भद्रावतीत एका अनपेक्षित अपघातामुळे जखमींना त्वरित मदत मिळाली. ज्यातून माणुसकी आणि तत्परतेचा अद्भुत अनुभव दिसून आला. या घटनेने समाजात मानवतेच्या मूल्यांची जाणीव पुन्हा एकदा जागृत केली.
भद्रावतीच्या रस्त्यावर एका अनपेक्षित घटनेने माणुसकीचा सूर उमटला. ज्याने सर्वांचे मन जिंकले. माजी वने, सांस्कृतिक कार्य व मत्स्यव्यवसाय मंत्री आमदार सुधीर मुनगंटीवार यांनी आपल्या तत्पर आणि करुणामयी कृतीने पुन्हा एकदा समाजापुढे आदर्श ठेवला. एका कार्यक्रमासाठी प्रवास करताना त्यांच्या नजरेस पडलेल्या दृश्याने त्यांच्या मनातील संवेदनशीलतेचा ठाव घेतला. आपल्या ताफ्याला तात्काळ थांबवत त्यांनी जखमींच्या मदतीसाठी पुढाकार घेतला. ज्यामुळे त्यांच्या जनसेवेच्या व्रताची झलक पुन्हा एकदा सर्वांना दिसली. ही कृती त्यांच्या कर्तव्यनिष्ठेची आणि माणुसकीच्या अटळ बांधिलकीची साक्ष देत आहे.
‘जनसेवा हीच ईश्वरसेवा’ हे तत्त्व प्रत्यक्षात उतरवणारे आमदार मुनगंटीवार यांनी आपल्या कार्याने समाजाला प्रेरणा दिली आहे. भद्रावती येथील या घटनेने त्यांच्या संवेदनशील मनाचा आणि त्वरित कृती करण्याच्या स्वभावाचा प्रत्यय जनतेला आला. त्यांच्या या मानवतावादी दृष्टिकोनाची चर्चा सर्वत्र होत आहे. हा प्रसंग सामान्य माणसाच्या हृदयात कायमचा कोरला गेला आहे.
Maharashtra : पिकांच्या संरक्षणासाठी रविकांत तुपकर पोहोचले मंत्रालयात
जीवदानाचा पुढाकार
नागपूर येथील एका कार्यक्रमासाठी निघाले असताना भद्रावती येथे एक भीषण अपघात घडला. एका अज्ञात चारचाकी वाहनाने दुचाकीला जोरदार धडक दिल्याने बल्लारपूर येथील प्रदीप डोके आणि विसापूर येथील घनश्याम मेश्राम गंभीर जखमी झाले. नेमके त्याच वेळी आमदार मुनगंटीवार यांचा ताफा त्या मार्गावरून जात होता. जखमींची दयनीय अवस्था पाहताच त्यांनी क्षणाचाही विलंब न करता ताफा थांबवला. स्वतः पुढाकार घेत त्यांनी जखमींना प्राथमिक उपचार मिळवून देत जवळच्या रुग्णालयात दाखल करण्याची व्यवस्था केली. या त्वरित कृतीमुळे अपघातग्रस्तांना जीवदान मिळाले. यावेळी भाजपा जिल्हाध्यक्ष हरिश शर्मा आणि महामंत्री डॉ. मंगेश गुलवाडे यांनीही जखमींना सुरक्षित ठिकाणी हलवण्यासाठी तात्काळ मदत केली.
Prakash Ambedkar : भ्रष्टाचार, बेरोजगारी अन् असंतोषाची ठिणगी
आमदार सुधीर मुनगंटीवार यांचे कार्य राजकारणाच्या पलीकडे जाऊन समाजसेवेच्या नव्या उंचीवर पोहोचले आहे. आरोग्य शिबिरे, मोफत शस्त्रक्रिया, शैक्षणिक उपक्रम आणि ग्रामविकासाच्या योजना यांमधून त्यांनी जनतेच्या कल्याणासाठी अखंड प्रयत्न केले आहेत. गरजूंना आधार देणे, संकटात हात पुढे करणे आणि समाजाला प्रगतीच्या मार्गावर नेणे हा त्यांचा जीवनध्यास आहे. भद्रावतीतील या घटनेने पुन्हा एकदा सिद्ध केले की, आमदार मुनगंटीवार हे खऱ्या अर्थाने जनतेचे संवेदनशील नेते आहेत. ज्यांचा प्रत्येक क्षण समाजाच्या सेवेसाठी समर्पित आहे.
