अकोल्यातील महानगरपालिका निवडणुकीत उमेदवार निवडीचा प्रश्न चर्चेचा केंद्रबिंदू बनला आहे. भाजप आणि काँग्रेस दोन्ही पक्षांसाठी गटबाजी टाळून योग्य उमेदवार निवडणे खूप गरजेचे झाले आहे.
अकोल्यामध्ये महानगरपालिका निवडणुकीमध्ये नगरसेवक निवडीचे सर्वाधिकार कोणाला द्यायचे? यासंदर्भातील सर्वाधिकार प्रदेश काँग्रेसला आपल्या हातात घेणे अत्यंत गरजेचे आहे. स्थानिक पातळीवरील नेत्यांच्या केवळ सांगण्यावरून उमेदवारांचे नाव निश्चित केले जाऊ नये, अशी अपेक्षा व्यक्त होत आहे. याशिवाय स्थानिक पातळीवर जी गटबाजी सुरू आहे, सध्या त्यामुळेच उमेदवारांचे नाव निश्चित करण्यासाठी अत्यंत उच्चस्तरीय समिती गरजेची आहे. केवळ दिखावे बाजी न करता भारतीय जनतेच्या प्रदेश कार्यकारिणीने आपल्या पातळीवर स्वतंत्रपणे नावांची चाचणी करावी. त्यानंतर उमेदवार निश्चित केला जावा.
नरेंद्र मोदी आणि योगी आदित्यनाथ यांच्या भरवशावरती अकोल्यामध्ये विजय मिळेल असा ओवर कॉन्फिडन्स भाजपला होता. मात्र हा ओव्हर कॉन्फिडन्स भाजपला नडला आहे. त्यामुळे स्थानिक पातळीवर नेते जी नावे सुचवतील त्यांच्यामध्ये दम असेलच असं नाही. त्यामुळे कोणाचेही काहीही न ऐकता अकोल्याच्या महानगरपालिकेमध्ये निवडणूक जिंकायची असेल तर, भारतीय जनता पार्टीने नि:पक्षपणे उमेदवारांची निवड करावी लागणार आहे. अन्यथा जी बंडखोरी भाजपमध्ये विधानसभा निवडणुकीच्या वेळी झाली त्याहीपेक्षा भीषण बंडखोरी महानगरपालिका निवडणुकीच्या वेळी होण्याची दाट शक्यता आहे.
Operation Shakti : चार स्तंभ, एक लक्ष्य; प्रत्येक मुलासाठी सुरक्षित भविष्य
निःपक्ष निवडीची गरज
भारतीय जनता पार्टीमध्ये अकोल्याच्या केवळ एकाच गटाचे वर्चस्व आहे. इतर सर्व कार्यकर्त्यांना त्यांना कचरापेटीमध्ये फेकून दिलेले आहे. त्याचे परिणाम आता हळूहळू दिसू लागले आहेत. याची सुरुवात अकोला पश्चिम पासून सुरू झालेली आहे. अशा परिस्थितीमध्ये या अशांतोषाचा फायदा घेण्याचा पूर्ण प्रयत्न काँग्रेस आणि शिवसेना उद्धव बाळासाहेब ठाकरे गट करीत आहेत. जनतेचा असलेला रोष, भाजपमध्ये असलेली बंडाई यावर जर प्रदेश पातळीवरील नेत्यांनी वेळीच नियंत्रण मिळवले नाही तर, अकोला भाजपसाठी यंदाची महानगरपालिका निवडणूक अत्यंत कठीण होणार आहे.
ज्या मतदारांना लोकांनी नाकारले किंवा ज्या लोकांच्या विरुद्ध अकोल्याचे संपूर्ण भाजपचे कार्यकर्ते आहेत, त्यांच्याच हाती सर्व सूत्र द्यायची का, याचा गंभीर विचार भारतीय जनता पार्टीला करावा लागणार आहे. विधानसभा निवडणुकीच्या वेळी भारतीय जनता पार्टीने राष्ट्रीय स्वयंसेवक संघाकडून आलेली नावे देखील विचारात घेतली नाहीत. त्यामुळेच संघाच्या असंतोषालाही भाजपला सामोरे जावे लागले. मात्र यावेळी राष्ट्रीय स्वयंसेवक संघाच्या ज्येष्ठ प्रचारकांचा अपमान करत त्यांना तासांतच बाहेर तातकळत ठेवणाऱ्या नेत्यांनी सुचवलेली नाव विचारात न घेता राष्ट्रीय स्वयंसेवक संघाचे मतही भाजपने घेणे गरजेचे आहे.
Maratha Reservation : जरांगेंच्या आंदोलनाने पवार कुटुंबात ठिणगी
भारतीय जनता पार्टी ही राष्ट्रीय स्वयंसेवक संघाशिवाय अपूर्ण आहे. राष्ट्रीय स्वयंसेवक संघाने ठरवले तर भारतीय जनता पार्टीचे अस्तित्व संघ दाखवून देऊ शकतो. परंतु अद्यापही संघाने भारतीय जनता पार्टीला भरपूर संधी दिली आहे. अकोल्याच्या बाबतीत या संधीचे सोने भारतीय जनता पार्टीने केले नाही, तर अकोला महानगरपालिकेवर महाविकास आघाडीची सत्ता आल्याशिवाय राहणार नाही अशी शक्यता व्यक्त करण्यात येत आहे.
