विकासाच्या बाबतीत नेहमीच तत्पर राहणारे भाजपचे माजी मंत्री आमदार डॉ. परिणय फुके यांनी गोंदिया जिल्ह्याच्या सर्वांगीण विकासासाठी महत्त्वपूर्ण बैठक घेतली.
महाराष्ट्रात सध्या स्थानिक स्वराज्य संस्थांच्या निवडणुकींचा जोरदार धुमाकूळ सुरू आहे. प्रत्येक पक्ष जोमाने मैदानात उतरला असून, निवडणुकीची तयारी आणि धामधूम सर्वत्र दिसून येत आहे. अशा वातावरणात भंडारा-गोंदिया जिल्ह्यातील ओळखीचे नेते तथा भाजपचे माजी मंत्री आमदार डॉ. परिणय फुके यांनी विकासकामांना वेगवान हातभार लावला आहे. यापूर्वीही ते विकासाच्या बाबतीत आघाडीवर राहिले आहेत. लोकांच्या समस्या शासन दरबारी मांडून सोडवण्याचा त्यांचा संकल्प नेहमीच दिसून येतो. जनहिताचे प्रश्न हाताळण्यासाठी ते सदैव तत्पर असतात. नुकत्याच झालेल्या गोंदिया जिल्हा नियोजन समितीच्या बैठकीतही त्यांनी विविध विषयांवर नागरिकांच्या समस्या जाणून घेतल्या आणि त्यावर चर्चा घडवून आणली.
12 सप्टेंबरला पार पडलेल्या या बैठकीत पालकमंत्री बाबासाहेब पाटील आणि डॉ. फुके यांच्या अध्यक्षतेखाली जिल्ह्यातील विविध विकासात्मक आणि प्रशासकीय मुद्द्यांवर सविस्तर चर्चा झाली. येथे कचरा व्यवस्थापनापासून ते घरकुल योजनांपर्यंत सर्व मुद्दे उजेडात आणले गेले. डॉ. फुके यांनी या बैठकीत सक्रिय सहभाग घेतला. ज्यामुळे चर्चा अधिक प्रभावी झाली. त्यांच्या अनुभवामुळे अनेक प्रलंबित प्रश्नांना नवी दिशा मिळाली. गोंदिया नगर परिषदेतील कचरा संकलनासंदर्भात अनेक तक्रारी नोंदवल्या गेल्या. कचरा गाडी वेळेवर येत नसल्यामुळे स्वच्छतेवर परिणाम होत आहे. आगामी नगर परिषद निवडणुकींचा विचार करून या प्रश्नावर तत्काळ सुधारणा करण्याचे निर्देश देण्यात आले. यामुळे शहरातील स्वच्छता मोहीम अधिक प्रभावी होईल, असा विश्वास व्यक्त करण्यात आला.
Harshwardhan Sapkal : ऐश्वर्याची गाडी धावते, परिश्रमाची पावले थबकतात
रोजगार निर्मितीचे नवे मार्ग
डॉ. फुके यांनी यावर विशेष लक्ष केंद्रित करून, नागरिकांच्या तक्रारींना प्राधान्य देण्याची मागणी केली. त्यांच्या या प्रयत्नांमुळे कचरा व्यवस्थापनाची यंत्रणा अधिक सक्षम होण्याची शक्यता आहे. गोंदिया नगर परिषद क्षेत्रातील सिटी सर्वे (भूमिअभिलेख) याबाबत संबंधित विभागाकडून अद्ययावत माहिती मागवण्यात आली. ही माहिती जिल्ह्यातील विकास योजनांसाठी महत्त्वपूर्ण ठरेल. बैठकीत या मुद्द्यावर सखोल चर्चा झाली. ज्यामुळे भविष्यातील नियोजन अधिक स्पष्ट होईल. डॉ. फुके यांनी येथेही आपला अनुभव वापरून, भूमिअभिलेखांच्या अद्ययावतीकरणासाठी वेगवान कारवाईची सूचना केली. MIDC परिसरातील रिक्त जागेबाबत मागील DPDC बैठकीत झालेल्या चर्चेचा आढावा घेण्यात आला. पुढील कार्यवाहीबाबत विचारणा करण्यात आली. या जागांचा उपयोग जिल्ह्यातील औद्योगिक विकासासाठी होऊ शकतो, असा मुद्दा उपस्थित करण्यात आला.
डॉ. फुके यांनी या मुद्द्यावर जोर देत, रोजगार निर्मितीच्या दृष्टीने या जागांचा लवकर उपयोग करण्याची मागणी केली. त्यांच्या नेतृत्वामुळे MIDC क्षेत्रातील विकासाला नवे चालना मिळेल, असा विश्वास आहे. ही चर्चा जिल्ह्यातील बेरोजगारी कमी करण्याच्या दिशेने एक महत्त्वपूर्ण पाऊल ठरली. गोंदिया, तिरोडा आणि आमगाव नगरपंचायत निवडणुकींचा विचार करून प्रलंबित घरकुल प्रश्नांबाबत तातडीने निर्णय घेण्यावर भर देण्यात आला. अनेक कुटुंबे घरकुलाची वाट पाहत आहेत. या बैठकीत या मुद्द्याला प्राधान्य देण्यात आले. डॉ. फुके यांनी या योजनेच्या अंमलबजावणीसाठी सक्रिय भूमिका घेतली. ज्यामुळे अनेक लाभार्थ्यांना दिलासा मिळेल. घरकुल योजना ही केवळ निवडणुकीचा मुद्दा नव्हे, तर जनतेच्या मूलभूत गरजेचा भाग आहे, असा संदेश या चर्चेतून देण्यात आला.
Economic Transformation : देवाभाऊंचे स्वप्न घडवतेय समृद्ध महाराष्ट्र
जलस्तर वाढीची जनजागृती
सरकारी जमिनीवर 2011 पासून झुडपी जंगलात वास्तव्य करणाऱ्या कुटुंबांना मालकी हक्क देण्यासाठी सुरू असलेल्या कार्यवाहीची माहिती घेण्यात आली. ही प्रक्रिया अधिक वेगवान करण्यावर चर्चा झाली. डॉ. फुके यांनी या मुद्द्यावर विशेष लक्ष देऊन, गरीब कुटुंबांच्या हक्कांसाठी आवाज उठवला. जलयुक्त शिवार योजनेचाही आतापर्यंतच्या कामांचा आढावा घेण्यात आला. नव्या नियोजनावर चर्चा झाली. या योजनेमुळे जलस्तर वाढला असल्याने जनजागृती आणि प्रचार करण्याचे निर्देश देण्यात आले. रोजगार सेवकांच्या मानधनासंबंधी प्रलंबित प्रश्नांवर माहिती घेण्यात आली. तातडीने उपाययोजना करण्याची मागणी करण्यात आली. डॉ. फुके यांनी या मुद्द्यावर जोर देत, सेवकांच्या हक्कांसाठी आवाज बुलंद केला. त्यांच्या या भूमिकेमुळे अनेक सेवकांना न्याय मिळण्याची आशा निर्माण झाली आहे.
