गेल्या काही दिवसांपासून राज्यात, विशेषतः नागपुरात वाढत्या गांजा तस्करीवर ऑपरेशन थंडरच्या माध्यमातून नागपूर पोलिसांनी धडक कारवाई करत मुख्य आरोपीला अटक केली आहे.
नागपूरमध्ये कायदा आणि सुव्यवस्थेचा वटवृक्ष रुजवण्यासाठी पोलिस आयुक्त रवींद्र सिंगल यांच्या नेतृत्वाखाली सुरू झालेल्या ऑपरेशन थंडरने आता गुन्हेगारीच्या अंधाराच्या गर्तेतून धडकी भरवणारा मोर्चा उघडला आहे. या अभियानातून नागपूर शहरातील गुन्हेगारांना थेट पायबंद घालून पोलिसांनी प्रचंड यश मिळवले आहे. राज्यभरातील विविध जिल्ह्यांमध्ये वाढलेल्या अमली पदार्थांच्या तस्करीवरही पोलिसांनी ठोस कारवाई करत गुन्हेगारी विश्वात खळबळ उडवली आहे. गेल्या काही दिवसांत नागपूरसह इतर भागांत गांजा तस्करी वाढली होती. त्यावर पोलिसांनी लक्ष ठेवून तपास सुरू केला.
Election Commission : आरोपांचा पुरावा द्या, मगच उत्तर मिळेल
गुन्हेगारीवर पोलिसांचा घाव
तपासात पोलिसांना अनेक महत्त्वाचे आरोपी हातलागले, ज्यामुळे शहरातील अमली पदार्थांच्या धंद्यात मोठा फटका बसला आहे.ऑपरेशन थंडर अंतर्गत नागपूर पोलिसांनी एनडीपीएस कायद्यान्वये मोठ्या प्रमाणावर गांजा तस्करांना लक्ष्य करून कारवाई केली आहे. कळमना पोलिसांनी ओडिसा राज्यातून गांजा तस्करांना अटक केली आहे. आरोपींच्या यादीत अविनाश संजय ढोके, पलाश विद्याधर वानखेडे, दोघेही नागपूरचे रहिवासी, तसेच बुलबुल उर्फ व्हॉटसअॅप भाई सुकान्ता प्रधान या आरोपींचा समावेश आहे. जे बिसनाथपुर, संभलुपर, ओडिसा येथे राहतो.पोलिसांनी आरोपींच्या ताब्यातून १०८ किलो गांजा जप्त केला आहे.
जप्त केलेल्या अमली पदार्थांचे अंदाजे बाजारमूल्य 27 लाख रुपये आहे. तसेच एम. एच. 40, वाय 9962 क्रमांकाचा आयसर सहा चाकी ट्रक आणि काळ्या रंगाची महिंद्रा एक्सयूव्ही 500 वाहन जप्त करण्यात आले, ज्यांची एकूण किंमत 43 लाखांच्या आसपास आहे. अविनाश संजय ढोके व पलाश विद्याधर वानखेडे यांना 3 जून रोजी पकडण्यात आले होते. त्यानंतर पोलिसांनी या कारवाईचा विस्तार करत ओडिसा राज्यातही तपास सुरू केला. पोलिस आयुक्तांच्या सूचनेनुसार, आरोपींमध्ये साखळी (फॉरवर्ड आणि बॅकवर्ड लिंक) तपासून अधिक आरोपींची अटक करण्यासाठी उपनिरीक्षक संतोषकुमार रामलोड यांच्या नेतृत्वाखाली एक टिम ओडिशाला पाठवण्यात आली.
शहरात सुधारली कायदाशिस्त
ओडिशातील रारखोल गावात पोलिसांनी सापळा रचून बुलबुल उर्फ व्हॉटसअॅप भाई सुकान्ता प्रधान याला त्याच्या घराजवळून अटक केली. या तपासात त्याने गांजा तस्करीबाबत अनेक खुलासे केले, ज्यात पलाश वानखेडे या युवकाने गांजाची खेप ओडिसा राज्यातून आणल्याचे कबूल केले आहे. आरोपीवर 12 जूनपर्यंत पोलिसांनी पीसीआर (पोलिस कस्टडी रिमांड) मिळवले आहे, ज्यामुळे तपास अधिक गहन आणि सखोल होण्याची शक्यता आहे.नागपूर पोलिसांनी अमली पदार्थांच्या विरोधात सुरू केलेल्या या मोर्च्यामुळे शहरात कायदा सुव्यवस्थेच्या रक्षणात मोठा बदल अपेक्षित आहे. ऑपरेशन थंडरने नफ्यात अडकलेल्या या धंद्याला मोठा फटका दिला असून, या प्रकारच्या कारवायांनी नागपूरसह संपूर्ण राज्यात गुन्हेगारीचे स्वरूप बदलण्यास मदत होईल, अशी अपेक्षा आहे.
