राज्यातील पोलीस दलात मोठ्या प्रमाणात बदल घडणार आहेत. येत्या 2025 या वर्षात महाराष्ट्र पोलीस दलातील एकूण 52 पोलिस निरीक्षक (PI) आणि 7 पोलिस उपनिरीक्षक (PSI) निवृत्त होणार आहेत. त्यांच्या निवृत्तीनंतर अनेक रिक्त पदे उपलब्ध होणार असल्याने पदोन्नतीच्या प्रतीक्षेत असलेल्या अधिकाऱ्यांसाठी ही मोठी संधी असणार आहे.
पोलिस दलामध्ये पदोन्नतीच्या प्रतीक्षेत असलेल्या अनेक अधिकारी व कर्मचाऱ्यांसाठी ही निवृत्ती महत्त्वाची ठरणार आहे. निवृत्त होणाऱ्या अधिकाऱ्यांच्या जागी नव्या अधिकाऱ्यांची वर्णी लागणार आहे. विशेषतः सहाय्यक पोलिस निरीक्षक (API) व पोलिस उपनिरीक्षक (PSI) या पदावरील अधिकाऱ्यांना पोलिस निरीक्षक (PI) पदावर बढती मिळण्याची शक्यता आहे.
देवाभाऊंच्या गावात बंद पडलेले दोन हजार डोळे सुरू होणार
किती निवृत्त होणार?
राज्यभरातील विविध विभागांमध्ये कार्यरत असलेले हे 52 पोलिस निरीक्षक आणि 7 पोलिस उपनिरीक्षक पुढील वर्षी सेवेतून मुक्त होणार आहेत. त्यामध्ये मुंबई, पुणे, नागपूर, नाशिक, औरंगाबाद, ठाणे, कोल्हापूर, सोलापूर, अमरावती, तसेच ग्रामीण भागातील अनेक जिल्ह्यांचा समावेश आहे.
मुंबई पोलिस विभागात 10 पोलिस निरीक्षक, 2 पोलिस उपनिरीक्षक. पुणे शहर पोलिस विभागात 6 पोलिस निरीक्षक, 1 पोलिस उपनिरीक्षक. नागपूर पोलिस विभागात 5 पोलिस निरीक्षक, 1 पोलिस उपनिरीक्षक. ठाणे पोलिस विभागात 4 पोलिस निरीक्षक, 1 पोलिस उपनिरीक्षक. नाशिक पोलिस विभागात 3 पोलिस निरीक्षक. औरंगाबाद पोलिस विभागात 3 पोलिस निरीक्षक. कोल्हापूर पोलिस विभागात 3 पोलिस निरीक्षक. सोलापूर पोलिस विभागात 3 पोलिस निरीक्षक. अमरावती पोलिस विभागात 2 पोलिस निरीक्षक. इतर ग्रामीण व विशेष शाखा विभागामध्ये 13 पोलिस निरीक्षक, 2 पोलिस उपनिरीक्षक.
नव्या अधिकाऱ्यांना संधी
राज्यातील पोलिस दलात एकूण 59 अधिकारी निवृत्त होणार असल्यामुळे अनेक अधिकाऱ्यांना उच्च पदावर बढती मिळण्याची शक्यता निर्माण झाली आहे. यामुळे पोलिस दलात नव्या चेहऱ्यांची भर पडेल आणि कार्यप्रणालीत नवीन उर्जेचा संचार होईल.
या निवृत्तीमुळे रिक्त होणाऱ्या पदांवर नेमणुकीसाठी नवीन धोरण आखले जाण्याची शक्यता आहे. राज्य सरकारकडून लवकरच पदोन्नती आणि नवीन भरतीबाबत निर्णय घेतला जाणार आहे. पोलिस दलात अधिक कार्यक्षम अधिकाऱ्यांना संधी मिळावी, यासाठी संबंधित विभाग नियोजन करत आहेत.
2025 हे वर्ष महाराष्ट्र पोलिस दलासाठी महत्त्वपूर्ण ठरणार आहे. मोठ्या प्रमाणात होणाऱ्या निवृत्तीमुळे पदोन्नतीच्या प्रतीक्षेत असलेल्या अधिकाऱ्यांसाठी संधी निर्माण झाली आहे. राज्य सरकारच्या पुढील धोरणांवर आणि पोलीस दलाच्या नव्या नेमणुकांवर सर्वांचे लक्ष लागून राहिले आहे.
