राज्यातील सर्व जमीन प्रकरणांच्या चौकशी मागणी काँग्रेसनं केली आहे. याबाबत हर्षवर्धन सपकाळ यांनी टीका केली.
भाजपमध्ये थोडीबहूत नैतिकता शिल्लक आहे असे वाटते. असे असेल तर त्यांनी अजित पवारांना मंत्रिमंडळातून बरखास्त करावं. महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी ही मागणी केली. भाजपचं कार्यालय कोणत्या जमिनीवर आहे? असा प्रश्नही त्यांनी केला. सरकारने सर्व जमिनींबाबत श्वेतपत्रिका काढावी, अशी मागणी सपकाळ यांनी केली. चुकीला चूक म्हणा आणि पार्थला अटक करा. पुण्यातील जमीन घोटाळ्याबाबत काँग्रेसनं टीकास्त्र सोडले.
पुण्यातील मुंढवा जमीन खरेदी प्रकरणासोबतच दुसराही घोटाळा पुढं आला आहे. तील आरोपी हे सारखेच आहेत. त्यामुळे राजकीय वर्तुळात खळबह उडाली आहे. पार्थ पवार यांची कंपनी अमेडियामार्फत व्यवहार झाल्याचा ठपका आहे. त्यामुळे विरोधकांनी महायुती सरकारवर जोरदार हल्लाबोल केला. यावरून सरकारला कोंडीत पकडण्याचा प्रयत्न केला जात आहे. अजित पवार यांच्यावरही टीका होत आहे. उपमुख्यमंत्री अजित पवार यांनी पहिल्याच दिवशी राजीनामा द्यायला हवा होता, असे सपकाळ म्हणाले.
सरकार बरखास्त करावे
राज्यातील महायुती सरकार बेशरम आहे. पार्थ पवार यांना वाचवण्याचा प्रयत्न करण्यात येत आहे. गुन्हा दाखल झालेल्यांना सरकारनेच देशातून पळविले आहे. त्यामुळे सरकार बरखास्त करण्याची गरज असल्याचे, सपकाळ म्हणाले. भाजपमध्ये नैतिकता शिल्लक नाही. नैतिकता शिल्लक असेल तर पवारांना मंत्रिमंडळातून काढावे. व्यवहारातील संचालक मंडळावर गुन्हा दाखल करावा. भाजपचं कार्यालय कोणत्या जमिनीवर आहे, हे देखील स्पष्ट करावे. आरोपी विजय माल्ल्या पॅटर्नप्रमाणे या सरकारने देशातून पळवून लावले आहेत.
अजित पवारांचे सर्व व्यवहार संशयास्पद आहेत, असेही सपकाळ म्हणाले. सपकाळांनी अजितदादांनी केलेल्या सर्व व्यवहारावरच प्रश्नचिन्ह उपस्थित केले. हा सर्व व्यवहार अधिकाऱ्याने कसा नोंदवून घेतला, असे ते म्हणाले. अधिकाऱ्यांच्या कामावरही त्यांनी प्रश्नचिन्ह उपस्थित केला. पार्थ पवार (Parth Pawar) यांच्या अमेडीया होल्डिंग्स एलएलपी या कंपनीचा हा घोटाळा आहे. 1 हजार 804 कोटींची ही जमीन आहे. त्याची 300 कोटीत खरेदी करण्यात आली. त्यानंतर दोन दिवसांतच स्टँप ड्युटी माफ करण्याचे आदेश देण्यात आले. यावरून पार्थ यांच्यावर टीका होत आहे. या प्रकरणाच्या चौकशीची मागणीही सपकाळ यांनी केली.
जमीन प्रकरणात गुन्हा नोंद झाला आहे. सहजिल्हा निबंधक (वर्ग एक) संतोष अशोक हिंगाणे यांनी तक्रार दिली आहे. बावधन पोलिस ठाण्यात गुन्हाही नोंदविण्यात आला आहे. सह-दुय्यम निबंधक रवींद्र तारु यांच्यावर गुन्हा नोंद करण्यात आला आहे. जमीन घोटाळ्याची मास्टरमाईंड शीतल तेजवानी (Sheetal Tejwani) सध्या फरार आहे, असेही हर्षवर्धन सपकाळ यांनी स्पष्ट केले.
