महाराष्ट्र नवनिर्माण सेनेचे नेते राजू उंबरकर यांना उच्च न्यायालयाने अंतरिम जामीन मंजूर केला आहे. वणीतील रस्त्याच्या कामाशी संबंधित आरोपांमुळे त्यांच्यावर असलेली तात्पुरती अडचण आता दूर झाली आहे.
महाराष्ट्र नवनिर्माण सेनेचे धडाडीचे नेते राजू उंबरकर यांच्या आयुष्यात एका साध्या रस्ता बांधकामाने वादळ घोंगावले. वणी परिसरातील शिबला ते पारवा रस्त्याच्या कामात उघड झालेल्या अनियमिततांनी राजकीय वर्तुळात भूकंप घडवला. अवैध गौण खनिजाचा वापर आणि दर्जाहीन सामग्रीच्या तक्रारींमुळे तहसीलदारांनी खदानींना टाळे ठोकले. पण यातूनच कंत्राटदाराच्या रोषाची ज्वाला भडकली. उच्च न्यायालयाच्या नागपूर खंडपीठाने आज अंतरिम जामीन मंजूर करून उंबरकरांना मोठा दिलासा दिला. ज्यामुळे राजकीय आखाड्यात नव्या चर्चांची लाट उसळली.
उंबरकरांनी सहकाऱ्यांसह रस्त्याची पाहणी करताना भ्रष्टाचाराच्या थरारक सत्याला वेस घातली. लेखी आणि तोंडी तक्रारींमुळे विभागीय यंत्रणा हादरली. पण चंद्रपूरचा कंत्राटदार योगेश मामीडवारने प्रतिहल्ला केला. मारहाण आणि दहा लाखांची खंडणी, तसेच 9.5 कोटींच्या कामातील 4.5 टक्के हिस्स्याची मागणी असा आरोप लावून 18 व 24 सप्टेंबरला वणी पोलीस ठाण्यात गुन्हा दाखल झाला.
Local Body Election : शिंदे गट विदर्भात उभारतोय ‘स्वतंत्र साम्राज्य’
तात्पुरता तारणहार
सत्र न्यायालयाने 13 सप्टेंबरला जामीन अर्ज फेटाळल्यानंतर उंबरकरांनी उच्च न्यायालयाची दारे ठोठावली. न्यायमूर्ती वृषाली जोशी यांच्या खंडपीठात ॲड. अनिल मार्डिकर, ॲड. भावे आणि ॲड. इम्रान देशमुख यांनी पुराव्यांच्या तोफा डागल्या. फिर्यादी पक्षाच्या शासकीय वकिलांनी प्रतिकार केला. तरी न्यायालयाने तक्रारींच्या पार्श्वभूमी आणि युक्तिवादांच्या बळावर अंतरिम जामीन मंजूर केला. हा निकाल उंबरकरांच्या संघर्षशील मनोबलाचे प्रतीक बनला. ज्यांनी निकृष्ट कामगिरीला आव्हान देऊन भ्रष्टाचाराच्या काळ्या सावल्या पिटाळून लावल्या.
हा अंतरिम जामीन उंबरकरांना तात्काळ मुक्तता देऊन राजकीय मैदानात पुन्हा उतरविणार आहे. मात्र, खंडणीच्या आरोपांची कसोटी सुरूच राहील, वणी पोलीस ठाणेदार गोपाल उंबरकर तपासाची कमान सांभाळत आहेत. हे प्रकरण महाराष्ट्राच्या राजकारणात खळबळ माजवणारे ठरले आहे. अंतिम निकाल भ्रष्टाचाराविरुद्धच्या क्रांतीला गती देईल. उंबरकरांच्या या धैर्याने मनसेला नवे पंख मिळाले. ज्यामुळे न्यायाच्या या महाकाव्यात नवे अध्याय लिहिले जाणार आहेत. सत्याची ज्योत विजयी होईलच.
