भाजपच्या माजी खासदार नवनीत राणा यांनी श्रीकृष्ण जन्माष्टमीच्या पार्श्वभूमीवर पाकिस्तान विरोधात वादग्रस्त वक्तव्य केले. ज्यामुळे राजकीय आणि सोशल मीडियावर खळबळ माजली आहे.
महाराष्ट्राच्या राजकारणात वादग्रस्त वक्तव्य करणारे नेते कमी नाहीत. या यादीत भाजपच्या माजी खासदार नवनीत राणा यांचे नाव नेहमीच अग्रस्थानी असते. सतत राजकीय वाद निर्माण करणाऱ्या नवनीत राणा पुन्हा एकदा चर्चेत आल्या आहेत. नवनीत राणांनी श्रीकृष्ण जन्माष्टमीच्या पार्श्वभूमीवर केलेले वक्तव्य देशभर खळबळ माजवणारे ठरले आहे. यापूर्वीही त्यांनी अनेकदा पाकिस्तानवर थेट हल्लाबोल करत वादग्रस्त विधान केले आहे. काही महिन्यांपूर्वी झालेल्या जम्मू काश्मीरच्या पहलगाम येथे दहशतवादी हल्ल्यांवर तीव्र राग व्यक्त करणाऱ्या नवनीत राणांनी आता परत एकदा पाकिस्तान विरोधात जोरदार वक्तव्य केले आहे.
नवनीत राणा यांनी आपल्या दहीहंडी कार्यक्रमाचे नाव ऑपरेशन सिंदूर ठेवले असून, पाकिस्तानमध्ये बसून नारे लावणाऱ्या विरोधकांवर तीव्र प्रतिक्रिया व्यक्त केली. नवनीत राणांनी म्हटले, पाकिस्तानचे भुट्टो भारतात येऊन दाखवावे, मग बघा त्याचे काय हाल करतो. नवनीत राणांचे वक्तव्य इथेच थांबलेले नाही, तर त्यांनी स्वतःच्या धैर्याचा ठसा ठेवत म्हटले, खुद कें घर मे कुत्ता भी शेर बनता है. नवनीत राणा फायर आहे, फ्लावर नाही. त्यांनी देशात काँग्रेसचा राज्य नाहीतर पंतप्रधान मोदींचे राज्य असल्याचे सांगितले. नवनीत राणांनी पाकिस्तान संबंधीचे आपले शब्द अधिकच तीव्र करत, पाकिस्तानचे फक्त पाणी बंद केले आहे, अन्नधान्यही बंद करू शकतो. नंतर भारताच्या समोर कटोरे घेऊन भीक मागायला लागेल, असे म्हटले.
Nagpur : एआय वापरून गुन्ह्याचा मागोवा घेण्यात उपराजधानीला यश
राजकारणात पुन्हा खळबळ
नवनीत राणा यांनी बाप तो बाप रहेगा, हिंदुस्तान बाप रहेगा असे ठाम वक्तव्य केले आणि पाकिस्तान मुर्दाबाद, पाकिस्तान सैनिक मुर्दाबाद असे घोषवाक्य देत विरोधकांना चांगलाच धक्का दिला. अमरावतीतील दहीहंडी उत्सवात अभिनेता रणदीप हुडा उपस्थित होते. तर युवा स्वाभिमान आणि भाजपच्या विदर्भस्तरीय दहीहंडी कार्यक्रमाचे आयोजन करण्यात आले होते. या कार्यक्रमात महसूलमंत्री चंद्रशेखर बावनकुळे आणि इतर भाजप नेतेही उपस्थित होते. रात्री 10 वाजेपर्यंत चाललेल्या या उत्सवात अनेक अभिनेते आणि स्थानिक नागरिक सहभागी झाले.
वादग्रस्त वक्तव्यामुळे नवनीत राणांना काही दिवसांपूर्वी सोशल मीडियावर जीवघेणी धमकी देखील मिळाली होती. मात्र, जीवे मारण्याची धमकी देणाऱ्या इसा नावाच्या युवकाला छत्तीसगड पोलिसांनी त्वरित अटक केली होती. अशा परिस्थितीत नवनीत राणांचे वक्तव्य पुन्हा चर्चेत आले आहेत. यामुळे राजकारणात खळबळ माजली आहे. नवनीत राणांचे या वक्तव्यामुळे समाज माध्यमांवर चर्चेला उधाण आले आहे. त्यांच्या या वक्तव्याने राजकीय वातावरण पुन्हा एकदा तापले आहे. दहीहंडी उत्सव हा पारंपरिक सोहळा एकदा राजकीय चर्चेच्या केंद्रस्थानी आला आहे.
Sameer Shinde : डिलिव्हरी बॉयच्या मूक वेदनांना शहर प्रमुख फोडणार वाचा
