2024 निवडणुकीनंतरही मत चोरीचा वाद तापला आहे. राहुल गांधींसह विरोधकांनी निवडणूक आयोगावर गंभीर आरोप करत मोर्चा काढला, ज्यावर पोलिसांनी कारवाई केली.
देशाचे राजकारण गेल्या काही दिवसांपासून वारंवार मत चोरीच्या स्फोटक वादाच्या केंद्रस्थानी उभे राहिले आहे. 2024 मधील लोकसभा व महाराष्ट्र विधानसभा निवडणुकीनंतरही या आरोपांचा फटका थांबताना दिसत नाही. काँग्रेस नेते आणि विरोधी पक्षनेते राहुल गांधी यांनी भाजपवर निवडणूक आयोगाच्या सहकार्याने मत चोरी केल्याचा गंभीर आरोप केल्यावर राजकीय वातावरण तापले आहे. हा वाद आता केवळ महाराष्ट्रापुरता मर्यादित न राहता थेट केंद्र सरकार आणि संसदेत पोहोचला आहे. लोकसभेच्या पावसाळी अधिवेशनादरम्यान राहुल गांधींचे २२ पानांचे, १ तास ११ मिनिटांचे सादरीकरण हे राजकीय बॉम्बसमान ठरले. त्यांनी या सादरीकरणात महाराष्ट्रातील विधानसभा निवडणुकीतील मोठ्या प्रमाणात मत चोरी झाल्याचा पुरावा दिला आहे.
राहुल गांधींच्या मते, निवडणूक आयोगाने मशीन रीडेबल मतदार यादी न देऊन भाजपसाठी निवडणूक चोरी केली आहे. यामुळे सोमवारी (११ ऑगस्ट रोजी) ३०० विरोधी खासदारांनी संसदेतून निवडणूक आयोगाच्या कार्यालयापर्यंत मोर्चा काढला. यामध्ये राहुल गांधी, प्रियंका गांधी, अखिलेश यादव यांसह अनेक नेते सहभागी झाले. मात्र, मोर्चा पोलिसांनी वाहतूक भवनाजवळ थांबवला आणि सर्वांनी ताब्यात घेतले गेले. यामुळे विरोधकांमध्ये मोठा संताप निर्माण झाला. या पार्श्वभूमीवर राष्ट्रवादी काँग्रेसचे नेते आणि शरद पवार गटाचे नेते सलील देशमुख यांनीही मतदार यादीतील घोटाळ्याचा गंभीर आक्षेप नोंदवला आहे. देशमुख म्हणाले, उलटा चोर कोतवाल को डांटे.
Yashomati Thakur : मत चोरीच्या भीतीने सरकार पोलिसांच्या मागे लपलंय
पोलिस कारवाईचा निषेध
संविधानाने दिलेल्या एक मतदार, एक मत या तत्त्वाच्या विरोधात अनेक ठिकाणी एका मतदाराचे अनेक मत, अस्तित्वात नसलेल्या मतदारांची नावे आणि खरे मतदार गायब होणे या सर्व गोष्टी घडल्या आहेत. सलील देशमुख यांनी स्पष्ट केले की, हा घोटाळा पुराव्यानिशी समोर आल्यानंतर देशातील प्रत्येक नागरिकाचा हक्क आहे की तो निवडणूक आयोगाला यासाठी जबाबदार धरू शकतो. मात्र, निवडणूक आयोगाने यावर प्रश्न विचारण्याचा अधिकारही बंधनात टाकला आहे. त्याचबरोबर, निवडणूक आयोगाच्या विरोधात निघालेल्या लोकप्रतिनिधींना पोलिसांचा बळाचा वापर करून थांबवण्यात आल्याने हा प्रकार अत्यंत दुर्दैवी आहे. जगातील सर्वात मोठी लोकशाही म्हणून ओळखल्या जाणाऱ्या भारतात अशी दडपशाही सहन होऊ शकत नाही, असे देशमुख म्हणाले.
निवडणूक आयोगाच्या कार्यालयापर्यंत जाणाऱ्या मोर्च्यावर पोलिसांनी कारवाई करत लोकप्रतिनिधींना ताब्यात घेतले. सुमारे न तासांच्या चौकशीनंतर त्यांची सुटका करण्यात आली. ताब्यात घेतल्यानंतर राहुल गांधींनी जाहीर केले की, ही लढाई संविधान वाचवण्यासाठी आहे. एक व्यक्ती, एक मत या तत्त्वासाठी आम्ही संघर्ष करतोय. स्वच्छ मतदार यादीशिवाय लोकशाही टिकणार नाही. प्रियंका गांधी यांनीही आरोप केला की, हे सरकार घाबरलेले, भित्रे आणि जनतेपासून दूर गेलेले आहे. अखिलेश यादव यांनी बॅरिकेड्स पार करण्याचा प्रयत्न केला पण पोलिसांनी त्यांना अडवले. अखिलेश रस्त्यावर बसले, तर प्रियंका गांधी आणि डिंपल यादवसह अनेक खासदार ‘वोट चोर, गद्दी सोड’ अशी घोषणाबाजी करत होते. सलील देशमुख म्हणाले की, राजकारणात फक्त आरोप न करता सत्याची चौकशी होणे गरजेचे आहे, जे निवडणूक आयोगाने टाळले आहे.
Sanjay Gaikwad : ‘बाप’ म्हणत भडकले, आता गोडगोड बोलून यू-टर्न घेतले
