चंद्रपूर जिल्हा परिषदेतील 13 ऑक्टोबरची आरक्षण सोडती राजकीय गल्लीबोळात चर्चेचा विषय बनली आहे. प्रारुप जाहीर होण्याआधीच राजकीय रंगमंचावर उत्सुकता पसरली आहे.
महाराष्ट्राच्या राजकीय पटावर सध्या निवडणुकीचा धुरळा उडाला आहे. स्थानिक स्वराज्य संस्थांच्या निवडणुकीच्या रणधुमाळीत प्रत्येक पक्ष आपली ताकद पणाला लावत आहे. पक्षांचे कार्यकर्ते गावोगाव धावपळ करत, रणनीती आखताना दिसताहेत. शहरातील छोटे मोठे गल्लीतून ते गावागावातील मंडळीपर्यंत, चर्चा निवडणुकीच्या गतीने झणझणीत होत आहेत. घराघरातील ‘होम मिनिस्टर’ आता रणसिंहासनावर बसण्याची तयारी करत आहेत. प्रत्येकजण स्वतःच्या रणनितीने लढाईत उतरला आहे.
चंद्रपूर जिल्हा परिषदेच्या 13 ऑक्टोबरच्या आरक्षण सोडतीने सगळ्यांचे लक्ष वेधले आहे. राज्य निवडणूक आयोगाच्या आदेशानुसार जिल्हाधिकाऱ्यांनी ही लॉटरी काढली. आता त्याचे प्रारूप जाहीर झाले आहे. 14 ऑक्टोबरला हे प्रारूप सर्वांसमोर येणार आहे. 17 ऑक्टोबरपर्यंत हरकतींचा मेळा रंगणार आहे. या तारखेनंतर हरकतींचा विचार होणार नाही, असा इशारा जिल्हाधिकाऱ्यांनी दिला आहे. विशेष म्हणजे, 56 जागांपैकी तब्बल 28 जागांवर महिलांचा झेंडा फडकणार आहे. राजकीय खेळात आता फिफ्टी-फिफ्टीचा थरार रंगणार असल्याचे दिसत आहे.
Local Body Election : महाराष्ट्र अनुभवणार दर वीस दिवसांनी राजकीय थरार
फिफ्टी-फिफ्टीचा खेळ
चंद्रपूरच्या राजकीय रंगमंचावर यंदा महिला उमेदवारांनी चक्क अर्धा आकाश व्यापला आहे. अनुसूचित जातीच्या 8 पैकी 4, अनुसूचित जमातीच्या 13 पैकी 7, मागासवर्गीयांच्या 15 पैकी 8 आणि सर्वसाधारणच्या 20 पैकी 9 जागा महिलांसाठी राखीव झाल्या आहेत. या आरक्षणाने पारंपरिक नेत्यांच्या गोटात नव्या चर्चा उमटू लागल्या आहेत. तर नव्या नेतृत्वाला संधीचा सोनेरी दरवाजा उघडला आहे. घर सांभाळणाऱ्या होम मिनिस्टर आता गाव सांभाळण्यासाठी सज्ज झाल्या आहेत. हा खेळ पाहण्यासारखा आहे.
सोडतीनंतर प्रारूप आरक्षणाची अधिसूचना 14 ऑक्टोबरला सर्वांसमोर येईल. हरकतींसाठी 17 ऑक्टोबरपर्यंत वेळ आहे. जिल्हाधिकारी किंवा तहसील कार्यालयात हरकतींचा पाऊस पडेल, पण उशिरा येणाऱ्या तक्रारींना थारा मिळणार नाही. या सोडतीने चंद्रपूरच्या राजकीय गणितांना नवे वळण मिळाले आहे. महिलांना मिळालेल्या या संधीमुळे गावागावात नव्या चेहऱ्यांचा उदय होणार आहे. कार्यकर्त्यांची धावपळ आता पाहण्यासारखी आहे.
Political Drama : अधिकारी म्हणतो, आता दोघांच्या मधात नको रे बाबा!
महिलांसाठी राखीव 28 जागांनी चंद्रपूरच्या राजकीय समीकरणांना नवे रूप दिले आहे. अनुसूचित जातीपासून सर्वसाधारण गटापर्यंत प्रत्येक विभागात महिलांचा वाटा ठळक आहे. जुन्या नेत्यांना आता नव्या रणरागिणींसोबत जुळवून घ्यावे लागेल. हा आरक्षणाचा खेळ संख्यांचा तर असेलच. पण राजकीय भविष्याचा पाया घडवणारा देखील असेल. चंद्रपूरच्या गल्लीबोळात आता निवडणुकीच्या चर्चांनी रंग भरला आहे. या फिफ्टी-फिफ्टीच्या लढतीत कोण बाजी मारणार हे बघणे चुरशीचे असेल.
