भारतीय जनता पार्टीने आगामी महापालिका निवडणुकीत महायुतीच्या रूपात एकत्र लढण्याचा निर्णय घेतला आहे. त्यावरून आता राजकीय चर्चेला ऊत आला आहे.
भारतीय जनता पार्टीने आगामी महापालिका निवडणुकीत महायुतीच्या रूपात एकत्र लढण्याचा मोठा घेतला आहे. भाजप नेते आशिष शेलार यांनी ही माहिती दिली. या निर्णयाने राजकीय वर्तुळात उलथापालथ झाली आहे. भाजपाच्या स्थानिक नेत्यांनी स्वबळावर निवडणूक लढवण्याचा दावा केला होता. मात्र शेलार यांच्या विधानाने पक्षाच्या रणनीतीमध्ये असलेल्या गोंधळाचे संकेत दिले आहेत. शेलार यांच्या या वक्तव्यानं भाजपाचे स्वबळाचे विमान हवेतून जमिनीवर आल्याची चर्चा आहे. भाजपाचे स्थानिक नेते आणि कार्यकर्ते हे स्वबळावरच निवडणूक लढण्याबाबत आग्रही आहेत. मात्र महायुती एकत्र लढणार असल्याचे शेलार यांनी स्पष्ट केले.
आशिष शेलार यांच्या भाजपाची आगामी निवडणुकीसाठीची रणनीती स्पष्ट झाली आहे. शेलार म्हणाले, आम्ही महायुती म्हणूनच लढणार आहोत. यासाठी चर्चा सुरू आहे. भाजपची महापालिका निवडणुकीत सकारात्मक भूमिका असेल. महायुतीचा घटक पक्षासारखी भूमिका घेण्याची भाजपची तयारी आहे. खासकरून संभाजीनगरमध्ये स्थानिक नेत्यांनी स्वबळाचा आग्रह धरला होता. घटक पक्षांना नेते जुमानत नव्हते. त्यांनी स्वबळावर लढण्याचा प्रस्ताव दिला होता. मात्र, शेलार यांनी महायुतीच्या एकजुटीची घोषणा केली. त्यामुळे आगामी निवडणुकीच्या रणनीतीत नवे वळण आले आहे.
एकजुटीचा नारा
महायुतीत सामील पक्षांनी देखील एकजुटीचा नारा दिला आहे. मंत्री संजय शिरसाट आणि जिल्हाप्रमुख राजेंद्र जंजाळ यांनी महापालिका निवडणुकीत महायुती म्हणून एकत्र लढण्याचे ठरवले आहे. भाजपाचे स्थानिक कार्यकर्ते मात्र स्वबळावर ठाम आहेत. यामुळे भाजप एक गट स्वबळासाठी आग्रही आहे. दुसरा महायुतीचं महत्त्व सांगत आहे. विधानसभा निवडणुकीत भाजपाने प्रचंड बहुमत मिळवले होते. त्यामुळे भाजपाचे स्थानिक कार्यकर्ते स्वबळावर अधिक जोर देत आहेत. स्वबळावर विश्वास ठेवणारे कार्यकर्ते सांगत आहेत की, त्यांना स्वतःला सक्षम ठरवून उभे राहण्याची संधी मिळावी. भाजपाचे स्थानिक नेते आणि कार्यकर्ते यांना स्वबळावर लढण्यासाठीची महत्त्वाची संधी हवी आहे. आशिष शेलार यांचे विधान त्यानुसार एक मोठे घुमाल झाले आहे.
शेतकऱ्यांचा रात्रीचा जागर! Collector Office समोर जागर आंदोलन
शिवसेनेची भूमिका वेगळी आहे. शिवसेनेच्या मंत्र्यांनी महापालिका निवडणुकीसाठी भाजपाला युतीच्या प्रस्तावाची तयारी दाखवली होती. यावरून एक गोष्ट स्पष्ट आहे भाजपाची रणनीती एका अनिश्चित वळणावर पोहोचली आहे. महाविकास आघाडी देखील स्वबळावर लढण्याचा नारा देत होती. मात्र आता त्यांनी स्थानिक स्वराज्य संस्था निवडणुकीत एकत्र लढण्याचा निर्णय घेतला आहे. यावरून एक गोष्ट साफ आहे की, आता दोन्ही प्रमुख आघाड्या आपापसात सामंजस्य साधून निवडणुकीत उतरतील. भाजपाच्या महायुतीसह महाविकास आघाडीच्या एकजुटीच्या निर्णयामुळे पुढील काही दिवसांत मोठे राजकीय फेरफार होण्याची शक्यता आहे.
भविष्याचा प्रश्न
आशिष शेलार यांनी महायुतीच्या एकत्रित लढण्याचे स्पष्ट केले. तरी महापालिका निवडणुकीच्या कार्यक्रमाच्या घोषणा न झाल्यामुळे राजकीय समीकरणांमध्ये बदल होण्याची शक्यता कायम आहे. भाजपाच्या रणनीतीत आता काय वळण घेतले जाईल, हे पाहणे महत्त्वाचे ठरेल. एका बाजूला स्थानिक भाजपाचे कार्यकर्ते स्वबळावर विश्वास ठेवून तयारीत आहेत. दुसऱ्या बाजूला महायुतीत सामील पक्षांमध्ये एकजुटीचे संकेत दिले जात आहेत. सर्वात महत्त्वाची गोष्ट म्हणजे, भाजपाची युती आणि स्वबळ यावर घेतलेला निर्णय आगामी निवडणुकीतील प्रचारावर मोठा प्रभाव पडेल. एका बाजूला स्वबळावर विश्वास ठेवणारी भाजपाची ताकद आहे, तर दुसऱ्या बाजूला युतीच्या एकजुटीच्या घोषणांनी भाजपाच्या भविष्यातील राजकीय समीकरणांवर मोठा प्रभाव पाडण्याची शक्यता आहे.
