गुढीपाडव्याच्या शुभमुहूर्तावर नागपुरात माधव नेत्रालयाच्या पायाभरणीच्या वेळी स्वामी अवधेशानंद गिरी महाराजांनी वक्फ बोर्ड आणि औरंगजेबाच्या इतिहासावर घणाघाती प्रहार केला. त्यांच्या रोखठोक विधानाने राजकीय आणि सामाजिक वर्तुळात मोठी खळबळ उडाली आहे.
गुढीपाडव्याच्या पावन मुहूर्तावर नागपुरात पंतप्रधान नरेंद्र मोदी यांच्या हस्ते माधव नेत्रालयाची पायाभरणी मोठ्या थाटामाटात पार पडली. या कार्यक्रमाला अनेक मान्यवर उपस्थित होते, मात्र सर्वाधिक लक्ष वेधले ते जुना आखाड्याचे आचार्य महामंडलेश्वर स्वामी अवधेशानंद गिरी महाराज यांच्या स्पष्टवक्तेपणाने. त्यांनी वक्फ बोर्ड आणि औरंगजेबाच्या समाधीबद्दल दिलेल्या रोखठोक विधानाने राजकीय आणि सामाजिक वर्तुळात मोठी खळबळ माजवली आहे.
स्वामी अवधेशानंद गिरी महाराज यांनी माध्यमांशी संवाद साधताना वक्फ बोर्ड ही कोणतीही घटनात्मक संस्था नाही; त्याचा उल्लेख भारतीय संविधानात कुठेही नाही आणि ती केवळ अतिक्रमणासाठीची संस्था आहे, असे स्पष्ट शब्दांत सांगितले. त्यांच्या या विधानाने एकाच वेळी सामाजिक आणि राजकीय क्षेत्रात वादळ निर्माण केले आहे.
Atul Londhe : मोदींची भाषणबाजी भारी, पण विदर्भाची तिजोरी खाली
औरंगजेबाचा महिमामंडन अयोग्य
भारतातील अनेक धर्मसंस्थांना कठोर कायद्यांचे पालन करावे लागते, मात्र वक्फ बोर्डला मोठे अधिकार देण्यात आले आहेत. याबाबत स्वामीजींनी थेट प्रश्न उपस्थित केला आहे.वक्फ बोर्डाचा घटनात्मक आधारच नसल्याने, तो केवळ अतिक्रमणासाठी वापरला जातो. गेल्या काही वर्षांत वक्फ बोर्डाच्या जमिनींवरून अनेक वाद निर्माण झाले आहेत. अनेक ठिकाणी सरकारी आणि खासगी जमिनी वक्फ बोर्डाच्या नावावर केल्या जात असल्याचे आरोप होत आहेत. त्यामुळे स्वामी अवधेशानंद गिरी महाराजांचे विधान राजकीय आणि कायदेशीर क्षेत्रात नव्या चर्चेला चालना देणारे ठरले आहे.
स्वामीजींनी औरंगजेबाच्या समाधीच्या प्रश्नावरही ठाम भूमिका घेतली. त्यांनी स्पष्टपणे सांगितले की, औरंगजेब भारतासाठी आदर्श पुरुष असू शकत नाही, आणि तो मुस्लिमांसाठीही आदर्श नाही.इतिहास पाहता औरंगजेबाच्या कारकिर्दीत अनेक हिंदू मंदिरे उद्ध्वस्त करण्यात आली, धर्मांध कायदे लागू करण्यात आले आणि बलपूर्वक धर्मांतर घडवून आणले गेले. त्यामुळे त्याचे उदात्तीकरण करणे चुकीचे असल्याचे स्वामीजींच्या विधानावरून स्पष्ट होते.
धर्मजागृतीचे प्रतीक
गिरी महाराजांच्या विधानानंतर राजकीय वातावरण तापले आहे. भाजपसह अनेक हिंदू संघटनांनी त्यांच्या विधानाला पाठिंबा दर्शवला आहे, तर काही विरोधी पक्षांनी त्यावर टीका केली आहे. त्यांच्या विधानामुळे इतिहास आणि सध्याच्या व्यवस्थेवर नव्याने प्रकाश टाकला जात आहे. देशभरातील विविध विचारसरणीच्या लोकांमध्ये आता वक्फ बोर्डच्या कार्यपद्धती आणि औरंगजेबाच्या ऐतिहासिक भूमिकेबद्दल तीव्र चर्चा सुरू झाली आहे.
गिरी महाराज हे केवळ धार्मिक नेते नाहीत तर समाजप्रबोधन करणारे प्रभावी विचारवंत आहेत. त्यांनी मांडलेले मुद्दे नव्या चर्चेला वाचा फोडणारे आहेत आणि भारतीय समाजमनावर दीर्घकालीन प्रभाव टाकू शकतात. त्यांच्या या परखड विचारांनी देशातील धार्मिक, सामाजिक आणि राजकीय वर्तुळात नवी उर्जा निर्माण केली आहे.
