भाजपने सुरेश धस यांना डावलत आमदार नमिता मुंदडा यांची धर्मादाय रुग्णालय तपासणी समितीच्या अध्यक्षपदी निवड केली आहे.
राजकीय सत्तासंघर्ष आणि डावपेच महाराष्ट्राच्या राजकारणाचा अविभाज्य भाग आहेत. मात्र, काही नेत्यांना वारंवार डावलले जात असल्यास तो निव्वळ योगायोग नसतो, तर तो मोठ्या डावाचा भाग असतो. हेच पुन्हा एकदा पाहायला मिळत आहे. बीड जिल्ह्यातील आक्रमक आमदार सुरेश धस यांना भाजपकडून मोठ्या पदाची संधी दिली जाणार असल्याच्या चर्चांना अखेर पूर्णविराम मिळाला. धर्मादाय खाजगी रुग्णालय तपासणी समितीच्या अध्यक्षपदी धस यांचे नाव चर्चेत असताना, शेवटच्या क्षणी त्यांना डावलून आमदार नमिता मुंदडा यांची वर्णी लावण्यात आली. भाजपच्या या खेळीमुळे धस समर्थकांमध्ये तीव्र नाराजी पसरली आहे.
संसदीय लोकशाहीत विधिमंडळ समित्यांना खूप महत्त्व आहे. महाराष्ट्रात महाविकास आघाडी सरकार कोसळल्यानंतर अनेक समित्या गठीत झाल्या नव्हत्या, तशा प्रकारची माहिती समोर आली होती. मात्र, फडणवीस सरकारने विविध समित्यांची घोषणा केली असून यात भाजपने मोठा वाटा घेतला आहे. महायुतीतील मित्र पक्ष असलेल्या शिंदे गटाच्या शिवसेना आणि अजित पवार यांच्या राष्ट्रवादी काँग्रेसने विधिमंडळ समित्या अद्याप घोषित केलेल्या नाहीत. मात्र, या सगळ्यात सर्वाधिक चर्चेत आहे ती बीडच्या आमदार नमिता मुंदडा यांची निवड आणि भाजपचे जुने loyalist असलेले सुरेश धस यांना डावलण्याचा निर्णय.
Nashik Kumbh Mela: शिंदे-फडणवीस संघर्ष शिगेला, पवार मात्र ‘मौनीबाबा’
राजकीय अस्तित्व धोक्यात
बीड जिल्ह्यातील धस यांनी अनेकदा सत्ताधाऱ्यांना, विशेषतः मंत्री धनंजय मुंडे यांना उघडपणे टार्गेट केले. त्यांनी मस्साजोग प्रकरणासह अनेक मुद्द्यांवर सरकारला कठोर प्रश्न विचारले. परिणामी, त्यांना भाजपच्या महत्त्वाच्या समितीतून बाहेरचा रस्ता दाखवण्यात आल्याचे बोलले जात आहे.
धस हे मुख्यमंत्र्यांचे निकटवर्तीय मानले जात असताना त्यांना डावलून नमिता मुंदडा यांना संधी दिली जाणे, हे त्यांच्यासाठी मोठा धक्का मानले जात आहे. धनंजय मुंडे आणि पंकजा मुंडे यांच्या राजकीय प्रतिद्वंद्वितेमुळे धस यांना डावलले गेले असावे, असा अंदाज वर्तवला जात आहे.
Buldhana : शिवसेना नेत्याला स्वतःवर विश्वास, मर्सिडीजवर नाही
गटबाजीचा फटका
राज्यात भाजपने 11 समित्यांवर आपला कब्जा केला आहे. मात्र, शिंदे गट आणि अजित पवार गटाला त्यांच्या समित्यांची प्रतीक्षा आहे. पण महत्त्वाचे म्हणजे, ज्या लोकांनी पक्षासाठी मोठे योगदान दिले, त्यांनाच डावलले जात आहे. धस यांना याआधीही जिल्हा नियोजन समितीतून बाजूला काढले गेले होते आणि आता धर्मादाय खाजगी रुग्णालय तपासणी समितीच्या अध्यक्षपदाची संधीही हिरावली गेली आहे.
यावरून हे स्पष्ट होते की, भाजपच्या अंतर्गत गटबाजीमध्ये धस यांना बलि द्यावी लागली. एका गटाने त्यांना बाजूला काढण्याचा घाट घातला असून त्यांना यापुढे मोठी जबाबदारी मिळेल की नाही, याबाबत शंका आहे.
धनंजय मुंडेंचा प्रभाव
धस यांनी धनंजय मुंडे यांना वारंवार लक्ष्य केले होते. त्यामुळे मुंडे गटाने त्यांना बाजूला करण्याचा प्रयत्न केला असावा, अशी चर्चा आहे. या पार्श्वभूमीवर, त्यांच्या ऐवजी मुंडे गटाशी जवळीक असलेल्या नमिता मुंदडा यांची वर्णी लागल्याने, हा एक निव्वळ संयोग मानायचा का, हा मोठा प्रश्न आहे.
भाजपने आपले विश्वासू कार्यकर्ते आणि जुने नेते बाजूला काढून नवीन गटाला संधी देण्याचा निर्णय घेतल्याने पक्षाच्या अंतर्गत वादाला तोंड फुटण्याची शक्यता आहे. धस यांना मोठ्या पदाची संधी दिली जाणार की त्यांचे राजकीय अस्तित्व धोक्यात येणार, हे पाहणे महत्त्वाचे ठरेल.
