माजी मंत्री बच्चू कडू यांनी उद्धव ठाकरे आणि शरद पवार यांचा दिल्लीतील भाजपवर प्रभाव अधिक असल्याचा दावा करत भाजपवर कटू टीका केली आहे.
महाराष्ट्रात सध्या स्थानिक स्वराज्य संस्थांच्या निवडणुकींसाठी राजकीय रणधुमाळी जोरात सुरू आहे. प्रत्येक पक्ष आपली कंबर कसून निवडणूक लढवण्याच्या तयारीत आहे. राज ठाकरे आणि उद्धव ठाकरे यांच्यातील युतीने राजकीय मैदानात एक मोठा धक्का बसला आहे. त्यामुळे सर्वांची नजर ठाकरे बंधूंच्या यांच्या गतिवर लागल्या आहेत. त्याच वेळी राष्ट्रवादी काँग्रेसचे नेते तथा अध्यक्ष शरदचंद्र पवार यांनीही निवडणूक मोहीमेला जोरदार सुरुवात केली आहे. याच पार्श्वभूमीवर, माजी मंत्री आणि प्रहार जनशक्ती पक्षाचे अध्यक्ष बच्चू कडू यांनी महत्त्वपूर्ण विधान करत राज्यातील राजकीय परिस्थितीत खळबळ उडवली आहे. शेतकऱ्यांच्या आवाजाला न्याय देणाऱ्या आणि नेहमीच वादग्रस्त विधान करणाऱ्या बच्चू कडू यांनी भाजपवर जोरदार टीका केली आहे.
राज्य आणि केंद्र सरकारमधील सत्ताधाऱ्यांचे खेळ उघड केले आहेत. बच्चू कडू यांच्या मते, राज्यात सत्तेत असले तरी दिल्लीतील राजकारणात अजित पवार आणि एकनाथ शिंदे यांपेक्षा उद्धव ठाकरे आणि शरद पवार यांचे वजन अधिक आहे. त्यांचे जास्त खासदार निवडून आले आहेत, असे ठामपणे ते म्हणाले. यामुळे केंद्र सरकार चालवण्यात या दोघांचा मोठा वाटा असून भाजपला त्यांच्या सहकार्याशिवाय सत्ता टिकवणे कठीण आहे, असा खुलासा त्यांनी केला. भाजपवर त्यांनी जोरदार टीका करत म्हटले, राम मंदिराचा भावनिक मुद्दा नसता, तर भाजप सत्तेतच येऊ शकले नसते. त्यांच्या मते, भाजप ही पार्टी कर्तृत्वाने नाही, तर दगाफटक्याने उभी राहिलेली आहे. यावरून भाजपचा मित्रपक्ष द्रोही पक्ष असल्याचा निशाणा त्यांनी साधला आहे.
मित्रपक्षांचा राजकीय खेळ
शेतकऱ्यांच्या आत्महत्यांपासून मित्रपक्षांच्या वागणुकीपर्यंत, बच्चू कडू यांनी सत्ताधाऱ्यांना अनेक मुद्द्यांवर चांगलेच झोडपले आहे. शेतकऱ्यांच्या वाढत्या आत्महत्यांकडे राज्य सरकारचे दुर्लक्ष चिंताजनक असल्याचा गंभीर टोला बच्चू कडू यांनी लगावला आहे. दररोज 10 ते 15 शेतकरी आत्महत्या करतात. पण कोणालाच याचा गांभीर्याने विचार नाही, असे ते म्हणाले. शेतकऱ्यांचे जीव-मरणाचे प्रश्न कुणालाच फरक पडत नाहीत, असा कटाक्ष त्यांनी साधला. त्यांच्या मते, सत्ताधारी राजकारणी फक्त राजकीय मोहिमा आणि दौऱ्यांमध्ये व्यस्त आहेत. पण शेतकऱ्यांसाठी खर्‍या अर्थाने काही होत नाही. भाजप आणि त्यांच्या मित्रपक्षांवरही बच्चू कडू यांनी कठोर टीका केली. भाजपने प्रभु रामचंद्राला फसवले आहे, अशी व्यंगात्मक टीका करत ते म्हणाले की, भाजप हा पक्ष भावनांच्या खेळावर उभा आहे. पण त्याचा मुळ गाभा दगाफटका आहे.
कडू म्हणाले की भाजपचा राजकारण पूर्णपणे स्वार्थावर आधारित आहे. मित्र-शत्रू यांचा त्यांना फारसा भान नाही. भाजपवाले चाणक्य आहेत. त्यांनी आपले हित जपण्यासाठी कोणालाच वाचवायचे नाही, असे स्पष्ट केले. बच्चू कडू यांच्या मते, अजित पवार आणि एकनाथ शिंदे जरी राज्यात भाजपसोबत असले तरी दिल्लीतील सरकारमध्ये भाजपवर अंकुश उद्धव ठाकरे आणि शरद पवार यांचा आहे. भाजपच्या राजकारणाचा टप्पा असा आहे की, कुणी गेले तरी त्यांना फरक पडत नाही. कारण त्यांना दुसरे प्यादे तयार आहेत, असे त्यांनी स्पष्ट केले. राज्यात सत्ताधारी भाजपला कुणाची गरज नाही कारण त्यांच्याकडे स्थिर बहुमत आहे. राजकीय स्पर्धा अधिक कडक होत असताना बच्चू कडूंच्या विधानांनी महाराष्ट्राच्या निवडणूक रणभूमीत नव्याने खळबळ उडाली आहे. शेतकऱ्यांचे प्रश्न, मित्रपक्षांचे धोके आणि केंद्र-राज्य सत्तेतील खेळ या सर्वांवर त्यांचा नजरे खालचा टोला राज्यातल्या राजकारणावर लांबून परिणाम करू शकतो, असे दिसते.
Chandrapur : देवा भाऊंनी सांगितले ऑपरेशन, शोधून आणले अनेक जण
