राष्ट्रीय स्वयंसेवक संघाचे सरसंघचालक डॉ. मोहन भागवत यांनी मोदी सरकारच्या तीन ट्रिलियन डॉलर अर्थव्यवस्थेच्या आकांक्षांवर संशय व्यक्त केला आहे.
राष्ट्रीय स्वयंसेवक संघाचे सरसंघचालक डॉ. मोहन भागवत यांचा एकदा पुन्हा भाषणाचा जोरदार थाट पाहायला मिळाला आहे. मोदी सरकारच्या तीन ट्रिलियन डॉलरच्या अर्थव्यवस्थेच्या स्वप्नावरून त्यांनी गंभीर शब्दांत सडेतोडपणे प्रतिक्रिया व्यक्त केली आहे. तर दुसरीकडे, नागपूरमधील चारशे वर्ष जुन्या जागृतेश्वर मंदिरात भगवान शंकराचे दर्शन घेत त्यांनी अध्यात्म आणि भौतिकतेच्या संतुलनावर गंभीर विचार मांडले आहेत. डॉ. मोहन भागवत यांनी भगवान शंकराबद्दल बोलताना म्हटले, शिवामध्ये अपार सामर्थ्य आहे. पण त्यांची वृत्ती विरागी आणि परोपकारी आहे.
जगातील अनेक लोकांसाठी त्यांच्या शिकवणीतून अध्यात्माचा मार्ग दिसतो. ते म्हणाले की, शंकरांपासूनच मनुष्याला देवापर्यंत पोहोचण्याचे मार्ग निघाले आहेत. पण या देवतेने विषही पिलं, म्हणजे भौतिक भोगापासून दूर राहून जगाच्या भल्यासाठी सतत संघर्ष केला. भागवत यांनी या संदर्भात समाजात वाढत असलेल्या स्वार्थी वृत्तीवर सावध केली, आपल्याला मिळाले तर चालेल, बाकी लोकांना नको असे वाटणे, ही माणसाच्या मनाची काळी बाजू आहे. अशा प्रवृत्तीला बदलण्याची गरज आहे. त्यानंतर त्यांनी शिवपूजनाचा उल्लेख करत या नकारात्मक वृत्तीला जास्तीत जास्त कमी करण्याचा आग्रह धरला.
स्वार्थी वृत्तीचा समाजप्रभाव
सरसंघचालकांनी आर्थिक प्रगतीचा मुद्दाही हाताळला. तीन ट्रिलियन डॉलर अर्थव्यवस्था हा मोठा विषय नाही, भागवत म्हणाले, अमेरिका, चीन सारखे देश हे आधीच श्रीमंत आहेत. त्यांनी जे काही साधले, ते आपणही करू शकतो. पण जगातील लोकांना अध्यात्म, धर्माकडे जास्त आकर्षण आहे, म्हणून ते आपल्याकडे येतात. त्यांनी स्पष्ट केले की, आर्थिक प्रगती निश्चितच महत्त्वाची आहे. पण आपल्या अध्यात्माला कधीही बाजूला ठेवू नका. याच्यातच आपली खरी ताकद आहे. अध्यात्माला विसरल्यास आपण फक्त पैशांच्या मागे धावणारे होऊ.
भागवतांनी नागपूरच्या जागृतेश्वर मंदिरात भगवान शंकराचे दर्शन घेतले. ते म्हणाले की, शंकरांचा स्वभाव विरागी असूनही ते इतरांसाठी सर्व काही करतात, त्यांच्याकडून माणसांनी समर्पण आणि परोपकार शिकायला हवा. नागपूरच्या या मंदिरात दर्शन घेतल्यावर त्यांनी समाजाला अशीच प्रेरणा दिली की भौतिक सुखांच्या मागे धावण्यापेक्षा अध्यात्म आणि संस्कृतीला प्राधान्य द्यायला हवे. या वक्तव्यांमधून डॉ. भागवतांनी केवळ केंद्र सरकारच्या धोरणांवर टीका केली नाही, तर देशातील लोकांच्या मानसिकतेतील बदलासाठीही आवाहन केले आहे. स्वार्थी वृत्ती सोडून एकमेकांसाठी विचार करा, याच मार्गाने आपण खऱ्या अर्थाने विश्वगुरू बनू शकतो, असे त्यांनी स्पष्ट केले.
Parinay Fuke : गांधींच्या खोट्या आरोपांवर डॉ. फुकेंचा रिॲलिटी बॉम्ब
