देश भाजप-आरएसएसच्या फाळणीच्या राजकारणात अडकला, असा घणाघात करत राहुल गांधींनी हुकूमशाहीविरोधात काँग्रेसच्या तीव्र लढाईचे संकेत दिले.
काँग्रेस नेते राहुल गांधी यांनी भाजप आणि आरएसएसवर कठोर शब्दांत टीका करत त्यांची तुलना ब्रिटिश साम्राज्याशी केली. काँग्रेसने इंग्रजांविरुद्ध लढा देऊन स्वातंत्र्य मिळवले, तर भाजप आणि आरएसएस देशाच्या फाळणीसाठी कार्यरत आहेत, असा आरोप त्यांनी केला.
आज भारत दोन विचारसरणींमध्ये विभागला आहे. एका बाजूला भाजप- आरएसएसची हुकूमशाही मानसिकता आहे, जी समाजात भेदभाव, भीती आणि अन्याय वाढवत आहे. दुसऱ्या बाजूला काँग्रेसची विचारधारा आहे, जी समानता, लोकशाही आणि सर्वसमावेशकतेसाठी कार्य करते, असे राहुल गांधी म्हणाले.
Nagpur Municipal Corporation : सार्वजनिक मालमत्तेच्या गैरवापरावर कठोर नियंत्रण
देश नव्या ताब्यात
राहुल गांधींनी देशातील काही मोठ्या उद्योगपतींवर निशाणा साधला. सध्या दोन-तीन व्यापारी ईस्ट इंडिया कंपनीसारखी कामगिरी करत आहेत. मीडिया, टेलिकॉम, बंदरे, जमीन आणि संरक्षण करार हे काही उद्योगपतींकडे केंद्रित होत आहेत, आणि त्यामुळे देशाची संपत्ती काही लोकांच्या हातात साठवली जात आहे. राहुल गांधींनी काँग्रेसच्या जिल्हाध्यक्षांना पक्षसंघटनेच्या मजबुतीसाठी अधिक सक्रिय होण्याचे आवाहन केले. प्रत्येक नागरिकाला समान संधी मिळावी, हा काँग्रेसचा मूलभूत हेतू आहे.
लोकशाहीसाठी संघर्ष
राहुल गांधींनी दिल्लीतील जंतरमंतर येथे विद्यार्थ्यांच्या निदर्शनांना पाठिंबा देताना बेरोजगारी आणि शिक्षणाच्या स्थितीबद्दल चिंता व्यक्त केली. आरएसएस शिक्षण व्यवस्थेवर नियंत्रण मिळवत आहे, आणि त्यामुळे भविष्यातील संधी नष्ट होऊ शकतात. काँग्रेस अध्यक्ष मल्लिकार्जुन खरगे यांनी सांगितले की, काँग्रेस संसदेच्या आत आणि बाहेर भाजपशी लढत राहील.
पक्षसंघटनेच्या मजबुतीकरणावर भर देण्यात येणार असून, काँग्रेस अधिक बळकट होईल.राहुल गांधी आणि काँग्रेस देशभर भाजप-आरएसएसच्या अन्यायकारक धोरणांविरोधात लढण्यासाठी कटिबद्ध आहेत. मजबूत काँग्रेस आणि न्याय्य भारतासाठी हा संघर्ष अधिक तीव्र होईल.
