महाराष्ट्र काँग्रेसचे प्रदेशाध्यक्ष हर्षवर्धन सपकाळ यांनी भाजपावर स्वातंत्र्यदिनी फतवे काढण्याचा आरोप केला.
स्वातंत्र्य दिनी काय खाल्ले पाहिजे, हा प्रश्न महाराष्ट्राच्या राजकीय वर्तुळात फिरत आहे. काँग्रेस प्रदेशाध्यक्ष हर्षवर्धन सपकाळ यांनी भाजपा सरकारच्या स्वातंत्र्य दिनाबद्दलच्या वादग्रस्त विधाने उचलून, एक जण व एक पेहराव व एक खानपान यांच्या संकल्पनेला विरोध केला आहे. त्यांच्या म्हणण्यानुसार, स्वातंत्र्य दिनाचा भारतीय जनता पक्षाशी काहीही संबंध नाही. स्वातंत्र्यासाठी अख्खा देश लढला होता. पण भाजपाचे पूर्वज ब्रिटिशांसोबत होते आणि ब्रिटिशांची पेन्शन घेत होते, असं कठोर भाषेत सपकाळ म्हणाले.
भाजपाची ‘वन नेशन, वन लिडर’ संकल्पना म्हणजेच देशाच्या विविधतेला समाप्त करण्याचा एक डाव असल्याचा आरोप सपकाळ यांनी केला आहे. सपकाळ यांनी आरोप केला की, भाजपा सरकारने नागरिकांच्या आरोग्याचा विचार न करता कबुतरांसाठी जाणीवपूर्वक युद्ध सुरू केले आहे. अदानीने अर्धी मुंबई विकत घेतली आहे. मंत्री लोढा यांच्याकडे भरपूर जमीन आहे. त्यावर कबुतरांच्या वासासाठी विशेष प्लाझा उभारावा, असा स्पष्ट आरोप त्यांनी केला. याच वेळी, ते म्हणाले की भाजपा सरकारने फक्त जनतेचे लक्ष इतर विषयांवर वळवण्यासाठी कबुतरांच्या मुद्द्याला हवा दिली आहे.
Vijay Wadettiwar : चोरीचा ट्रेंड थांबवा, बॅलेट पेपरवर निवडणूक घ्या
मतचोरी विरोधी लढा
सपकाळ यांना भाजपाच्या भ्रष्टाचारावरही कठोर शब्दात टीका केली. भाजपा सरकारमध्ये टोळीयुद्ध सुरू आहे. राज्य दिवाळखोरीच्या मार्गावर आहे, असं ते म्हणाले. त्यांचा आरोप होता की भाजपाने महाराष्ट्राच्या जनतेला एक मोठा भ्रम दिला आहे. स्वातंत्र्य दिवसासारख्या महत्त्वाच्या दिवशी भाजपाचे सांस्कृतिक फतवे लोकांची मने विकृत करण्याचे काम करत आहेत. त्यांच्या मते, भाजपाने यापूर्वी मराठा ओबीसी वाद, मराठी हिंदी वाद आणि आता मासाहार वाद उभा करून एकच मुद्दा चर्चेत आणला आहे.
हर्षवर्धन सपकाळ यांच्या उपस्थितीत राष्ट्रीय विद्यार्थ्यांच्या संघटनांचे (NSUI) नवे अध्यक्ष, सागर साळुखे यांनी पदग्रहण केले. या कार्यक्रमात काँग्रेसचे प्रमुख नेते आणि विद्यार्थी नेते उपस्थित होते. हर्षवर्धन सपकाळ यांनी भाजपाच्या धोरणांचा निषेध केला आणि काँग्रेसच्या संघर्षाची आणि राष्ट्रभक्तीची घोषणा केली. आम्ही महाराष्ट्रातील प्रत्येक कानाकोपऱ्यात स्वतंत्रतेचा खरा अर्थ आणि त्याच्या मूल्यांचा प्रसार करू, असं ते म्हणाले. अखेर, सपकाळ यांनी भाजपावर मतचोरीचा आरोप केला आणि यापुढे त्याच्या विरोधात तीव्र आंदोलन सुरू करण्याची चेतावणी दिली. काँग्रेसच्या अनुसुचित जाती विभागाने भाजपावर हा गंभीर आरोप केला की, भाजपा आणि निवडणूक आयोग मिळून मतचोरी करत आहे. याच्या विरोधात महाराष्ट्रभर लढा उभारला जाईल.
