अकोला, एकेकाळी दंगली आणि गुन्हेगारीच्या सावलीत जगणारे शहर. आता कायद्याच्या ताकदीने नव्या अध्यायाची सुरुवात करत आहे. आयपीएस अर्चित चांडक यांच्या नेतृत्वाखाली पोलिसांनी अकोल्याला सुरक्षिततेची आणि विश्वासाची नवी ओळख दिली आहे.
अकोला, एक शहर ज्याच्या गल्लीबोळांतून इतिहास आणि संस्कृतीचा सुगंध दरवळतो. ज्याच्या भूतकाळात दंगली आणि गुन्हेगारीच्या काळ्या सावल्या लपलेल्या आहेत. या शहराने ऐतिहासिक स्थापत्यशास्त्र आणि आध्यात्मिक वारशासोबतच सामाजिक अशांततेचे डागही पाहिले. गेल्या काही वर्षांत धार्मिक वादांमुळे येथे जाळपोळ, हिंसाचार आणि जीवितहानीच्या घटना घडल्या. पण आता, अकोल्याच्या रस्त्यांवर एक नवीन बदलाची हवा वाहू लागली आहे. कायद्याचा कठोर हात आणि शांततेची साद घेऊन अकोला पोलीस प्रशासनाने शहराला नवसंजीवनी दिली आहे. नुकताच ईदचा सण शांततेत पार पडला. नवरात्रीच्या पहिल्या दिवशी घडलेल्या एका अनोख्या घटनेने अकोल्याच्या नव्या चेहऱ्याची झलक दाखवली.
घडलेल्या या बदलाचे शिल्पकार आहेत आयपीएस अर्चित चांडक. ज्यांच्या दमदार नेतृत्वाखाली अकोला पोलीसांनी गुन्हेगारीला मुळापासून उखडून टाकण्याचा चंग बांधला आहे. शहरातील तापडिया नगर आणि कृषी नगरसारख्या भागांत, जिथे कधीकाळी गुंडांचा बोलबाला होता. तिथे आता कायद्याचा दरारा निर्माण झाला आहे. गुन्हेगारीच्या काळ्या सावलीला पळवून लावले. अकोला पोलीसांनी नागरिकांच्या मनात विश्वासाचा दीप प्रज्वलित केला आहे. ही कथा आहे एका शहराची, जिथे आता गुन्हेगारीच्या काटेरी झुडपांना कायद्याच्या कात्रीने छाटले जात आहे.
गुंडांचा पराभव
तापडिया नगर, जिथे कधीकाळी गुंडांच्या टोळ्यांनी दहशत माजवली होती. तिथे आता शांततेचा झुळझुळ पाऊस पडत आहे. कुख्यात गुंड कल्लू तिवारी, ज्याने फावड्याने दुकानांची तोडफोड करून परिसरात भीतीचे साम्राज्य निर्माण केले होते. त्याला अकोला पोलिसांनी कायद्याच्या चौकटीत आणले. पोलिसांनी त्याला पकडून, त्याची धिंड काढत सर्वांसमोर माफी मागायला लावली. रस्त्यांवरून चालणाऱ्या या धिंडने नागरिकांना केवळ आनंदच दिला नाही. तर त्यांच्या मनात एक नवा विश्वास जागवला की, अकोला आता गुन्हेगारीच्या विळख्यातून मुक्त होत आहे.
कृषी नगरातही असाच एक थरारक प्रसंग घडला. हाणामारीच्या प्रकरणात सात गुंडांना पकडून पोलिसांनी त्यांची गावभर धिंड काढली. कान पकडून माफी मागायला लावली. अकोला पोलिसांनी गुन्हेगारांना आपल्या कृत्याची जाणीव करून दिली. या घटनेने शहरातील नागरिकांमध्ये उत्साह संचारला आणि पोलिसांबद्दलचा आदर वाढला. ही धिंड केवळ एक दृश्य नव्हते, तर कायद्याच्या विजयाचे आणि गुन्हेगारीविरुद्धच्या लढ्याचे प्रतीक बनले.
Chandrashekhar Bawankule : राज्यात जिल्हे व तालुके पुनर्रचनेचा प्रस्ताव
अटळ संकल्प
अकोला पोलीसांचा हा कायापालट केवळ कारवायांपुरता मर्यादित नाही. आयपीएस अर्चित चांडक यांच्या नेतृत्वाखाली पोलिसांनी गुन्हेगारीला आळा घालण्यासाठी सातत्यपूर्ण प्रयत्न सुरू केले आहेत. रात्रीच्या गस्तीपासून ते सक्रिय तपासापर्यंत. प्रत्येक पावलावर कायदा आणि सुव्यवस्था टिकवण्याचा निर्धार दिसतो. या नव्या युगात, अकोला पोलिसांनी केवळ गुन्हेगारांना धडा शिकवला नाही. तर नागरिकांच्या मनात सुरक्षिततेची भावना रुजवली आहे. शहरातील प्रत्येक गल्ली आता कायद्याच्या रक्षकांच्या सावलीत सुखावह बनत आहे.
अकोल्याचे हे नवे रूप, जिथे कधी दंगली आणि गुन्हेगारीने डोके वर काढले होते. तिथे आता शांतता आणि विश्वासाचा पाया रचला जात आहे. अकोला पोलीस, आपल्या धाडसी कारवायांनी आणि अटळ संकल्पाने, शहराला एका नव्या, उज्ज्वल भवितव्याकडे घेऊन चालले आहेत. हा बदल केवळ एका रात्रीत घडलेला नाही. तो आहे कायद्याच्या दमदार हाताचा आणि शांततेच्या सूराचा संगम. अकोला आता खऱ्या अर्थाने बदलत आहे. त्याचे श्रेय जाते अकोला पोलिसांच्या अविरत प्रयत्नांना.
