विरोधकांनी उपराष्ट्रपती पदासाठी माजी न्यायमूर्ती बी. सुदर्शन रेड्डी यांना उमेदवारी जाहीर केली आहे. तर भाजपने सीपी राधाकृष्णन यांचे नाव जाहीर केले.
देशातील राजकारणाच्या रंगमंचावर सध्या एक नवा वादळ उभा राहिला आहे. 21 जुलै 2025 रोजी लोकसभेच्या पावसाळी अधिवेशनाला सुरुवात झाली. मात्र त्याच दिवशी उपराष्ट्रपती जगदीप धनखड यांनी आपल्या पदाचा राजीनामा दिला. ज्यामुळे एक नवा वाद निर्माण झाला. धनखड यांनी राजीनाम्याचे कारण स्वास्थ्य असल्याचे सांगितले, पण विरोधकांनी या निर्णयावर आक्रमक प्रतिक्रिया दिली. हे नवे राजकीय वादळ पावसाळी अधिवेशनाच्या गदारोळात आणखी तीव्र झाले, ज्यामुळे उपराष्ट्रपती पद रिक्त झाले. निवडणूक आयोगाने उपराष्ट्रपती पदाच्या निवडणुकीसाठी 9 सप्टेंबर 2025 तारीख जाहीर केली आहे.
याच दिवशी मतदान आणि मतमोजणी होणार असून, भाजपने महाराष्ट्राचे राज्यपाल सीपी राधाकृष्णन यांना उमेदवारी जाहीर केली आहे. यामुळे महाराष्ट्रातील राज्यपाल पदी कोणाची संधी असणार याबाबत राजकीय वर्तमनात उत्सुकता निर्माण झाली आहे. मात्र, विरोधी पक्षांनी या निर्णयावर आपला ठाम विरोध व्यक्त केला आहे. इंडिया आघाडीकडून उपराष्ट्रपती पदाच्या निवडणुकीसाठी माजी न्यायमूर्ती बी. सुदर्शन रेड्डी यांना उमेदवारी जाहीर केली आहे. काँग्रेस अध्यक्ष मल्लिकार्जुन खरगे आणि शरद पवार यांच्या उपस्थितीत बी. सुदर्शन रेड्डी यांचे नाव अधिकृतपणे घोषित करण्यात आले. ज्यामुळे निवडणुकीत आता थेट लढाई होईल असे स्पष्ट झाले.
विरोधकांचा पाठिंबा वाढला
बी. सुदर्शन रेड्डी यांचा जन्म 8 जुलै 1946 रोजी झाला. त्यांनी बी.ए. आणि एल.एल.बी. पदवी घेतल्यानंतर 1971 मध्ये वकिली केली. त्यांनी आंध्र प्रदेश उच्च न्यायालयात वकिली केली आणि 1995 मध्ये त्यांना आंध्र प्रदेश उच्च न्यायालयाचे न्यायाधीश बनवण्यात आले. त्यानंतर 2007 मध्ये भारताच्या सर्वोच्च न्यायालयाच्या न्यायाधीशपदी त्यांची नियुक्ती झाली. 2011 मध्ये ते निवृत्त झाले. भाजपने सीपी राधाकृष्णन यांना उमेदवारी जाहीर केल्यानंतर, विरोधकांनी त्यांच्या विरुद्ध उमेदवारी दिली आहे. यामुळे, सीपी राधाकृष्णन आणि बी. सुदर्शन रेड्डी यांच्यात एक थरारक राजकीय लढत होईल, असे म्हटले जात आहे.
इंडिया आघाडीने बी. सुदर्शन रेड्डी यांना उमेदवारी जाहीर केल्यानंतर तृणमूल काँग्रेस आणि आम आदमी पार्टीसारख्या विरोधी पक्षांनीही त्यांना पाठिंबा दिला आहे. विरोधकांचा स्पष्ट मत आहे की, एनडीएने संघाशी संबंधित व्यक्तीला उमेदवारी दिली आहे. तर इंडिया आघाडीने एक सुप्रीम कोर्टातून आलेल्या व्यक्तीला उमेदवारी दिली आहे. यामुळे, या निवडणुकीत राजकीय डोलयांमध्ये मोठा उलटफेर होऊ शकतो. अनेक पक्षांच्या पाठिंब्यामुळे लढाईला आणखी रंगत येईल. उपराष्ट्रपती पदाची निवडणूक आता केवळ एक राजकीय लढत नाही, तर ते देशाच्या राजकीय भविष्यावरही प्रभाव टाकू शकते.
Abhijit Wanjarri : शालेय भ्रष्टाचाराला ठेच देऊन, निर्दोष शिक्षकांची रक्षा करा
सीपी राधाकृष्णन आणि बी. सुदर्शन रेड्डी यांच्या उमेदवारींमुळे आगामी निवडणुकीतील परिणाम आणि राष्ट्रपती पदाच्या उत्तराधिकारी निवडीवर मोठा परिणाम होईल. राजकारणाच्या या नव्या रंगमंचावर कोण जिंकेल याचं उत्तर जनतेला लवकरच मिळेल.
