Sunil Mendhe : सी.पी. राधाकृष्णन यांचे नेतृत्व घडवणार प्रगत भारत

एनडीएचे उमेदवार सी.पी. राधाकृष्णन उपराष्ट्रपती पदावर निवडले गेले. त्यांच्या चार दशकांच्या राजकीय अनुभवामुळे आणि सामाजिक समावेशकतेवर आधारित कार्यकाळामुळे ते देशाच्या लोकशाहीला बळकटी देतील.

जगदीप धनखड यांच्या राजीनाम्यानंतर भारताच्या उपराष्ट्रपतीपदाची निवडणूक ही देशाच्या राजकीय पटलावर एक नाट्यमय वळण ठरली. राष्ट्रीय लोकशाही आघाडीने (एनडीए) आपला मास्टरस्ट्रोक खेळताना महाराष्ट्राचे राज्यपाल सी. पी. राधाकृष्णन यांना आपले उमेदवार म्हणून घोषित केले. ही घोषणा स्वतः भाजपचे राष्ट्रीय अध्यक्ष जे. पी. नड्डा यांनी केली. त्यांच्या या निवडीने राजकीय वर्तुळात खळबळ उडाली. राधाकृष्णन यांच्या चार दशकांच्या प्रदीर्घ अनुभवाने आणि सर्वपक्षीय स्वीकारार्हतेने त्यांना या पदासाठी योग्य उमेदवार बनवले. अखेरीस, सी. पी. राधाकृष्णन यांनी भारताचे नवीन उपराष्ट्रपतीपदी विराजमान होत इतिहास रचला. या निवडणुकीत एनडीएने इंडिया आघाडीच्या माजी सर्वोच्च न्यायालयाचे न्यायमूर्ती बी. सुदर्शन रेड्डी यांच्या विरुद्ध सरळ लढत दिली.

उप्राष्ट्रपतींची निवडणूक केवळ राजकीय रणनितीचा खेळ नव्हता, तर एक रंगतदार सामना ठरला. ज्याकडे संपूर्ण देशाचे लक्ष लागले होते. राधाकृष्णन यांनी सामाजिक समावेशकता आणि विकासाला प्राधान्य देत आपल्या कार्यकाळाची सुरुवात केली आहे. त्यांच्या या विजयाचे सर्वत्र कौतुक होत आहे. पंतप्रधान नरेंद्र मोदी यांनीदेखील त्यांना मनःपूर्वक शुभेच्छा दिल्या आहेत. सीपी राधाकृष्णन हे महाराष्ट्राचे राज्यपाल असल्याने महाराष्ट्रातूनही त्यांचे कौतुक करण्यात येत आहे. या विजयात भाजपचे माजी खासदार सुनील मेंढे यांनीही राधाकृष्णन यांचे तोंडभरून कौतुक केले आहे. सी. पी. राधाकृष्णन यांचा हा विजय म्हणजे भारतीय लोकशाहीचा एक नवा अध्याय आहे. त्यांचा प्रदीर्घ राजकीय आणि सामाजिक अनुभव, जनसेवेची तळमळ आणि भारतमातेच्या प्रति समर्पण यामुळे ते उपराष्ट्रपतीपदाला नवा आयाम देतील, असे मेंढे यांनी ठामपणे सांगितले.

Charan Waghmare : जनसुनावणीतून जनतेच्या मनात पेरले विश्वासाचे बीज

पंतप्रधान मोदींची शुभेच्छा

मेंढे यांचा हा उत्साह आणि राधाकृष्णन यांच्यावरील विश्वास हा भाजपच्या एकजुटीचे प्रतीक आहे. त्यांनी पुढे सांगितले की, राधाकृष्णन यांच्या नेतृत्वाखाली भारतीय लोकशाही अधिक समावेशक आणि प्रगतिशील होईल. या निवडणुकीत एनडीएने रणनीतीचा उत्कृष्ट खेळ खेळला. 8 आणि 9 सप्टेंबरला 19 संसदीय समित्यांच्या बैठका बोलावून विरोधी इंडिया आघाडीला चकवा देण्यात भाजप यशस्वी ठरला. या मास्टरस्ट्रोकने विरोधकांमध्ये गोंधळ उडाला आणि एनडीएने विजयाचा आत्मविश्वास दाखवला. निवडणूक बॅलेट पेपरवर झाल्याने काँग्रेस नेते राहुल गांधी यांना आत्मपरीक्षणाचा सल्ला देताना भाजपने चांगलाच टोला लगावला. ही निवडणूक ईव्हीएमवर नाही, बॅलेट पेपरवर झाली आहे. खासदारांनी पंतप्रधान मोदींवर विश्वास दाखवला आहे, असे भाजपने ठणकावले.

उपराष्ट्रपतीपदाची निवडणूक सहसा शांत आणि बिनविरोध असते. पण यंदा ती एका रंगतदार नाट्याचा भाग बनली. एनडीएच्या रणनीतीमुळे आणि राधाकृष्णन यांच्या लोकप्रियतेमुळे ही निवडणूक चर्चेचा विषय ठरली. काही मतांच्या फरकाने रेड्डी यांचा पराभव करत राधाकृष्णन यांनी हा विजय खेचून आणला. पंतप्रधान मोदींनी त्यांचे अभिनंदन करताना म्हटले, राधाकृष्णन यांनी आपले आयुष्य सर्वसामान्य आणि गरीबांसाठी समर्पित केले आहे. त्यांचा हा विजय देशाच्या प्रगतीसाठी एक पाऊल आहे. सुनील मेंढे यांनीही या विजयाला ‘भारताच्या राजकीय इतिहासातील एक मैलाचा दगड’ असे संबोधले. त्यांच्या मते, राधाकृष्णन यांचे नेतृत्व देशाला सामाजिक एकता आणि विकासाच्या दिशेने नेईल. या निवडणुकीने केवळ एनडीएचा विजय अधोरेखित केला नाही, तर विरोधकांना रणनीतीचा धडा शिकवला. आता सर्वांचे लक्ष राधाकृष्णन यांच्या कार्यकाळाकडे लागले आहे. जिथे ते भारतीय लोकशाहीला नवे उंची देण्याची तयारी करत आहेत.

Chandrashekhar Bawankule : मेघावर सवलत नाही, सत्य आहे

अभिजित घोरमारे | Abhijeet S Ghorrmaare

अभिजित यांनी अनेक वर्ष सकाळ माध्यम समूहासोबत रिपोर्टर म्हणून काम केलं. साम टिव्हीचे ते रिपोर्टर होते. याशिवाय सरकारनामा या सकाळ समूहाच्या राजकीय वेब पोर्टलचे प्रतिनिधी देखील होते.

More Posts