महाराष्ट्र

Vijay Wadettiwar : संविधान रक्षणासाठी काँग्रेसचा इशारा 

Congress : जातिवाद आणि धर्माच्या नावाखाली सत्ता टिकवण्याचा प्रयत्न

Post View : 1

Author

सेवाग्राम आश्रमात झालेल्या संविधान सत्याग्रह पदयात्रेच्या समारोपीय सभेत काँग्रेस नेते विजय वडेट्टीवार यांनी उपस्थित नागरिकांशी संवाद साधत संविधान रक्षणाचे महत्त्व सांगितले. त्यांनी संघ आणि भाजपवर तीव्र टीका करत सामाजिक एकता टिकवण्याचे आणि प्रत्येक नागरिकाचे हक्क सुरक्षित ठेवण्याचे आवाहन केले.

वर्धा येथील ऐतिहासिक सेवाग्राम आश्रमाच्या चरखा सभागृहात संविधान सत्याग्रह पदयात्रेचा समारोप एका प्रेरणादायी सभेने झाला. या सभेत हजारो नागरिकांचा उत्स्फूर्त सहभाग होता. त्यांच्या मनी असलेल्या आशा-आकांक्षांना काँग्रेसचे नेते विजय वडेट्टीवार यांनी आपल्या ओजस्वी शब्दांत साद घातली. दसरा, राष्ट्रपिता महात्मा गांधी आणि माजी पंतप्रधान लाल बहादुर शास्त्री यांच्या जयंतीसह धम्मचक्र प्रवर्तन दिनाचा सुवर्ण योग या सभेला अधिक अर्थपूर्ण बनवणारा ठरला. सेवाग्रामच्या पवित्र भूमीतून संविधानाच्या रक्षणाचा आणि सामाजिक समतेचा संदेश घेऊन ही सभा एका नव्या क्रांतीच्या प्रारंभाची साक्ष ठरली.

विजय वडेट्टीवार यांनी आपल्या भाषणात भारताच्या आत्म्याला आणि संविधानाच्या पावित्र्याला केंद्रस्थानी ठेवले. त्यांनी उपस्थितांना उद्देशून सांगितले की, भारत हा देश सर्वांचा आहे. विशेषतः शोषित, पीडित आणि मागास समाजाचा. संविधान हे या सर्वांना एकत्र बांधणारे, त्यांचे हक्क आणि स्वातंत्र्य जपणारे एक अमूल्य दस्तऐवज आहे. या सत्याग्रहाच्या माध्यमातून त्यांनी संविधानाच्या रक्षणाचे आणि सामाजिक एकतेचे महत्त्व स्पष्ट केले. त्यांच्या शब्दांनी उपस्थितांमध्ये एक नवे चैतन्य निर्माण झाले. संविधानाच्या मूल्यांना पुढे नेण्याचा संकल्प अधिक दृढ झाला.

Sudhir Mungantiwar : इरई नदी पूररेषा नव्याने ठरवणार

दशकातील अस्थिरतेचा पडदा

वडेट्टीवार यांनी संविधानाला भारताच्या सामाजिक आणि सांस्कृतिक एकतेची जीवनरेखा संबोधले. त्यांनी सांगितले की, संविधान केवळ कागदावरचे शब्द नाहीत, तर ते प्रत्येक भारतीयाच्या हक्कांचे, स्वप्नांचे आणि आकांक्षांचे रक्षण करणारे एक जिवंत दस्तऐवज आहे. या सत्याग्रह पदयात्रेच्या माध्यमातून काँग्रेसने संविधानाच्या मूल्यांना जनमानसात रुजवण्याचा प्रयत्न केला आहे. वडेट्टीवार यांनी उपस्थितांना आवाहन केले की, प्रत्येक नागरिकाने संविधानाच्या रक्षणासाठी सजग आणि सक्रिय राहणे ही काळाची गरज आहे. ही सभा केवळ एक समारोप नव्हता, तर सामाजिक समतेच्या आणि न्यायाच्या लढ्याचा एक नवा अध्याय होता.

वडेट्टीवार यांनी मागील 11 वर्षांतील राजकीय आणि सामाजिक परिस्थितीवर तीक्ष्ण भाष्य केले. त्यांनी सांगितले की, या काळात देशात अस्थिरता वाढली आहे. जाती-धर्माच्या नावाने द्वेष पसरवून सत्तेचा खेळ खेळला गेला आहे. शेतकऱ्यांचे प्रश्न, बेरोजगारांचे दुखणे आणि सामान्य नागरिकांच्या व्यथा याकडे सरकारने जाणीवपूर्वक दुर्लक्ष केले आहे. देशावर कर्जाचा डोंगर उभा राहिला आहे. सामाजिक सलोखा धोक्यात आला आहे. वडेट्टीवार यांनी या परिस्थितीला एक गंभीर आव्हान म्हणून मांडले. ज्याचा सामना करण्यासाठी संविधानाच्या तत्त्वांचा आधार घ्यावा लागेल.

Harshwardhan Sapkal : मूंह में राम, बगल में छुरी

वडेट्टीवार यांनी राष्ट्रीय स्वयंसेवक संघ आणि भाजपावर वैचारिक दुटप्पीपणाचा आरोप केला. त्यांनी ठणकावले की, ज्यांनी एकेकाळी संविधानाला विरोध केला. तिरंगा फडकवण्यास नकार दिला. ते आज देशभक्तीचे धडे शिकवत आहेत. ज्यांनी संघावर बंदी घातली. त्या सरदार वल्लभभाई पटेल यांचा पुतळा उभारून भाजपाने स्वतःच्या वैचारिक पोकळपणाचा पर्दाफाश केला आहे. वडेट्टीवार यांनी सांगितले की, खऱ्या देशभक्तीचा अर्थ संविधानाच्या मूल्यांचे रक्षण करणे आणि सर्वांना समान हक्क देणे आहे. त्यांनी उपस्थितांना सामाजिक एकतेच्या रक्षणासाठी आणि संविधानाच्या तत्त्वांना अंगीकारण्यासाठी प्रेरित केले.

व्हाॅट्सअप चॅनेल फॉलो करा
error: Content is protected !!