पराभवाचा हँगओव्हर की राजकीय नाटक? मुख्यमंत्री देवेंद्र फडणवीसांनी एकाच वेळी राहुल गांधी आणि उद्धव ठाकरे या दोघांवर जाहीर सभेत केला जोरदार हल्लाबोल.
लातूरच्या राजकीय वातावरणात खळबळ उडाली. भाजपचे दिवंगत नेते गोपीनाथ मुंडे यांच्या पुतळ्याच्या अनावरण कार्यक्रमासाठी आलेले मुख्यमंत्री देवेंद्र फडणवीस यांनी मंचावरून दोन जोरदार राजकीय बॉम्ब टाकले. एक राहुल गांधींच्या दिशेने आणि दुसरा माजी मुख्यमंत्री शिवसेना ठाकरे गटप्रमुख उद्धव ठाकरे यांच्या अंगावर.
मुख्यमंत्री फडणवीसांनी सांगितले की, निवडणूक आयोगाने राहुल गांधींना चार वेळा पत्र पाठवले, आरोपांचे पुरावे द्या असे म्हटले. पण अजून एकही पुरावा त्यांच्या कडून नाही. पराभव त्यांना ना पचतोय, ना सहन होतोय. आरोप करायचे आणि मग पुरावे द्यायचे टाळायचे, हीच काँग्रेसची जुनी पद्धत आहे. त्यांच्या या वक्तव्यावर उपस्थितांमध्ये टाळ्यांचा कडकडाट झाला.
Yashomati Thakur : रस्त्यावर जीव स्वस्त, सरकार मात्र ‘शो’मध्ये मस्त
राजकीय खळबळ
सभेत माध्यमांनी उद्धव ठाकरे यांच्या पक्षाकडून सोमवारी राज्यभर झालेल्या निदर्शनांचा उल्लेख केला. ठाकरे गटाने फडणवीसांना चोरांचे सरदार म्हटल्याबद्दल विचारले असता, मुख्यमंत्री एकदम आक्रमक सुरात म्हणाले की, मुंबई महानगरपालिकेत कोविड काळात कफन खरेदीत मोठा घोटाळा झाला. जर तसं असेल, तर आम्ही उद्धव ठाकरेंना ‘कफन चोरांचे सरदार’ म्हणू का? लोकांना प्रश्न पडतोय की, आरोप फेकणारे आधी आपल्या घराकडे बघणार की नाही? या एका वाक्यानं राजकीय वातावरणात खळबळ उडवली. सभेत उपस्थित कार्यकर्त्यांनी घोषणाबाजी करत माहोल रंगवला.
Sanjay Gaikwad : ‘बाप’ म्हणत भडकले, आता गोडगोड बोलून यू-टर्न घेतले
शब्दांचे वादळ
राजकारणातील टीकेसोबतच मुख्यमंत्री फडणवीसांनी मराठवाड्यासाठी विकासाची मोठी घोषणा केली. गोदावरीचं वाहून जाणारं 57 टीएमसी पाणी मराठवाड्यात आणणार आहोत. यामुळे नद्या पुनरुज्जीवित होतील आणि दुष्काळी भागांना दिलासा मिळेल, असं फडणवीस म्हणाले. राजकीय आरोप-प्रत्यारोपांच्या या खेळात, फडणवीसांचा हा कफन चोर सवाल आणि राहुल गांधींवरील थेट टिका, हे आगामी काही दिवस महाराष्ट्राच्या राजकीय चर्चेत ठळकपणे घुमणार यात शंका नाही. कारण महाराष्ट्राच्या राजकीय रंगमंचावर आता संवाद नव्हे, तर शब्दांचे वादळ उठले आहे.
राज्याचे महसूल मंत्री चंद्रशेखर बावनकुळे यांनी देखील उद्धव ठाकरेंवर जोरदार बॉम्ब टाकला होता. बावनकुळे म्हणाले, उद्धवजी, खंडणीखोरांचा सरदार कोण आहे, हे महाराष्ट्रातील प्रत्येकाला माहिती आहे, असा जळजळीत सवाल त्यांनी केला. महसूल मंत्री पुढे म्हणाले, उद्योगपतींच्या घराबाहेर जिलेटीन ठेऊन शंभर कोटींची वसुली तुमच्या काळात झाली. वाझे प्रकरण लपवता येतं का? महाराष्ट्र विसरलेला नाही.
लोकशाहीचा गळा घोटला
बावनकुळे यांची शब्दफेक याठिकाणी थांबली नाही. फडणवीसांवर आरोप करण्यापूर्वी आरशात पाहा. विधानसभा निवडणुकीत जनतेने आधीच दाखवून दिलंय की, कोण खऱ्या अर्थाने ‘चीफ’ आणि कोण ‘थीफ’. तुमच्या काळात लोकशाहीचा गळा घोटला गेला, नैतिकतेला पायाखाली तुडवलं गेलं. ते दिवस लोक विसरणार नाहीत, असा टोला त्यांनी लगावला.
महसूल मंत्री पुढे म्हणाले, इंडीया आघाडीत तुमची किंमत शेवटच्या रांगेतील बाकड्याएवढीच आहे. दिल्लीतील मोठ्या आंदोलनाला न जाता इथे चार टाळके घेऊन आंदोलन केलं, पण धुरासारखं उडून गेलं. तिकडे राहुल गांधींचं आंदोलन गाजत असताना तुम्ही वेगळी चूल पेटवून लक्ष वेधण्याचा प्रयत्न केला, पण त्याचंही काही साध्य झालं नाही.
