देवेंद्र फडणवीस आणि नितीन गडकरी यांच्या नेतृत्वाखाली नागपूरचा विकास वेगाने होत आहे. स्मार्ट सिटी मिशनपासून नाग नदी पुनरुज्जीवन प्रकल्पापर्यंत, या दोघांच्या दूरदृष्टीने शहराचा कायापालट सुरू आहे.
मुख्यमंत्री देवेंद्र फडणवीस आणि केंद्रीय मंत्री नितीन गडकरी यांच्या दूरदृष्टीपूर्ण नेतृत्वाखाली नागपूरच्या विकासाला नवा आयाम मिळत आहे. दोघांच्याही मार्गदर्शनाखाली शहराच्या पायाभूत सुविधांमध्ये भरीव सुधारणा होत असून, नागपूर स्मार्ट सिटीच्या दिशेने प्रवास करत आहे. नागपूर महानगरपालिकेच्या वतीने शहराचे सौंदर्यीकरण आणि पायाभूत सुविधा विकसित करण्यासाठी विविध महत्त्वाकांक्षी प्रकल्प राबवले जात आहेत. राज्य सरकारने विविध प्रकल्पांसाठी 1हजार 987.60 कोटी रुपयांचा निधी मंजूर केला होता. मात्र त्यातील 357.12 कोटी रुपये वितरित करण्यात आले आहेत. या निधीतून शहरातील रस्ते, गटार व्यवस्था, वाहतुकीचे नियोजन आणि जलव्यवस्थापन यांसारख्या मूलभूत सुविधांच्या उभारणीवर भर दिला जात आहे.
शहराच्या सर्वांगीण विकासासाठी NMC जोमाने कार्यरत आहे. अनेक रस्त्यांची कामे सुरू आहे. काही ठिकाणी गटार आणि पावसाळी पाणी वाहून नेण्यासाठी आवश्यक असलेले सुधारणा प्रकल्प हाती घेण्यात आले आहेत. नागपूरकरांना अधिक सुलभ आणि अत्याधुनिक शहराचा अनुभव मिळावा, यासाठी प्रशासनाने महत्त्वपूर्ण निर्णय घेतले आहेत.
अकोला महापालिकेच्या अधिकाऱ्यांची नवीन Tagline, खाऊ आम्ही, बील द्या तुम्ही
दूरदृष्टीने विचार
गेल्या काही वर्षांपासून नागपूरला अतिवृष्टी आणि पूरपरिस्थितीचा सामना करावा लागत आहे. अचानक आलेल्या पुरामुळे नाग नदीच्या काठावरील भागांना मोठे नुकसान झाले आहे. मात्र, नागपूर महानगरपालिकेने यावर उपाययोजना आखत ठोस पावले उचलली आहेत. शहरातील पूरप्रवण भागांची ओळख पटवून, तिथे योग्य प्रकारे दुरुस्ती व पुनर्बांधणी केली जात आहे.
पावसाळ्यात पाणी तुंबू नये यासाठी सध्या 13 नाले स्वच्छ करण्यात आले आहेत. तर आणखी 15 नाल्यांमधील गाळ काढण्याचे काम वेगाने सुरू आहे. यासोबतच पूर धोका असलेल्या पुलांची पाहणी करून आवश्यक सुधारणा करण्याचे आदेशही देण्यात आले आहेत. हे सर्व प्रकल्प शहराला सुरक्षित बनवण्याच्या दृष्टीने महत्त्वाचे ठरणार आहेत.
ऐतिहासिक आर्थिक तरतूद
नागपुरच्या विकासाला वेग देण्यासाठी केंद्र सरकारनेही भरघोस आर्थिक मदतीचा निर्णय घेतला आहे. केंद्रीय अर्थमंत्री निर्मला सीतारामण यांनी नुकत्याच सादर केलेल्या बजेटमध्ये नागपूरच्या नाग सुधार प्रकल्पासाठी 295.62 कोटी रुपये मंजूर केले आहेत. हा निधी नाग नदीच्या पुनरुज्जीवनासाठी वापरण्यात येणार असून, नागपूरकरांसाठी हा एक महत्त्वपूर्ण टप्पा ठरणार आहे.
एकूण 1 हजार 115 कोटी रुपयांच्या या प्रकल्पासाठी केंद्र सरकारकडून 295 कोटी, राज्य सरकारकडून 25 कोटी, तर महानगरपालिकेकडून 305 कोटी रुपये देण्यात येणार आहेत. हे भांडवली सहाय्य नाग नदीचे सौंदर्य आणि स्वच्छता कायम ठेवण्यासाठी मोठे पाऊल ठरेल.
स्मार्ट सिटीच्या दिशेने नागपूरचा प्रवास
मुख्यमंत्री देवेंद्र फडणवीस आणि केंद्रीय मंत्री नितीन गडकरी यांच्या नेतृत्वाखाली नागपूरच्या विकासाला अधिक गती मिळत आहे. नागपूर महानगरपालिकेने शहराच्या सर्वांगीण विकासासाठी अनेक महत्त्वपूर्ण योजनांची अंमलबजावणी सुरू केली आहे. यामध्ये रस्ते, पूल, नालेसफाई, गटार व्यवस्थापन, वाहतूक सुधारणा यासारख्या विविध प्रकल्पांचा समावेश आहे.
स्मार्ट सिटी अभियानाअंतर्गत नागपूरमध्ये अत्याधुनिक पायाभूत सुविधा उभारण्यावर भर दिला जात आहे. नागरिकांना उत्तम सुविधा मिळाव्यात, वाहतूक कोंडी टाळता यावी आणि शहराचा सर्वांगीण विकास व्हावा, यासाठी प्रशासन सातत्याने प्रयत्नशील आहे.
आशादायी भविष्य
नागपूर शहराचा विकास वेगाने होत असून, आगामी काळात नागपूर हे आधुनिक आणि अत्याधुनिक शहर म्हणून विकसित होईल. नाग नदी पुनरुज्जीवन प्रकल्प, पावसाळी व्यवस्थापन उपाययोजना आणि शहराच्या इन्फ्रास्ट्रक्चरमधील सुधारणा या सगळ्याचा परिणाम नागपूरकरांच्या जीवनमानावर सकारात्मक होणार आहे.
मुख्यमंत्री देवेंद्र फडणवीस आणि केंद्रीय मंत्री नितीन गडकरी यांच्या नेतृत्वाखाली महानगरपालिका, राज्य आणि केंद्र सरकारच्या सहकार्याने शहराचा कायापालट करण्याचे ध्येय समोर ठेवले आहे. या उपाययोजनांमुळे नागपूरकरांना अधिक सुरक्षित, स्वच्छ आणि सुंदर शहराची अनुभूती मिळेल. आगामी काळात नागपूर स्मार्ट सिटी म्हणून उभे राहील आणि देशातील अन्य शहरांसाठी आदर्श ठरेल.
