Prashant Padole : एक फोन अन् आंदोलनाची सुखद समाप्ती

भंडाऱ्यातील ग्रामपंचायत कार्यालयात काम करणारे संगणक परिचलक यांचे मानधन प्रलंबित असल्याने काम करणारे त्रासले आहेत.

भंडारा जिल्ह्यातील ग्रामपंचायत कार्यालयांमध्ये काम करणाऱ्या संगणक परिचालकांची कहाणी ही एखाद्या नाटकासारखी आहे. 2024 वर्षातील तांत्रिक अडचणींमुळे जवळपास शंभर संगणक चालकांचे मानधन थकीत होते. हे थकीत पैसे मिळवण्यासाठी त्यांनी जिल्हा परिषद स्तरावरील अधिकाऱ्यांना अनेकदा निवेदने दिली. पण प्रशासनाने नेहमीप्रमाणे उडवा-उडवीची उत्तरे देऊन विषय टाळण्याचा प्रयत्न केला. अखेर, कंटाळून संघटनेचे जिल्हाध्यक्ष सचिन खंगार आणि प्रमुख मार्गदर्शक दिगंबर वंजारी यांच्या नेतृत्वात 13 ऑक्टोबरपासून जल आणि अन्नत्याग आंदोलन सुरू करण्याचा निर्णय घेण्यात आला.

आंदोलनाची माहिती जिल्हा परिषदेला देण्यात आली आणि त्यापूर्वी मुंबईतील बांधकाम भवनात ग्रामविकास विभागाचे प्रधान सचिव एकनाथ डवले, उपसचिव प्रशांत पाटील तसेच पुण्यातील राष्ट्रीय ग्रामस्वराज अभियानाचे संचालक गिरीश भालेराव यांना निवेदन देऊन मागण्या सांगण्यात आल्या. मात्र, तरीही मागण्या पूर्ण न झाल्याने नाईलाजास्तव खंगार आणि वंजारी यांनी टोकाचे पाऊल उचलले. ते अन्न आणि जलत्याग करून बसले. या आंदोलनाचा धसका घेत अवघ्या एका तासात 15 महिन्यांपासून थकीत असलेले 93 संगणक परिचालकांचे 23 लाख रुपयांचे मानधन त्यांच्या खात्यात जमा करण्यात आले.

Buldhana : जिल्हाध्यक्ष पदावरून राष्ट्रवादीच्या रेखा खेडेकर एक्झिट

पडोळे यांचा हस्तक्षेप

यश म्हणजे संघर्षाच्या शक्तीचे जिवंत उदाहरण. आंदोलन सुरू होताच भंडाऱ्याचे काँग्रेस खासदार डॉ. प्रशांत पडोळे यांनी तातडीने भेट दिली आणि जिल्हा परिषदेमध्ये फोन करून अधिकाऱ्यांशी बोलून तोडगा काढण्यात मदत केली. त्यांच्या या प्रयत्नाने आंदोलनाला वेग आला आणि समस्या सुटली. डॉ. प्रशांत पडोळे हे भंडारा-गोंदिया लोकसभा मतदारसंघाचे खासदार असून, त्यांनी या आंदोलनात महत्त्वाची भूमिका बजावली. त्यांनी उपोषणकर्त्यांच्या मागण्या ऐकून घेतल्या आणि परिषदेचे डेप्युटी सीईओ उमेश नंदागवळी यांच्याशी प्रत्यक्ष बोलून, पुण्यातील अधिकाऱ्यांशी चर्चा करून तोडगा काढला.

अखेर, लिंबूपाणी पाजून उपोषण मागे घेण्यात आले. हे सर्व डॉ. पडोळेंच्या पुढाकाराने शक्य झाले. यावेळी सभापती नरेश ईश्वरकर, शितल राऊत, देवेंद्र इलमे, अनिता भुरे, प्यारेलाल वाघमारे, गजानन झंजाड, उमेश नंदागवळी, दिगंबर वंजारी, सचिन खंगार, रूपेश मोहतुरे यांच्यासह अनेक कार्यकर्ते उपस्थित होते. हे दृश्य म्हणजे एकजुटीचे प्रतीक होते. जिथे राजकीय नेते आणि सामान्य कामगार एकत्र आले. या आंदोलनाला पाठिंबा देण्यासाठी जिल्ह्यातील अनेक संगणक परिचालक आंदोलनस्थळी हजर होते. फक्त खंगार आणि वंजारी हे दोघेच उपोषणाला बसले असले तरी, इतरांनी त्यांना साथ दिली.

Narkhed ZP Election : पुरुष अदृश्य होणार, महिलांचा डंका वाजणार

अभिजित घोरमारे | Abhijeet S Ghorrmaare

अभिजित यांनी अनेक वर्ष सकाळ माध्यम समूहासोबत रिपोर्टर म्हणून काम केलं. साम टिव्हीचे ते रिपोर्टर होते. याशिवाय सरकारनामा या सकाळ समूहाच्या राजकीय वेब पोर्टलचे प्रतिनिधी देखील होते.

More Posts