धार्मिक तणावाच्या पार्श्वभूमीवर नागपूर पोलिसांनी सिंगल यांच्या नेतृत्वाखाली मारबत उत्सव निर्विघ्न पार पाडत सुरक्षिततेचे कवच निर्माण केले.
नागपूरने काही महिन्यांपूर्वी जे दृश्य अनुभवले, ते या शहरासाठी अनपेक्षित होते. मार्च महिन्यात प्रथमच धार्मिक दंगलीची ठिणगी पेटली. त्यातून निर्माण झालेल्या तणावामुळे शहरभर चिंता पसरली. या दंगलीत काँग्रेस आणि भाजप कार्यकर्त्यांमध्ये थेट आमनेसामने संघर्ष झाल्याने परिस्थिती अधिक गंभीर झाली होती. समाजातील अनेक घटकांना या घटनांची झळ बसली होती. त्यामुळे आगामी मारबत उत्सव हा पोलिसांसाठी एक मोठे आव्हान ठरणार हे निश्चित झाले होते.
याच पार्श्वभूमीवर पोलिस प्रशासनाने दिवस-रात्र कंबर कसली. नागपूरचे पोलिस आयुक्त डॉ. रवींद्र सिंघल यांच्या नेतृत्वाखाली पोलीस आयुक्त नवीनचंद्र रेड्डी आणि अतिरिक्त आयुक्तांनी संवेदनशील भागात प्रत्यक्ष तळ ठोकला. महाल, गांधीबाग, इतवारी या प्रमुख भागांमध्ये सध्या रस्त्यांच्या दुरुस्तीसह मेट्रोचे काम सुरू आहे. रस्ते अरुंद झाले होते. परिणामी ट्रॅफिकची परिस्थिती बिघडण्याची शक्यता होती. या सर्व अडचणींमुळे प्रशासन अधिकच सावध झाले होते.
Akola BJP : घटनाक्रम कळल्यावर चव्हाणांनीही मारला डोक्यावर हात
तणावातही शिस्तबद्ध नियोजन
मारबत उत्सवाच्या आयोजनासाठी पोलिसांनी केवळ पहारा वाढवला नाही. तर उत्सव समितीशी सुसंवादही ठेवला. प्रारंभी काहींनी मार्ग बदलाबाबत विरोध होईल अशी भीती व्यक्त केली होती. पण संवाद आणि समोपचारातून तो प्रश्न निकाली निघाला. उत्सवाच्या मार्गात सूक्ष्म बदल करून, वाहतुकीच्या अडथळ्यांना नियंत्रित ठेवण्यात आले. दुपारी तीन वाजेपासून ते चार वाजेपर्यंत मारबतची मिरवणूक निर्विघ्नपणे, कोणत्याही गोंधळाशिवाय पार पडली.
या उत्सवात वाहतूक नियंत्रण हा सर्वात मोठा मुद्दा होता. पोलिस उपायुक्त लोहित मतानी यांनी स्वतः हे काम सांभाळत संपूर्ण यंत्रणा दक्ष ठेवली. शहरातील सर्व उपायुक्त, सह आयुक्त, अगदी आयुक्त सिंगल स्वतः मैदानावर हजर होते. संवेदनशील परिसरात साध्या वेशातील पोलिसांची गुप्त तैनाती करण्यात आली, ज्यामुळे परिस्थितीवर सतत नियंत्रण राहिले.
जनतेच्या विश्वासाला प्रशासन
या सर्व नियोजनाचे एकत्रित फळ म्हणजे शहरात कोणत्याही अप्रिय घटनेशिवाय उत्सव पार पडला. धार्मिक तणावानंतर इतक्या मोठ्या प्रमाणावर लोकांची गर्दी होती. असे असूनही पोलिस प्रशासनाने कौशल्याने परिस्थिती हाताळली. रस्त्यांच्या अडचणी, गर्दीचे ओझे आणि पूर्वीचा दंगलीचा इतिहास या सर्व अडचणींवर मात करून प्रशासनाने ‘सिंघम’ ठरल्याचे सिद्ध केले. या कार्यामुळे नागपूर पोलिसांचे जनतेवरील विश्वासार्हतेचे मापदंड अधिक उंचावले.
