजकीय वातावरणात नव्या वादळाला आमंत्रण दिले आहे. बाबासाहेब पाटील हे अजित पवार गटातील ज्येष्ठ नेते आहेत. त्यांच्या या बोलण्याने शेतकऱ्यांच्या जखमेवर मीठ चोळल्यासारखे वाटत आहे. अतिवृष्टीमुळे शेतीचे प्रचंड नुकसान झाले आहे. पीक हातचे गेले आहे. वरून कर्जाची डोकेदुखी. अशा वेळी मंत्री म्हणतात, कर्जमाफीचा नाद लागला. हे जणू शेतकऱ्यांना हिणवण्यासारखे आहे.

यापूर्वीही असे प्रकार घडले आहेत. माजी कृषिमंत्री माणिकराव कोकाटे यांनी म्हटले होते, भिकारीसुद्धा एक रुपया घेत नाही, पण सरकार एक रुपयात पीक विमा देते. म्हणजे भिकारी शेतकरी नाही, तर सरकार आहे. या विधानावर खुद्द मुख्यमंत्री देवेंद्र फडणवीस यांनी नाराजी व्यक्त केली होती. पण तरीही हे नेते सुधारत नाहीत. पक्षप्रमुखांकडून समजावणे झाले, तरी जीभेवर ताबा नसल्यासारखे ते बोंबलत फिरतात. या घटनेने महाराष्ट्राच्या राजकीय पटलावर नव्या चर्चांना जन्म दिला आहे. अजित पवार गटातील मंत्री सातत्याने असे वादग्रस्त बोल बोलत असल्याने, पक्षाची प्रतिमा डागाळली जात आहे. शेतकरी हा महाराष्ट्राच्या अर्थव्यवस्थेचा कणा आहे, तरीही त्यांच्याबाबत अशी उदासीनता? विरोधकांनी या मुद्द्यावर सरकारला घेरले आहे.

Reservation Impact : बाळापूरमध्ये अनुसूचित जमातीचा ‘शून्य’ वाटा

शंकर मोहनकर | Shankar Mohankar

शंकर मोहनकर | Shankar Mohankar

शंकर यांनी नागपुरातील धनवटे नॅशनल कॉलेजमधून पत्रकारिता व जनसंज्ञापन विषयात पदवी शिक्षण पूर्ण केले आहे. 2023-24 मध्ये शिक्षण पूर्ण केल्यानंतर त्यांनी द लोकहित लाइव्ह येथे आपल्या करीअरला सुरुवात केली.

More Posts

व्हाॅट्सअप चॅनेल फॉलो करा
error: Content is protected !!