महायुती सरकारच्या आर्थिक तुटवड्यामुळे दसरा-दिवाळीत आनंदाचा शिधा आणि शिवभोजन थाळी योजनेत कट झाला आहे. ज्यावर काँग्रेस नेते यशोमती ठाकूर यांनी सरकारच्या भ्रष्ट आणि बेवारस धोरणांवर जोरदार टीका केली आहे.
2024 महाराष्ट्र विधानसभेच्या निवडणुकीत महायुती सरकारने जोरदार बाजी मारत सत्तेवर आपले वर्चस्व प्रस्थापित केले. निवडणुकीच्या तोंडावर केलेल्या विकासाच्या जाहिराती आणि आश्वासनांनी लोकांचे मन जिंकले. पण सत्तेत आल्यानंतर त्या सर्व योजना कशा राबवल्या जात आहेत, याबाबत आता प्रश्नचिन्ह निर्माण होत आहे. लाडकी बहीण योजनेचा जोरदार प्रचार झाला, पण त्याचाच फटका शिवभोजन थाळी योजनेवर लागल्याचा आरोप येतो आहे. आर्थिक संकटामुळे सरकारने गेल्या दोन वर्षांपासून दसरा-दिवाळीच्या सणांमध्ये आनंदाचा शिधा वाटप न करण्याचा निर्णय घेतल्याची माहिती अन्न व नागरी पुरवठा मंत्री छगन भुजबळ यांनी दिली, ज्यामुळे विरोधकांनी सरकारवर जोरदार टीका केली आहे.
छगन भुजबळ यांनी स्पष्ट केले की, शिवभोजन थाळी योजनेसाठी 60 कोटी रुपये आवश्यक असताना फक्त 20 कोटी रुपयेच मंजूर केले गेले आहेत. यामुळे अनेक केंद्रांमध्ये अनियमितता, आर्थिक तुटवडा आणि काही केंद्रे बंद करावी लागणार असल्याचे त्यांनी सांगितले. याचबरोबर नव्या केंद्रांना मंजुरी न देण्याचा निर्णय घेण्यात आला असून थाळ्यांची संख्या कमी करण्यावर देखील विचार केला जात आहे. सिमेंटच्या पोत्यांनी भरलेल्या थाळींच्या प्रकरणासारख्या प्रकरणांनी योजनेचा दर्जा अधिकच खालावल्याचा भुजबळ यांनी इशारा दिला. यावरुन काँग्रेसच्या नेत्या यशोमती ठाकूर यांनी सरकारच्या आर्थिक स्थितीची खरी बाजू लोकांसमोर आणत निष्पक्षपणे सरकारची बाजू उघडकीस आणली आहे. राज्याची आर्थिक परिस्थिती इतकी बिकट आहे की सरकारचे स्वतःचे मंत्री आणि आमदार त्याला कबूल करत आहेत.
Election Commission : स्थानिक निवडणुकीत व्हीव्हीपॅटचे तिकीट रद्द
आश्वासनांमागे राजकीय ढोंग
विकास प्रकल्पांवर मात्र कोणतीही आडचण न येऊ देण्याची शासनाची भूमिका आहे. पण त्याच वेळी जनतेच्या जेवणाचा घास सरकार हिसकावून घेत आहे, हे खेदजनक आहे, असे यशोमती ठाकूर यांनी थेट सरकारवर सुनावले. शिवभोजन थाळी योजना ज्यांच्या पोटाला आधार देत होती, तीच आता बंद होण्याच्या मार्गावर आली आहे. याशिवाय, लाडकी बहीण योजनेतील तुटवड्यामुळे आणि अनियमिततेमुळे आदिवासी विभागाच्या निधीत वाढ करण्यात आली, ज्यामुळे इतर योजनांवर परिणाम होण्याची चिन्हे दिसत आहेत. यशोमती ठाकूर यांच्या म्हणण्यानुसार, सरकारने लाडकी बहीण योजनेमध्ये कसा तुटवडा होतो, कुठल्या ठिकाणी अनियमितता आहे याची कोणतीही तपासणी केली नाही. पुरुषांनीही या योजनेचा गैरफायदा घेतल्याचा आरोप आहे. पण सरकारने चौकशीचा डोल टाळला.
निवडणुकीपूर्वी केलेल्या पोकळ आश्वासनांचा, प्रचंड जाहिरातींचा आणि प्रलोभनांचा जशा गाजर दाखवून लोकांना फसवल्या गेले. तसाच परिणाम आता सामान्य जनता भोगत आहे. महायुती सरकारच्या भ्रष्ट कारभारामुळे अनेक योजना अडथळ्यांवर आल्या आहेत. शेतकरी, महिला, कामगारांसाठीचे आश्वासन फक्त खोटे ठरत आहे. भरकटलेल्या धोरणांनी आणि बेजबाबदार राजकारणाने जनतेच्या गरजा दुर्लक्षित झाल्या आहेत, अशा थेट टीकेने यशोमती ठाकूर यांनी या सरकारच्या धोरणांना जोरदार धक्का दिला आहे. या आर्थिक व राजकीय संकटात जनता कशासाठी वाट पहात आहे? आनंदाचा शिधा गमावलेली, शिवभोजन थाळी कमी झालेली आणि विकासाच्या नावाखाली फक्त रस्ता आणि प्रकल्पांवरच पैसा खर्च करणारी सरकार म्हणजे महाराष्ट्राच्या सामान्य माणसाच्या आशा-आकांक्षा कुठे घेऊन जात आहेत, हा प्रश्न आता नको तसा उभा राहिला आहे. या वादाच्या भोवती आता राजकारण अधिकच तापणार आहे.
