नागपूरच्या ग्रामीण भागात दौऱ्यावर असलेल्या अनिल देशमुखांनी कडाक्याच्या थंडीमध्ये शेकोटी पेटवून हात शेकले. मात्र, ही शेकोटी केवळ थंडीसाठी नव्हे, तर राजकीय परिस्थितीचं प्रतीक असल्याचं बोललं जात आहे.
महाराष्ट्राच्या राजकीय पटलावर सध्या एक अनोखं नाट्य रंगत आहे. जसं हिवाळ्याच्या थंडीने ग्रामीण भागांना आपल्या कवेत घेतलं आहे, तसंच राजकारणातही काही ठिकाणी थंडावा तर काही ठिकाणी होळीच्या आगीसारखं तापलेलं वातावरण दिसत आहे. उन्हाळ्याच्या तापमानाने आधीच जनतेला हैराण केलं आहे आणि आता राजकीय घडामोडींनी त्यात भर घातली आहे. महायुती आणि महाविकास आघाडी यांच्यातील चूरस आता नव्या रंगात रंगलाय. कधी शेकोटीच्या उबेत हात तापवणारे चेहरे, तर कधी होळीच्या ज्वालांमध्ये स्वतःचं भवितव्य शोधणारे नेते. या सगळ्या नाट्यांत जनता मात्र पॉपकॉर्न घेऊन बसली आहे, कारण हा खेळ आता रोज नव्या ट्विस्टसह उलगडतोय.
धनंजय मुंडे, माणिकराव कोकाटे, जयकुमार गोरे आणि योगेश कदम हे महायुतीचे ‘चार यार’ सध्या अडचणीच्या चिखलात अडकले आहेत. ही चर्चा त्यांच्या कामगिरीपेक्षा त्यांच्या अडचणींसाठी आहे. महाराष्ट्रात जसं ऊन डोक्यावरून उसळतंय, तसंच या नेत्यांच्या डोक्यावर संकटांचे ढग घोंघावत आहेत. पण हे सगळं सुरू असताना, राजकारणात एक नवा रंग भरलाय, तो म्हणजे होळीचा धूर आणि परतीच्या थंडीचा मेळ. कधी गावात शेकोटी पेटते, तर कधी शहरात आरोप-प्रत्यारोपांचा वणवा पेटतो. या सगळ्या रंगीबेरंगी घडामोडींनी महाराष्ट्राचं राजकीय तापमान आता ‘हाय फिव्हर’वर पोहोचलं आहे.
उपराजधानीची शांतता
नागपूर जिल्ह्यात मात्र एक वेगळंच चित्र दिसत आहे. जिथे राज्याच्या इतर भागात राजकीय तापमान वाढत आहे, तिथे देवाभाऊ नागपुरात राजकीय घडामोडींमध्ये गर्व पसरलेला आहे. ग्रामीण भागात हिवाळ्याच्या थंडीने शांतता पसरली आहे. या शांततेतही एक वेगळीच गंमत घडली. माजी गृहमंत्री अनिल देशमुख यांच्या कार्यकर्त्यांनी गावात शेकोटी पेटवली आणि या शेकोटीवर अनिल देशमुखांनीही हात शेकले. त्यांच्या या कृतीतून महायुतीची होळी होतेय, आणि आम्ही त्यावर हात शेकतोय, असं स्पष्ट होतांना दिसत आहे.
अनिल देशमुख यांना मनी लाँड्रिंग प्रकरणात जेलमध्ये जावं लागलं होतं, पण जामिनावर सुटका झाल्यापासून ते सातत्याने आपली बाजू मांडत आहेत. देवेंद्र फडणवीस यांनी मला फसवलं, असा त्यांचा आरोप आहे. या सगळ्या घडामोडींमध्ये महाविकास आघाडीनेही आक्रमक पवित्रा घेतला आहे. ठाकरेंची शिवसेना आणि काँग्रेस एकत्र येऊन महायुतीच्या मंत्र्यांना लक्ष्य करत आहेत. एक एक गडी टिपायचा, आणि महायुतीला थंड पाडायचं, असा त्यांचा डाव दिसतोय.
तापलेला रंगमंच
महाराष्ट्राच्या राजकारणात सध्या एकाच वेळी दोन ऋतूंचा खेळ सुरू आहे. काही ठिकाणी उन्हाळ्याच्या झळा जाणवत आहेत, विशेषतः महायुतीच्या नेत्यांच्या अडचणींमुळे. मात्र काही ठिकाणी हिवाळ्यासारखी थंडी पसरली आहे. अनिल देशमुख यांच्या या शेकोटीच्या राजकारणाने मात्र होळीच्या आगीत तेल ओतण्याचं काम केलं आहे. महायुतीतील नेते एकामागून एक अडचणीत सापडत असताना, महाविकास आघाडी ही संधी सोडायला तयार नाही. आम्ही फक्त हातच नाही, तर भविष्यातील सत्तेची स्वप्नंही शेकतोय, असं काही नेत्यांचं म्हणणं आहे.
एक मात्र खरं या सगळ्या खेळात जनता मात्र मजा बघतोय मोडमध्ये आहे. गावात शेकोटी पेटते, शहरात टीव्हीवर ब्रेकिंग न्यूज पेटतात, आणि सोशल मीडियावर मीम्सचा वणवा पेटतो. ‘जिथे धूर आहे, तिथे आग आहे,’ असं म्हणतात, आणि ही आग आता कोणाला रंगणार आणि कोणाला जाळणार, हे पाहणं खरंच मजेशीर ठरणार आहे. अनिल देशमुखांनी शेकोटीवर हात तापवत जे सिग्नल दिलं, त्याने एक गोष्ट स्पष्ट झाली महाराष्ट्राच्या राजकारणात आता ‘होळी आणि थंडी’ यांचा अनोखा संगम पाहायला मिळणार आहे. तर मग, पॉपकॉर्न तयार ठेवा, कारण हा रंगमंच अजून बरंच काही दाखवणार आहे.
