महाराष्ट्र

NMC Election : भाजपच्या विजयाला ब्रेक लावणार काँग्रेस?

Congress Strategy : युवा चेहऱ्यांची नवीन रणनीती

Post View : 1

Author

महाराष्ट्राच्या राजकीय वर्तुळात स्थानिक निवडणुकीने नवीन जोश निर्माण झाला आहे. त्यातच नागपूर जिल्ह्यातील निवडणूक अत्यंत चुरशीची ठरणार आहे.

राज्यातील स्थानिक स्वराज्य संस्थांच्या निवडणुकीचे वारे जोरात वाहू लागले आहेत. रणनीती, बैठक सत्र यांमध्ये पक्ष गुंतलेले आहेत. अंतर्गत उलथापालथी आणि नेत्यांच्या दौऱ्यांनी वातावरण तापले आहे. यात नागपूर महानगरपालिका ही नेहमीप्रमाणे चर्चेच्या केंद्रस्थानी. याला कारण म्हणजे, हे शहर केंद्रीय मंत्री नितीन गडकरी आणि मुख्यमंत्री देवेंद्र फडणवीस यांचा बालेकिल्ला म्हणून ओळखले जाते. भाजपने येथे गेल्या दशकभरात भगव्याचे वर्चस्व प्रस्थापित केले आहे. 2017 निवडणुकीत काँग्रेसला धूळ चारत भाजपने विजयाचा झेंडा फडकवला होता. पण आता 2025 रणसंग्रामात नव्या रणनीतीसह मैदानात उतरताना, हा गड टिकवणे भाजपसाठी कठीण ठरेल का हा प्रश्न निर्माण होत आहे.

2017 मध्ये फडणवीस आणि गडकरी यांच्या नेतृत्वाखाली भाजपने एकतर्फी विजय मिळवला. तब्बल 113 जागांवर भगवा फडकला, तर काँग्रेसला अवघ्या 28 जागांवर समाधान मानावे लागले. बसपाला 10, शिवसेनेला 2, राष्ट्रवादीला 1 आणि एक अपक्ष असा निकाल लागला. हा विजय होता दोन्ही नेत्यांच्या प्रभावाचे प्रतीक. जिथे त्यांनी संपूर्ण ताकद पणाला लावली होती. पण यंदा परिस्थिती वेगळी आहे. भाजपच्या बालेकिल्ल्यातच जर जनता नाराज असेल, तर भगव्याचा पताका खाली उतरेल का? कारण शहरात वाहतूक कोंडी, स्वच्छता यांसारख्या प्रश्नांने नागरिक त्रासले आहेत. काँग्रेस या वेळी पूर्ण ताकदीनिशी उतरली आहे.

Vijay Wadettiwar : कापसात राजकारण, मदतीत फसवणूक

तिरंगी सामना अपेक्षित

2017 मध्ये शहराध्यक्ष विकास ठाकरे यांचा भाजपच्या दिलीप दिवे यांनी 2 हजार 929 मतांनी पराभव केला होता. जो काँग्रेससाठी मोठा धक्का होता. पण आता ठाकरे नव्या ऊर्जेने परतण्याच्या तयारीत. युवा नेतृत्वाला पुढे करत, स्थानिक प्रश्नांवर हल्लाबोल करण्याची रणनीती आखली आहे. भाजपचे माजी नगरसेवक छोटू भोयर आणि सतीश होले यांनी काँग्रेसमध्ये घरवापसी केली आहे. हे बदल राजकीय गोटात खळबळ माजवत आहेत. काँग्रेस नेते म्हणतात, जनतेच्या समस्या सोडवण्यासाठी आम्ही तयार आहोत, भाजपच्या दाव्यांना आव्हान देऊ. दुसरीकडे, बसपा आणि राष्ट्रवादी स्वतंत्र लढतीचा विचार करत असल्याने तिरंगी सामना होण्याची शक्यता आहे.

2017 मध्ये बंटी शेळके यांनी गडकरींच्या निकटवर्तीय सुधीर राऊत यांचा 1 हजार 833 मतांनी पराभव केला होता. अशा अनपेक्षित निकालांची पुनरावृत्ती होऊ शकते का? हा प्रश्न निर्माण होत आहे. भाजपसाठी ही निवडणूक प्रतिष्ठेची असणार आहे. देवेंद्र फडणवीस आणि नितीन गडकरी यांनी पुन्हा भगवा टिकवण्यासाठी नव्याने सुरुवात करावी लागणार आहे. 2017 मध्ये त्यांनी 30 पेक्षा अधिक सभा घेतल्या होत्या. यावेळीही आक्रमक प्रचार अपेक्षित आहे. गेल. नागपूरच्या या राजकीय रणमैदानात काँग्रेसच्या युवा चेहऱ्यांनी भाजपच्या जुन्या दिग्गजांना आव्हान देण्याची तयारी केली आहे. फडणवीस-गडकरींच्या होमटाऊनमध्ये भगवा मजबूत राहील की विरोधकांची आघाडी यशस्वी ठरेल? ही निवडणूक महाराष्ट्राच्या राजकारणाला नवे वळण देऊ शकते.

Charan Waghmare : काळ्या बॅनरसह शेतकरी धडकले कलेक्टर ऑफिसला

शंकर मोहनकर | Shankar Mohankar

शंकर मोहनकर | Shankar Mohankar

शंकर यांनी नागपुरातील धनवटे नॅशनल कॉलेजमधून पत्रकारिता व जनसंज्ञापन विषयात पदवी शिक्षण पूर्ण केले आहे. 2023-24 मध्ये शिक्षण पूर्ण केल्यानंतर त्यांनी द लोकहित लाइव्ह येथे आपल्या करीअरला सुरुवात केली.

More Posts

व्हाॅट्सअप चॅनेल फॉलो करा
error: Content is protected !!