महाराष्ट्र

Nana Patole : काहीच न करणाऱ्यांनी आपलं बघावं

Congress : आमदार नाना पटोलेंचा भाईजींवर निशाणा

Post View : 40

Author

काँग्रेस नेते आमदार नाना पटोले यांनी प्रफुल्ल पटेल यांच्यावर निशाणा साधला आहे. ज्यांनी गोंदियासाठी काहीच केले नाही त्यांनी आपलं बघावं, असं पटोले म्हणाले.

काँग्रेसचे माजी प्रदेशाध्यक्ष आमदार नाना पटोले प्रफुल पटेल यांच्यावर नाराज झाले आहेत. पटेल हे राष्ट्रवादी काँग्रेस अजित पवार गटाचे कार्याध्यक्ष आहेत. गोंदिया जिल्ह्यात भाईजी नावाने ओळखले जाणारे पटेल खासदारही आहेत. मात्र पटेल यांनी गोंदियासाठी काहीच केलं नाही. गोंदियासाठी काहीही न करणारा साकोली बद्दल कसं बोलू शकतात, असं पटोले म्हणाले. त्यामुळं आता पूर्व विदर्भात पटेल व्हर्सेस पटोले असं नवीन चित्र रंगलं आहे. महाराष्ट्र बँक विर्सी शाखा स्थलांतरित करण्याच्या विरोधात उपोषण सुरू आहे. उपोषण करणाऱ्या आंदोलकांना पाठिंबा देण्यासाठी पटोले यांनी भंडाराच्या साकोली तहसीलला भेट दिली. त्यावेही त्यांन प्रसार माध्यमांशी संवाद साधला.

पटोले यांनी यावेळी बोलताना राष्ट्रवादी काँग्रेसचे नेते खासदार प्रफुल्ल पटेल यांच्यावर टीका केली. नाना पटोले म्हणाले, ‘सत्ताधारी पक्षातील लोक विशेषतः माझ्याबद्दल वाईट बोलतात. मी सत्तेत नव्हतो. तरही तुम्ही माझ्याबद्दल वाईट का बोलत आहात? भंडारा येथे आलेल्या गोंदियातील एका धन्य नेत्याने मला माझ्या कार्यालयाबद्दल टीकेचे पात्र केले. आपण कधीही इतके मोठे कार्यालय पाहिले नाही, असं ते म्हणाले. माझ्या कार्यालयाच्या परिसरात माझं घरही आहे. कार्यालय सर्वसामान्यांसाठी आहे. मी साध्या घरात राहतो. पण टीका करणाऱ्यांचे बंगले आहेत.’

Nana Patole : सत्ताधाऱ्यांच्या मदतीने माफियाराज

प्रशस्त बंगले

आपल्यावर टीका करणाऱ्यांनी पहिले आपल्या आलीशान बंगल्यांकडे पाहावे. त्या बंगल्याचं रक्षण करण्यासाठी श्वान (Dogs) आहेत आपल्या कार्यालयात मात्र माणसं येतात. श्वानांना घाबरून तुमच्याकडं येऊ नये, अशी व्यवस्था तुम्ही केली आहे. मात्र आपलं कार्यालय सर्वसामान्यांसाठी खुलं आहे, असा टोलाही पटोले यांनी प्रफुल पटेल यांना लगावला. पटोले पुढे म्हणाले, ‘कार्यालय माझं घरच आहे. मी सामान्य जनतेची सेवा करण्यासाठी आहे. येणाऱ्या अभ्यागतांना चांगला आसन व्यवस्था करून देणं माझं कर्तव्य आहे. अतिथी परमेश्वर असतो. आपण हे प्रशस्त कार्यालय, परमेश्वर रुपी जनतेसाठी सुरू केलं आहे’, असंही पटोले यांनी स्पष्ट केलं.

आपल्या बद्दल काही नेते विनाकारण अपप्रचार करीत आहेत. आपण कधीही सत्तेत नव्हतो. मंत्रिपदं उपभोगली नाही. त्यामुळं इतरांइतका पैसा आपल्यापाशी नाही. जो पैसा आहे तो परिश्रमाचा आहे. त्याचा उपयोग जर जनतेच्या सेवेसाठी करत असेल तर त्यात वाईट काय? जनता आपल्या कार्यालयात येते. त्यामुळं त्यांना कार्यालयाचं स्वरूप दिसून पडतं. आपण आज दिसणारं कार्यालय कसं उभारलं, हे जनतेला ठाऊक आहे. मात्र ग्रामीण भागातील लोकांना काही कळत नाही. त्यांना भुलवता येतं, असा गैरसमज काहींचा होता. जे आज आपल्या कार्यालयाबद्दल अपप्रचार करीत आहेत. त्यांनी गोंदियासाठी काय केलं, हे सांगावं. गोंदियासाठी काहीच न करणारा साकोलीकडं पाहू नये, असा सल्लाही पटोले यांनी पटेल यांना दिला.

व्हाॅट्सअप चॅनेल फॉलो करा
error: Content is protected !!