महाराष्ट्रातील राजकीय वर्तुळात आरक्षण सोडतीने खळबळ निर्माण झाली आहे. यामुळे अकोला जिल्ह्यातील राजकीय समीकरण वेगाने बदलत आहे.
महाराष्ट्राच्या राजकीय आखाड्यात स्थानिक स्वराज्य संस्थांच्या निवडणुकीचा बिगुल वाजला आणि अकोला जिल्ह्यातील राजकीय वातावरण ढवळून निघाले. प्रभाग रचनेपासून ते आरक्षण सोडतीपर्यंत सगळंच नव्या रंगात रंगलं आहे. यंदा राजकीय समीकरणं बदलली असून, नेत्यांचे स्वप्न भंगले तरी महिलांना मात्र मोठी संधी चालून आली आहे. अकोला जिल्ह्यातील तेल्हारा, हिवरखेड नगरपरिषद आणि बार्शीटाकळी नगरपंचायतीसाठी आरक्षण सोडत जाहीर झाले आहे. विशेष बाब म्हणजे, या सोडतीत महिलांना प्राधान्य देत त्यांचा राजकीय सहभाग वाढवण्याचा मार्ग मोकळा झाला आहे. गावागावात आता लेडी सिंघमचा बोलबाला होणार आहे. तेल्हारा नगरपरिषदेच्या दहा प्रभागांसाठी जाहीर झालेल्या आरक्षण सोडतीने सगळ्यांचं लक्ष वेधलं आहे. प्रभाग क्रमांक एक अ मध्ये अनुसूचित जाती सर्वसाधारण आणि ब मध्ये सर्वसाधारण महिला आहेत.
प्रभाग क्रमांक दोन अ मध्ये नागरिकांचा मागास प्रवर्ग महिला आणि ब साठी सर्वसाधारण, प्रभाग क्रमांक तीन अ मध्ये अनुसूचित जमाती महिला व ब मध्ये सर्वसाधारण अशा जागा आहेत. प्रभाग क्रमांक चार अ मध्ये नागरिकांचा मागासवर्ग प्रवर्ग सर्वसाधारण आणि ब मध्ये सर्वसाधारण महिला अश्या जागा आहेत. प्रभाग क्रमांक पाच अ मध्ये नागरिकांचा मागासवर्ग प्रवर्ग महिला आणि ब मध्ये सर्वसाधारण आहे. प्रभाग क्रमांक सहा अ मध्ये अनुसूचित जाती महिला आणि ब मध्ये सर्वसाधारण अशा जागा आहेत. प्रभाग क्रमांक सात अ मध्ये नागरिकांचा मागासवर्ग प्रवर्ग महिला व ब मध्ये सर्वसाधारण अशा जागा आहेत. प्रभाग क्रमांक आठ अ मध्ये अनुसूचित जाती महिला व ब मध्ये सर्वसाधारण अशा जागा आहेत. प्रभाग क्रमांक नऊ अ मध्ये अनुसूचित जाती सर्वसाधारण व ब मध्ये सर्वसाधारण महिला अशा जागा आहेत.
निरंक जागा
प्रभाग क्रमांक दहा अ मध्ये नागरिकांचा मागासवर्ग प्रवर्ग सर्वसाधारण व ब मध्ये सर्वसाधारण महिला अशा जागा आहेत. हिवरखेड नगरपरिषदेच्या दहा प्रभागांसाठीही आरक्षण सोडत जाहीर झाली आहे. येथेही महिलांना प्राधान्य दिसतंय. प्रभाग क्रमांक एक अ मध्ये नागरिकांचा मागासवर्ग प्रवर्ग महिला आणि एक ब मध्ये सर्वसाधारण अशा जागा आहेत. प्रभाग क्रमांक दोन अ मध्ये अनुसूचित जाती महिला आणि ब मध्ये सर्वसाधारण, प्रभाग क्रमांक तीन अ मध्ये सर्वसाधारण महिला व ब मध्ये सर्वसाधारण अशा जागा आहेत. प्रभाग क्रमांक चार अ मध्ये सर्वसाधारण महिला व ब मध्ये सर्वसाधारण अशा जागा आहेत. प्रभाग क्रमांक पाच अ मध्ये नागरिकांचा मागासवर्ग प्रवर्ग महिला व पाच ब मध्ये सर्वसाधारण अशा जागा आहेत. प्रभाग क्रमांक सहा अ मध्ये अनुसूचित जाती सर्वसाधारण व ब मध्ये सर्वसाधारण महिला अशा जागा आहेत.
प्रभाग क्रमांक सात अ मध्ये सर्वसाधारण महिला व ब मध्ये सर्वसाधारण अशा जागा आहेत. प्रभाग क्रमांक आठ अ मध्ये नागरिकांचा मागासवर्ग प्रवर्ग महिला व ब मध्ये सर्वसाधारण, प्रभाग क्रमांक नऊ अ मध्ये नागरिकांचा मागासवर्ग प्रवर्ग व ब मध्ये सर्वसाधारण महिला अशा जागा आहेत. प्रभाग क्रमांक दहा अ मध्ये नागरिकांचा मागासवर्ग प्रवर्ग व ब मध्ये सर्वसाधारण महिला अशा जागा आहेत. मात्र, हिवरखेडमध्ये अनुसूचित जमातीसाठी निरंक जागा आहेत. बार्शिटाकळी नगरपंचायतीसाठी देखील आरक्षण जाहीर झाले आहे. प्रभाग क्रमांक एक साठी नागरिकांचा मागास प्रवर्ग, दोन साठी सर्वसाधारण महिला, तीन साठी अनुसूचित जाती, प्रभाग क्रमांक चार साठी सर्वसाधारण महिला, पाच साठी सर्वसाधारण अश्या जागा आहेत. सहा साठी सर्वसाधारण महिला, सात साठी सर्वसाधारण, आठ साठी नागरिकांचा मागास प्रवर्ग महिला, नऊसाठी सर्वसाधारण महिला आणि दहासाठी सर्वसाधारण अश्या जागा आहेत.
Chandrashekhar Bawankule : घरकुल लाभार्थ्यांसाठी न्यू सँड पॉलिसी
पक्षांचा शोध सुरू
अकरासाठी अनुसूचित जाती महिला, बारासाठी नागरिकांचा मागास प्रवर्ग महिला, तेरा साठी सर्वसाधारण महिला, चौदा साठी नागरिकांचा मागास प्रवर्ग महिला, पंधरा आणि सतरा साठी सर्वसाधारण व प्रभाग सोळा साठी नागरिकांचा मागास प्रवर्ग अशा जागा निश्चित करण्यात आल्या आहेत. बार्शिटाकळी नगरपंचायत साठी देखील अनुसूचित जमातीच्या जागा निरंक ठेवण्यात आल्या आहेत. आरक्षण सोडतीमुळे अकोल्यातील राजकीय चित्र बदलतंय. काँग्रेस, भाजप, शिवसेना (एकनाथ शिंदे गट) आणि शिवसेना (उद्धव ठाकरे गट) यांच्यात चुरस वाढली आहे. नेत्यांना आता पुरुष उमेदवारांऐवजी महिलांना प्राधान्य द्यावं लागणार आहे. त्यामुळे पक्षांनी महिला उमेदवारांचा शोध सुरू केला आहे. अनेक नेत्यांचे डावपेच बदलले असून, गावागावात लेडी सिंघमचा शोध जोरात सुरू आहे. येत्या निवडणुकीत महिलांचा राजकीय दबदबा वाढणार असून, अकोल्यातील राजकारणाला नवा रंग चढणार आहे.
