नेहमीच वादग्रस्त वक्तव्यांमुळे चर्चेत असणारे शिवसेना शिंदे गटाचे आमदार संजय गायकवाड यंदाही वादाच्या भोवऱ्यात सापडले आहे. यावेळी त्यांनी थेट आमदार निवासातील कॅन्टीनमध्ये मारहाण करून नव्या वादाला तोंड दिले आहे.
शिवसेना शिंदे गटाचे नेते आणि नेहमीच थेट आणि आगळेवेगळे वक्तव्य करणारे आमदार संजय गायकवाड यांचा एकदा पुन्हा राजकीय वादात अडकल्याचा प्रकार समोर आला आहे. या वेळी आमदार निवासातील कॅन्टीन कर्मचाऱ्याच्या निकृष्ट आणि सडलेल्या जेवणामुळे संजय गायकवाड यांनी थेट त्या कर्मचाऱ्याला मारहाण केल्या असल्याचा व्हिडीओ सध्या सोशल मीडियावर व्हायरल होत आहे. जर आमदारांना अशा प्रकारचे जेवण मिळत असेल, तर सामान्य नागरिकांना काय मिळत असेल? असा धक्कादायक सवाल गायकवाड यांनी उपस्थित केला आहे.
राजकारणात कायम चर्चेत असणाऱ्या गायकवाडांनी यावेळी जेवणाच्या गुणवत्तेवर जोरदार टीका करत एक गंभीर मुद्यावर प्रकाश टाकला आहे. गायकवाड यांनी सांगितले की, माझा जेवणाचा वेळ रात्री दहा वाजता आहे. काल रात्री नऊ-साडेनऊ वाजता मी वरण भात आणि पोळी याची ऑर्डर दिली. मात्र जेवणाचा पहिला घास घेताच मला विचित्र त्रास झाला. वरणात चिंच असण्याचा अंदाज येत होता पण खऱ्या अर्थाने ते सडलेले होते. संजय गायकवाड यांचा राग इतका तुडवलाच की त्यांनी कॅन्टीन कर्मचाऱ्याला मारहाण केली. त्यांनी आरोप केला की, पुढील काही वेळा देखील कर्मचाऱ्यांनी मला निकृष्ट जेवण दिले होते.
Sulbha Khodke : अमरावतीच्या शेतकऱ्यांसाठी फेर पेरणीचा नवा फॉर्म्युला
सुरक्षिततेची जबाबदारी कुणाची
कॅन्टीनच्या मालकालाही याबाबत स्पष्ट इशारा दिला होता. पण अजूनही सुधारणेची अपेक्षा फोल ठरली आहे. महाराष्ट्रातील ५ ते १० हजार लोक दररोज या कॅन्टीनमध्ये जेवण करतात. अशा निकृष्ट जेवणाने त्यांच्या जीवनाशी खेळण्याचा हा प्रकार अत्यंत गंभीर असल्याचा मुद्दा गायकवाड यांनी उचलला आहे. आमदार निवासातील कॅन्टीनमध्ये जेवण इतके घाणेरडे आणि खराब का? याचा विचार करता, महाराष्ट्रातील नागरिकांच्या सुरक्षिततेची जबाबदारी कोण घेणार? याबाबत गायकवाड यांनी कडक शब्दांत आपल्या संतापाचा इशारा दिला आहे. जर आमदारांना अशा प्रकारचे जेवण मिळत असेल, तर राज्यातील नागरिकांना काय मिळत असेल? असा सवाल त्यांनी मनमोकळ्या शब्दांत मांडला.
संजय गायकवाड यांनी केवळ टीका करण्यापुरती मर्यादा न ठेवता तक्रार करण्याचीही तयारी दाखवली आहे. या प्रकरणी आम्ही अन्न व औषध प्रशासन विभागाकडे तक्रार नोंदवणार आहोत. या विषयावर आज (९ जुलै २०२५ रोजी) विधानसभा सत्रात जोरदार आवाज उठवणार आहे, असे त्यांनी स्पष्ट केले. राजकारणात कायम सतत वादग्रस्त आणि चवदार मुद्दे उभे करणाऱ्या गायकवाडांनी यावेळी जेवणाच्या दर्ज्याला केंद्रस्थानी आणून एक सामाजिक प्रश्न उपस्थित केला आहे. त्यांच्या म्हणण्यानुसार, सडलेल्या आणि कुजलेल्या जेवणामुळे माझा राग अनावर झाला. त्यामुळे माझा मूळ स्वभाव दिसून आला.
Prashant Padole : पहिल्याच पावसात उघडे पडले भंडाऱ्यातील रस्त्यांचे मुखवटे
