नागपूरच्या महाल परिसरातील दंगलीनंतर मध्य नागपूरचे आमदार प्रवीण दटके आक्रमक झाले आहे. त्यांनी दोषींवर कठोर कारवाईची मागणी केली आहे. शहराच्या शांततेला गालबोट लावणाऱ्या अराजक प्रवृत्तींविरोधात प्रशासनाने ठोस पावले उचलण्याचा आग्रह त्यांनी केला आहे.
नागपूरच्या महाल परिसरात उसळलेल्या दंगलीनंतर संपूर्ण शहरात भीतीचे वातावरण निर्माण झाले.. या घटनेवर मध्य नागपूरचे आमदार प्रवीण दटके यांनी कठोर भूमिका घेत दोषींवर तातडीने कारवाईची मागणी केली आहे. बाहेरून आलेल्या जमावाने महाल परिसरात एकत्र येऊन दंगल घडवली, असे त्यांनी स्पष्ट केले. या प्रकरणी मुख्यमंत्री देवेंद्र फडणवीस आणि पालकमंत्री चंद्रशेखर बावनकुळे यांच्याशी चर्चा झाल्याचेही त्यांनी सांगितले.
प्रवीण दटके यांनी प्रशासनाला स्पष्ट सांगितले की, या संपूर्ण घटनेचा सखोल तपास करून दोषींना अटक केली जावी. दंगल रोखण्यास पोलिसांनी तत्परता दाखवली असली, तरीही घडलेल्या हिंसाचाराला जबाबदार असणाऱ्यांची ओळख पटवून कठोर कारवाई करणे आवश्यक आहे.
Maharashtra : नागपुरात दंगलीनंतर पश्चिम विदर्भात पोलिसांचा हाय अलर्ट जारी
क्षणीक तणावानंतर वाद
महाल परिसरात झालेल्या आंदोलनानंतर काही वेळ तणावाचे वातावरण निर्माण झाले होते. पोलिसांनी मध्यस्थी करत वाद शांत केला होता. मात्र, अनेक तासांनंतर मोठा जमाव पुन्हा महाल परिसरात दाखल झाला आणि त्यांनी हिंसक कृत्ये सुरू केली. या हल्ल्यामुळे स्थानिक नागरिकांमध्ये भीतीचे वातावरण निर्माण झाले आहे.
आमदार प्रवीण दटके यांनी या घटनेवर कठोर प्रतिक्रिया देत असे प्रकार खपवून घेतले जाणार नाहीत, असे ठामपणे सांगितले. बाहेरून आलेल्या अराजक प्रवृत्तींनी नियोजनबद्ध पद्धतीने ही दंगल घडवली असल्याचा आरोप करत, पोलिसांनी त्यांच्याविरोधात जलदगतीने तपास करून कठोर कारवाई करावी, अशी मागणी त्यांनी केली.
दंगलखोरांना कोणतीही सूट न देता कठोर शिक्षा दिली जावी, यासाठी आमदार प्रवीण दटके यांनी थेट मुख्यमंत्री देवेंद्र फडणवीस आणि पालकमंत्री चंद्रशेखर बावनकुळे यांच्याशी चर्चा केली. राज्य सरकार आणि प्रशासन या संपूर्ण घटनेवर लक्ष ठेवून आहेत. कोणत्याही गुन्हेगाराला सोडले जाणार नाही, असा संदेश त्यांनी दिला आहे.नागपूरच्या शांततेला गालबोट लावणाऱ्या या घटनेत जे कोणी दोषी असतील त्यांच्यावर कठोर कारवाई होणार आहे. नागरिकांनीही अफवांवर विश्वास न ठेवता, शांतता आणि सुव्यवस्था राखण्याचे आवाहन करण्यात आले आहे. प्रशासन, पोलिस आणि स्थानिक लोकप्रतिनिधी एकत्र येऊन या प्रकारावर कठोर उपाययोजना करत आहेत.
कडक उपाययोजना
नागपूर शहराच्या सुरक्षेसाठी अधिक सतर्कतेने पावले उचलली जात आहेत. भविष्यात अशा घटना होऊ नयेत यासाठी पोलिसांचा गस्त वाढवण्याच्या सूचना देण्यात आल्या आहेत. सोशल मीडियाद्वारे अफवा पसरवणाऱ्यांवर देखील लक्ष ठेवले जात आहे. महाराष्ट्र सायबर सेलकडून कठोर कारवाई केली जात आहे. आमदार प्रवीण दटके यांनी नागरिकांना शांतता राखण्याचे आवाहन करताना, नागपूरच्या सुरक्षिततेसाठी प्रशासनाला पूर्ण सहकार्य करण्याची विनंती केली आहे. नागपूरच्या सुरक्षिततेसाठी कोणतीही तडजोड केली जाणार नाही, असा स्पष्ट संदेश त्यांनी दिला आहे.
Nagpur Riot : दंगलीनंतर सायबर सेलचे पूर्ण महाराष्ट्रावर बारीक लक्ष
दंगलखोरांना कठोर शासन
नागपूर पोलिस आणि राज्य सरकारने या घटनेनंतर ठोस पावले उचलण्यास सुरुवात केली आहे. सर्व आरोपींना शोधून त्यांच्यावर कडक कारवाई केली जाणार आहे. महाराष्ट्र सरकार, पोलिस आणि स्थानिक लोकप्रतिनिधी एकत्र येऊन नागपूरमध्ये शांतता आणि कायदा-सुव्यवस्था कायम ठेवण्यासाठी सर्वतोपरी प्रयत्न करत आहे. महाल परिसरातील दंगल ही पूर्वनियोजित कट असल्याचे प्राथमिक तपासातून स्पष्ट होताना दिसत आहे. त्यामुळे अशा अराजक प्रवृत्तींवर कठोर कारवाई करण्यासाठी पोलिस आणि प्रशासन सज्ज आहे. नागरिकांनीही संयम राखावा आणि कायदा हातात घेणाऱ्या व्यक्तींविरोधात कठोर कारवाई करण्यास सहकार्य करावे, असे आवाहन करण्यात आले आहे.
