नागपूरातील वीज प्रकल्पांमध्ये कार्यरत कामगारांसाठी मोठी घोषणा करण्यात आली आहे. महसूल मंत्री चंद्रशेखर बावनकुळे यांनी घरांच्या बांधकामाचा निर्णय जाहीर केला आहे.
राज्याचे राजस्व मंत्री आणि नागपूर जिल्ह्याचे पालकमंत्री चंद्रशेखर बावनकुळे यांनी कामठी शहरातून एक महत्त्वपूर्ण आणि जनतेसाठी आश्वासक घोषणा केली आहे. म्हाडा अंतर्गत श्रमिकांसाठी 500 घरांच्या बांधकामाची घोषणा केली आहे. त्यांनी आगामी दोन वर्षांत नागपूर शहरासह जिल्ह्यातील झोपडपट्टीवासीयांना घरकुल देण्याचे धोरण स्पष्ट केले आहे. नागपूरच्या कामठी येथील जिल्हाधिकारी कार्यालयात पार पडलेल्या बैठकीनंतर पत्रकारांशी संवाद साधताना बावनकुळे यांनी सांगितले की, कोराडी आणि खापरखेडा वीज प्रकल्पांमध्ये कार्यरत श्रमिकांसाठी 500 घरे उभारली जातील.
बावनकुळे यांनी सांगितले की, झोपडपट्टीत राहणाऱ्यांना आता संध्याकाळी झोपड्यांतून बाहेर पडून, आपल्या स्वतःच्या पक्क्या घरात प्रवेश मिळेल. बावनकुळे यांनी अधिक माहिती देताना सांगितले की, कामठी शहरात एकूण 2 हजार 500 घरे तर भीलगाव आणि खैरे भागात मिळून पाच हजार घरे उभारण्याचा निर्णय घेण्यात आला आहे. यापैकी 80 टक्के काम पूर्ण झाले आहे. हे केवळ आकडे नाहीत, तर सामान्य जनतेच्या जीवनात खऱ्या अर्थाने परिवर्तन घडवणारी क्रांती आहे, असे बावनकुळे यांनी ठामपणे सांगितले. नागपूर शहर व जिल्ह्यात मिळून एकूण 5 हजार 500 लोकांसाठी तयार घरे लवकरच उपलब्ध करून दिली जातील.
Devendra Fadnavis : राहुल गांधींनी सर्वोच्च न्यायालयाचा आदर राखावा
गृहविकासात ऐतिहासिक बदल
मुख्यमंत्री निवास योजनेच्या माध्यमातून ही घरे वितरित केली जातील. या उपक्रमाला मुख्यमंत्री देवेंद्र फडणवीस आणि पंतप्रधान नरेंद्र मोदी यांचा पूर्ण पाठिंबा असल्याचेही ते म्हणाले. नागपूर शहरातील ऐतिहासिक हिसलॉप कॉलेजजवळील म्हाडा भवनाचा जलदगतीने पुनर्विकास केला जाईल. बावनकुले म्हणाले की, अतिक्रमण काढण्यासाठी ठोस योजना आखण्यात आली आहे. त्या जागेवर राहणाऱ्यांसाठीही पुनर्वसनाची तरतूद करण्यात येणार आहे. यासोबतच, नगर निगमच्या कमिशनरमार्फत झोपडपट्टीत राहणाऱ्यांची यादी तयार करण्याचे कामही जोमाने सुरू झाले आहे. याद्वारे कोणताही पात्र नागरिक या घरकुल योजनेपासून वंचित राहणार नाही, याची खात्री केली जाणार आहे.
मुख्यमंत्री देवेंद्र फडणवीस यांनी आतापर्यंत वीस लाख घरांची मंजुरी दिली आहे. केंद्र सरकारकडून मंजुरी मिळाल्यावर आणखी दहा लाख घरांच्या योजनेची आखणी करण्यात येईल. एकूण 30 लाख घरांचा टप्पा हा देशात एक विक्रम ठरेल, असे बावनकुळे यांनी आत्मविश्वासाने जाहीर केले. राज्यातील प्रत्येक गरजू व्यक्तीला पक्कं घर मिळावं, यासाठी शासन कटिबद्ध आहे. नागपूर जिल्ह्यातील प्रत्येक खेतिहर मजदूर, झोपडपट्टीवासी, श्रमिक यांना निवास योजना अंतर्गत घर देण्याचे उद्दिष्ट ठेवण्यात आले आहे. या संपूर्ण उपक्रमामुळे फक्त नागपूरच नव्हे, तर संपूर्ण महाराष्ट्रात गृहनिर्माणाच्या क्षेत्रात एक नवा इतिहास रचला जाईल.
