नागपूर जिल्ह्यातील काही गावांना पाण्याची तीव्र टंचाई भासत आहे. पालकमंत्री चंद्रशेखर बावनकुळे यांनी या जलसंकटावर तातडीने उपाययोजना सुरू केल्या आहेत.
संपूर्ण राज्यात उन्हाळ्याच्या झळा तीव्र होत आहेत. नागपूर जिल्ह्यातील पाणीटंचाईचा प्रश्नही गंभीर बनत चालला आहे. मात्र, या संकटाच्या छायेत पालकमंत्री चंद्रशेखर बावनकुळे यांनी आपल्या आक्रमक आणि परिणामकारक नेतृत्वाची ठसठशीत छाप उमटवली आहे. त्यांनी नुकत्याच झालेल्या जिल्हाधिकारी कार्यालयातील बैठकीत जलसंकटाचा सखोल आढावा घेतला आणि प्रशासनाला तातडीचे निर्णय घेण्याचे स्पष्ट आदेश दिले.
नागपूर जिल्ह्यात बहुतेक ठिकाणी पाण्याची उपलब्धता समाधानकारक आहे. मात्र काटोल आणि नरखेड तालुक्यांतील काही गावांची अवस्था बिकट आहे. भूजल पातळी 800 फूटांपेक्षा अधिक खोल गेली आहे. ही वस्तुस्थिती लक्षात घेता प्रशासनाने अशा गावांची तातडीने ओळख पटवली आहे. पिण्याच्या पाण्याच्या सोयी त्वरित सुरू करण्यास सुरुवात केली आहे.
Pahalgam Attack : प्रकाश आंबेडकरांच्या हस्तक्षेपाने अकोल्याचे पर्यटक सुखरूप परतले
तुटवडा मिटवण्यासाठी आदेश
पालकमंत्री बावनकुळे यांनी या गावांमध्ये पिण्याचे पाणी तातडीने उपलब्ध करून देण्यासाठी यंत्रणेला कार्यान्वित करण्याचे निर्देश दिले आहेत. उन्हाळ्याच्या वाढत्या तापमानात गावकऱ्यांना दिलासा मिळावा, यासाठी त्यांनी जलस्रोतांचा काटेकोर वापर, टँकरने पाणीपुरवठा आणि जलसंधारण यंत्रणा गतिमान करण्याचे आदेश जारी केले. तत्काळ उपायांसोबतच दीर्घकालीन उपाययोजनांसाठीही बावनकुळे यांनी व्यापक आराखडा सादर केला. शासनाच्या सूचनांच्या अनुषंगाने जलव्यवस्थापनाचे विविध मार्ग सांगत त्यांनी जिल्हाधिकाऱ्यांना ठोस पावले उचलण्यास प्रवृत्त केले.
जिल्ह्यातील नाले खोल करणे, स्थानिक जलस्रोतांना बळकट करणे, जलसंधारणाच्या कार्यांवर भर देणे आणि टँकरदारीवर अवलंबून असलेल्या गावांमध्ये दीर्घकालीन उपाय करणं, या सर्व बाबींचा विचार करत बावनकुळे यांनी एक स्वतंत्र जल नियोजन आराखडा तयार करण्याचे आदेश दिले. यामुळे पाण्याचा शाश्वत वापर सुनिश्चित होणार आहे. यामुळे भविष्यातील जलसंकटांवर मात करणे शक्य होईल. यंत्रणेला सतर्क करताना बावनकुळे यांनी एका जबाबदार पालकमंत्र्याची भूमिका निभावत जलप्रश्नाला केवळ तात्कालिक नव्हे तर धोरणात्मक दृष्टिकोनातून हाताळले आहे. त्यांच्या या झपाट्याच्या कार्यपद्धतीमुळे प्रशासनही सुसज्ज झाल्याचे चित्र स्पष्ट होत आहे.
Harshwardhan Sapkal : कोळी समाजाच्या हक्कांसाठी ‘करो या मरो’
राजकीय नेतृत्वाची छाया
संकटाच्या काळात धैर्याने निर्णय घेणारे नेतृत्व हीच जनतेसाठी खरी आश्वासक शक्ती असते, हे चंद्रशेखर बावनकुळे यांनी पुन्हा सिद्ध केले आहे. त्यांनी प्रशासनाला दिलेले स्पष्ट, वेगवान आणि दूरदृष्टीने युक्त निर्देश नागपूर जिल्ह्यातील जलसंकटावर प्रभावी नियंत्रण ठेवण्यासाठी निर्णायक ठरणार आहेत. बावनकुळे यांच्या हस्ते जलसंकटावर मात करण्याचा निर्धार जिल्ह्याच्या राजकीय आणि प्रशासनिक वर्तुळात एक नवा आत्मविश्वास निर्माण करत आहे. हे केवळ निर्णयांचे नेतृत्व नाही, तर संकटाच्या काळात जनतेच्या हाकेला प्रतिसाद देणाऱ्या नेतृत्वाचे जिवंत उदाहरण आहे.
