विदर्भाच्या हृदयस्थानी नागपूरला आज नवी ओळख मिळाली. ज्ञानयोगी डॉ. श्रीकांत जिचकार उड्डाणपुलाच्या उद्घाटनाने शहराच्या विकास प्रवासात नवा टप्पा गाठला गेला.
विदर्भाच्या हृदयस्थानी असलेल्या नागपूर शहराला आधुनिकतेच्या शिखरावर नेणारा एक नवा टप्पा शुक्रवारी गाठला गेला. अमरावती रोडवरील 2.85 किमी लांबीचा, 191 कोटी रुपये खर्चाचा ज्ञानयोगी डॉ. श्रीकांत जिचकार उड्डाणपूल केंद्रीय रस्ते वाहतूक व महामार्ग मंत्री नितीन गडकरी यांच्या दमदार नेतृत्वात आणि मुख्यमंत्री देवेंद्र फडणवीस यांच्या उपस्थितीत जनतेसाठी खुला झाला. या भव्य प्रकल्पामुळे वाहतुकीचा ताण हलका होऊन प्रवास सुलभ होणार आहे. उद्घाटन सोहळ्यात महसूलमंत्री चंद्रशेखर बावनकुळे, राज्यमंत्री आशिष जयस्वाल, परिणय फुके, संदीप जोशी, राजश्री जिचकार यांच्यासह अनेक मान्यवरांनी हजेरी लावली.
नितीन गडकरी यांनी आपल्या दूरदृष्टीने आणि अथक परिश्रमाने नागपूरला जागतिक पातळीवर नेण्याचा संकल्प पुन्हा एकदा सिद्ध केला. या उड्डाणपुलाला डॉ. श्रीकांत जिचकार यांचे नाव देऊन त्यांच्या सामाजिक, शैक्षणिक आणि आध्यात्मिक योगदानाला मानवंदना देण्यात आली. गडकरी यांनी या प्रकल्पाच्या माध्यमातून नागपूरच्या विकासाचा नवा पर्व सुरू केला आहे. ज्यामुळे शहर आर्थिक आणि सामाजिकदृष्ट्या समृद्ध होण्याच्या मार्गावर आहे.
Vijay Wadettiwar : एकट्या जरांगेंनाच महाराष्ट्रात राहायचे काय?
नागपूरचे जागतिक स्वप्न
गडकरी यांनी सांगितले की, विदर्भ मागास राहण्याचे दिवस आता इतिहासजमा झाले आहेत. नागपूर आता जागतिक केंद्र बनण्याच्या उंबरठ्यावर आहे, असे ठामपणे सांगत त्यांनी देशातील पहिली फ्लॅश-चार्जिंग इलेक्ट्रिक एसी, 135 प्रवासी क्षमता असलेली बस लवकरच रिंग रोडवर धावणार असल्याची भव्य घोषणा केली. ही बस शहराच्या वाहतूक व्यवस्थेला पर्यावरणस्नेही आणि आधुनिक स्वरूप देईल. याशिवाय, शहरातील घाऊक बाजारपेठा अत्याधुनिक सुविधांसह बाहेर हलवण्याची आणि नऊ व्यावसायिक संकुलांची निर्मिती करण्याची योजना त्यांनी मांडली.
राष्ट्रीय महामार्ग प्राधिकरणाच्या (NHAI) माध्यमातून गडकरी यांनी पर्यावरणपूरक उपक्रमाला चालना दिली. ते म्हणाले की, 2027 पर्यंत देशातील जुनाट घनकचरा रस्ते बांधकामासाठी वापरला जाईल. दिल्ली आणि अहमदाबाद येथे 80 लाख टन घनकचरा यापूर्वीच रस्ते बांधकामात वापरला गेला आहे. हा उपक्रम पर्यावरण संरक्षण आणि पायाभूत सुविधांच्या विकासाचा अनोखा संगम आहे.
Maharashtra : पंतप्रधानांच्या ‘रामवाणी’वर बच्चू कडूंचा ‘रावण’ प्रहार
गडकरी यांच्या नेतृत्वात नागपूरला रोजगार आणि समृद्धीचे नवे दालन खुले होत आहे. कळतोल येथे रिलायन्स फूड्सच्या 1 हजार 500 कोटींच्या अन्नपार्क प्रकल्पाची आणि पुढे 5 हजार कोटींच्या देशातील सर्वात मोठ्या फूड पार्कची उभारणी होणार आहे. या प्रकल्पांमुळे नागपूरला आर्थिक बळ मिळेल. हजारो रोजगारांच्या संधी निर्माण होतील. गडकरी यांच्या या भरीव योगदानामुळे नागपूर आता प्रगतीच्या नजरेत आहे.
