बुलढाणा जिल्ह्यातील राजकीय रंगमंच आता रंगतदार रणधुमाळीने गाजत आहे. प्रत्येक जिल्ह्यात, तालुक्यात नेते कंबर कसत, निवडणुकीच्या रंगमंचावर दमदार हालचाली करताना दिसत आहेत.
बुलढाणा जिल्ह्याच्या राजकीय आखाड्यात सध्या एकच धमाल उडाली आहे. स्थानिक स्वराज्य संस्थांच्या निवडणुकीच्या रणधुमाळीत सगळे पक्ष आपापली कंबर कसताहेत. या सगळ्या गोंधळात आरक्षण सोडतीचा रंगारंग कार्यक्रम नुकताच पार पडला. यंदा महिलांनी चक्क बाजी मारली आहे. जणू काही राजकीय रंगमंचावर नव्या नायिकांचा उदय होत आहे. बुलढाण्याच्या तेरा पंचायत समित्यांच्या सभापतीपदांसाठी आरक्षणाची लॉटरी जाहीर झाली. त्यात महिलांचा वरचष्मा दिसून येतोय. राजकीय नेत्यांच्या मांदियाळीत आता नव्या चेहऱ्यांचा उदय होणार की काय, अशी चर्चा रंगू लागली आहे.
आरक्षण सोडतीने बुलढाण्याच्या राजकीय समीकरणांना चांगलाच हादरा दिला आहे. पारंपरिक नेत्यांचे धाबे दणाणले असताना, महिला उमेदवारांच्या आकड्यांनी सगळीकडे उत्सुकतेचे वातावरण आहे. सात जागा महिलांसाठी राखीव झाल्या आहेत. यामुळे नव्या नेतृत्वाला संधी मिळणार आहे. नांदुरा, चिखली, खामगाव, शेगाव, लोणार, जळगाव जामोद या तालुक्यांत महिलांचा झेंडा फडकणार आहे. यामुळे राजकीय गणितं बदलणार हे नक्की. पुढील अडीच वर्षे या आरक्षणाचा कालावधी असेल. त्यामुळे निवडणुकीचा रंग आता आणखी गडद होणार आहे.
नव्या नेतृत्वाचा उदय
आरक्षण सोडतीने बुलढाण्याच्या राजकीय रणांगणात नव्या नायिकांना पुढे आणले आहे. नांदुरा आणि चिखलीत अनुसूचित जाती आणि जमातीच्या महिलांना संधी मिळाली आहे. तर खामगाव, शेगाव, लोणार आणि जळगाव जामोदमध्ये सर्वसाधारण आणि मागासवर्गीय महिलांचा बोलबाला असेल. या सोडतीने जुन्या नेत्यांना चांगलाच धक्का बसला आहे. माजी सभापती आणि इच्छुक कार्यकर्त्यांची धावपळ आता पाहण्यासारखी आहे. जणू काही राजकीय नाट्याचा पडदा उघडला. आता मुख्य भूमिकेत महिला उमेदवारच झळकणार आहेत.
बुलढाणा तालुक्यात अनुसूचित जातीसाठी जागा राखीव ठेवण्यात आल्या आहेत. नांदुरा तालुक्यात अनुसूचित जातीसाठी महिला उमेदवारांसाठी आरक्षण जाहीर करण्यात आले आहे. मोताळा तालुक्यात अनुसूचित जातीसाठी, तर चिखलीत अनुसूचित जमातीच्या महिलांसाठी जागा राखीव आहेत. खामगावमध्ये नागरिकांचा मागास प्रवर्ग आणि महिला उमेदवार यांना संधी देण्यात आली आहे. तर मेहकर तालुक्यात नागरिकांचा मागास प्रवर्गासाठी आरक्षण आहे. शेगावमध्ये नागरिकांचा मागास प्रवर्ग (महिला), देऊळगावराजा, लोणार आणि जळगांव जामोद तालुक्यांमध्ये सर्वसाधारण महिला उमेदवारांसाठी जागा राखीव आहेत. सिंदखेडराजा तालुक्यात सर्वसाधारण आरक्षण आहे. मलकापूर तालुक्यात ओबीसी आरक्षण, तर संग्रामपूर तालुक्यात सर्वसाधारण जागा राखीव आहेत.
नव्या संधीमुळे गावोगावच्या राजकीय गप्पांना उधाण आले आहे. कार्यकर्त्यांपासून नेत्यांपर्यंत सगळ्यांचे डोळे आता या निवडणुकीच्या रंगतदार लढतीवर खिळले आहेत. महिलांसाठी राखीव जागांनी बुलढाण्याच्या राजकीय समीकरणांना नवं वळण दिले आहे. जुन्या नेत्यांना आता आपली रणनीती बदलावी लागणार आहे. तर नव्या नेतृत्वाला आपलं कर्तृत्व सिद्ध करण्याची संधी आहे. ही निवडणूक आता बुलढाण्याच्या राजकीय भविष्याचा पाया घडवणारी ठरणार आहे. महिलांच्या या विजयी वाटचालीने बुलढाण्याचा राजकीय रंगमंच आणखी चमकदार होणार, हे नक्की.
