महाराष्ट्र

Maharashtra : देवाभाऊंची ‘वीज लूट’ जनतेचे दिवाळे काढणार?

Yashomati Thakur : महायुतीचा महा-लूटखोरपणा महाराष्ट्राला बुडवणार

Post View : 1

Author

महायुती सरकारने दिवाळीच्या तोंडावर महावितरणचे वीज दर वाढवले. ज्यामुळे घरगुती व व्यावसायिक ग्राहकांवर आर्थिक ताण वाढला आहे.

दिवाळीच्या उजेडात घराघरात आनंदाची चाहूल लागणार, असं वाटत असताना महायुती सरकारने एका झटक्यात जनतेच्या डोळ्यातील दिवे विझवले आहे. महावितरणने (MSEDCL) वीज बिलात प्रती युनिट 35 ते 95 पैशांपर्यंतची भयंकर वाढ जाहीर केली आहे. सणासुदीच्या तोंडावर हा ‘दिवाळी बोनस’ जनतेसाठी डोकेदुखी ठरत आहे. काही दिवसांपूर्वी केंद्र सरकारने जीएसटी दर कमी करून जनतेला थोडासा दिलासा दिला. पण महाराष्ट्रातील महावितरणने लगेचच इंधन समायोजन शुल्काच्या नावाने चक्क ‘महायुतीचा महा-धक्का’ दिला. आता घरगुती ग्राहकांपासून ते उद्योगांपर्यंत सर्वांवर हा तडाखा बसेल.

दिवाळीच्या खरेदीला आता वीज बिलाचा अतिरिक्त ओझा झाला आहे. महावितरणच्या 1 ऑक्टोबरच्या सर्क्युलरनुसार, सप्टेंबरच्या वीज वापरासाठी ऑक्टोबर बिलात ही वाढ लागू होणार आहे. जुलै महिन्यात दर कमी केल्याचा ढोल पिटला, पण ऑगस्टपासून इंधन शुल्क लादून घेतले. आता सप्टेंबरसाठीही याच धोरणाने जनतेला लुटले. 1 ते 100 युनिट वापरावर 35 पैसे, 500 पेक्षा जास्तवर 95 पैसे प्रती युनिट. हे म्हणजे सणाच्या आनंदाला शॉक थेरपी. व्यावसायिक आणि उद्योग ग्राहकांना तर खरंच वीजेचा शॉक बसला आहे. महागाईमुळे आधीच कंबर तुटलेली, आता हे बिल पाहून जनता हतबल झाली आहे.

Local Body Election : विदर्भात 20 ठिकाणी येणार महिला राज

उद्योग क्षेत्र संकटात

एका सामान्य कुटुंबासाठी महिन्याला 200 युनिट वीज वापरली, तर 130 युनिटांवर सरासरी 50 पैसे वाढ. म्हणजे 65 रुपये अतिरिक्त. दिवाळीत फराळ बनवायचा, सजावट करायची, मग हे बिल पाहून बजेट कोलमडेल. व्यावसायिकांसाठी तर हा दिवाळीचा धमाका. दुकानदारांना खरेदीदार मिळवायचे, पण वाढीव बिलामुळे किंमती वाढवाव्या लागतील. उद्योगांना तर उत्पादन खर्चात 10-15 टक्के वाढ. याचा फटका रोजगारावरही बसेल. अतिवृष्टीमुळे राज्य संकटात सापडलेले, शेतकरी हैराण, तरी महायुती सरकार ‘टाळूवरचं लोणी’ खाण्यापुरतंच मर्यादित आहे, असं जनता बोलू लागली आहे.

काँग्रेस नेत्या यशोमती ठाकूर यांनी यावरून महायुतीवर चांगलेच ताशेरे ओढले आहे. महागाईच्या भडक्यात महायुतीचा वीज दरवाढीचा दिवाळी बोनस अश्या तिखट शब्दांत त्यांनी टीका केली आहे. देवाभाऊ, जनतेचे दिवाळे काढायचा एककलमी कार्यक्रम रेटायचा किती? अतिवृष्टीत संकट, तरी किती दिवस टाळूवरचं लोणी खाणार? असं त्या म्हणाल्या. महावितरणची सलग लूट संपवली पाहिजे. जनता हैराण, तरी सरकार ‘महायुतीचा महा-लूटखोरपणा’ सुरू आहे. यशोमती ठाकूर म्हणाल्या, ‘ही वाढ नाही, हीच महायुतीची ‘दीपोत्सवाची दीपक लूट’. आम्ही विधानसभेत यावरून सरकारला धारेवर धरू. जनतेच्या हक्कांसाठी लढा देऊ.

आरती जोशी | Aarti Joshi

आरती जोशी | Aarti Joshi

आरती जोशी या द लोकहित लाइव्ह येथे रिपोर्टर आणि टेक्निकल विभागाच्या सहाय्यक प्रमुख देखील आहेत. कॉम्प्युटर विषयात त्यांनी वेबसाइट डेव्हलपमेंट, मोबाइल अॅप डेव्हलपमेंट आणि कोडिंग याचेही उच्च शिक्षण प्राप्त केले आहे.

More Posts - Website

व्हाॅट्सअप चॅनेल फॉलो करा
error: Content is protected !!