पहलगाममधील दहशतवादी हल्ल्यानंतर सरकारची कारवाई अपुरी असल्याची टीका करत आमदार संजय गायकवाड यांनी पाकव्याप्त काश्मीर परत मिळवल्याशिवाय दहशतवाद संपणार नाही, असे स्पष्ट केले.
पहलगाममध्ये झालेल्या हल्ल्यावर रोज नवनवीन घडामोडी समोर येत आहेत. सरकारकडून यावर निर्णयही घेण्यात आले आहेत. मात्र हे निर्णय पुरेशे आहेत का हा सवाल आता उपस्थित होत आहे. बुलढाण्याचे शिवसेना आमदार संजय गायकवाड यांनी पाकिस्तानच्या दहशतवादाविरोधात भारताच्या कठोर आणि ठाम भूमिकेची आवश्यकता व्यक्त केली आहे.25 एप्रिल रोजी पत्रकार परिषद घेत गायकवाड यांनी पाकिस्तानच्या दहशतवादामुळे भारतातील लाखो लोकांचे प्राण गेले असल्याचे सांगितले.
गायकवाड यांनी काश्मीर खोऱ्यातून हिंदूंना विस्थापित करण्याच्या दहशतवादी कारवायांचा उल्लेख केला आणि या सर्वाचा प्रत्यक्ष स्रोत पाकिस्तान असल्याचे स्पष्ट केले. गायकवाड यांनी स्पष्टपणे सांगितले की, सिंधु जल करार स्थगित करून काहीही साध्य होणार नाही. त्याऐवजी, पाकिस्तानच्या कब्ज्यातील काश्मीर भारतात आणल्याशिवाय दहशतवादाची समस्या सुटणार नाही. इतर देशांप्रमाणे पाकिस्तानला जशा प्रकारे धडा शिकवला पाहिजे, तशाच प्रकारे भारताने देखील कठोर भूमिका घेतली पाहिजे.
Nagpur Municipal Corporation : अग्निशमन महाविद्यालयाची जमीन मुक्त
सरकारच्या धोरणावर सवाल
पंतप्रधान नरेंद्र मोदी यांच्याकडून कठोर कारवाईची अपेक्षा गायकवाड यांनी व्यक्त केली आहे. इस्राईलप्रमाणे पाकिस्तानच्या दहशतवादी पंढरपूरांवर कारवाई करणे आवश्यक असल्याचे सांगितले. आमदार संजय गायकवाड यांनी आपल्या भाषणात पाकिस्तानच्या दहशतवादाबद्दल चिंता व्यक्त केली. ते म्हणाले की, 1987 पासून पाकिस्तानने भारताच्या विविध भागांमध्ये दहशतवाद पसरवला आहे. लाखो निरपराध लोकांचे प्राण घेतले आहेत. काश्मीरमध्ये हिंदू लोकांना विस्थापित केले. पाकिस्तानच्या संरक्षणाखाली असलेल्या दहशतवादी संघटनांनी अनेक हल्ले केले आहेत.
गायकवाड यांनी स्पष्ट केले की, पाकिस्तानच्या कब्जातील काश्मीर भारताला परत मिळवण्यासाठी ठोस पावले उचलणे आवश्यक आहे. यासाठी एक नवी सीमा रेषा तयार करणे आणि पाकिस्तानला आपल्या जागेवर ठेवणे ही वेळेची गरज आहे. मोदी सरकारने या विषयावर अधिक गंभीर आणि ठाम धोरण स्वीकारावे, असा इशारा गायकवाड यांनी दिला. त्यांचा ठाम विश्वास आहे की, पाकव्याप्त काश्मीर भारतीय हद्दीत आणल्याशिवाय दहशतवादावर नियंत्रण मिळवणे अशक्य होईल.गायकवाड यांनी राज्यातील पोलिस विभागावर देखील जोरदार टीका केली.
हफ्ता संस्कृतीला आळा
गायकवाड म्हणाले, राज्यात पोलिस (गृह) विभागासारखा भ्रष्ट आणि अकार्यक्षम विभाग दुसरा नाही. गायकवाड यांच्या मते, पोलिस विभागाच्या कार्यप्रणालीमध्ये मोठ्या प्रमाणावर भ्रष्टाचार आहे. केवळ बंदी घातली की पोलिसांचा नवा हफ्ता सुरू होतो. राज्य सरकारच्या अंतर्गत असलेल्या या विभागावर गायकवाड यांनी गंभीर आरोप करत, पोलिसांमध्ये असलेल्या भ्रष्टाचारामुळे कायदा आणि सुव्यवस्था अबाधित ठेवण्यात अयशस्वी होण्याचा मुद्दा उपस्थित केला. गायकवाड यांच्या या आरोपांनी राज्यातील पोलिस व्यवस्था सुधारण्याची आवश्यकता अधिक ठळक केली आहे. सरकारने पोलिस विभागात सुधारणा केली पाहिजे, असे त्यांचे मत आहे.
