देशाच्या राजकारणामध्ये सध्या राष्ट्रीय स्वयंसेवक संघ चर्चेचा विषय ठरत आहे. एका युवकाने संघाच्या शाखांमधील अत्याचारांना कंटाळून आत्महत्या केली आहे. या धक्कादायक घटनेने संपूर्ण देशभरात खळबळ उडवली आहे.
तिरुअनंतपुरमच्या थंपनूर भागातील एका सामान्य लॉजमध्ये गुरुवारी (9 ऑक्टोबर) एक धक्कादायक घटना घडली. 26 वर्षीय सॉफ्टवेअर इंजिनिअर आनंदू अजी याचा मृतदेह आढळला. त्याच्या मृत्यूने संपूर्ण केरळसह देशभरात खळबळ उडाली. प्राथमिक तपासात ही आत्महत्या असल्याचा संशय व्यक्त करण्यात आला आहे. आनंदूने आपल्या इंस्टाग्रामवर लिहिलेल्या शेवटच्या पोस्टने या घटनेला एक भयानक वळण दिले आहे. त्याने बालपणी राष्ट्रीय स्वयंसेवक संघाच्या (आरएसएस) सदस्यांकडून झालेल्या वारंवार लैंगिक छळाचा उल्लेख केला आहे. आनंदू मूळ केरळचा रहिवासी. बालपणापासून राष्ट्रभक्ती आणि संस्कारांच्या नावाखाली आरएसएसच्या शाखेत जाणारा हा युवक, मात्र त्या शाखेतून बाहेर पडताना एका अंधारमय सावलीखाली जगत होता.
पोस्टनुसार, वयाच्या केवळ तीन-चार वर्षांपासून सुरू झालेला हा छळ, वर्षानुवर्षे चालू राहिला. आरएसएसशी संबंधित अनेक व्यक्तींनी त्याच्यावर बलात्कार केल्याचा आरोप त्याने केला आहे. या अमानुष घटनांचा परिणाम इतका गंभीर झाला की, नैराश्य, मानसिक आजार आणि असह्य वेदनांनी ग्रासलेल्या आनंदूने शेवटी जीवन संपवण्याचा निर्णय घेतला. आनंदूच्या पोस्टमध्ये आणखी एक भयावह सत्य समोर आले आहे. तो म्हणतो, मी एकटा नाही. आरएसएसच्या विविध शिबिरांमध्ये अशा प्रकारचे लैंगिक शोषण मोठ्या प्रमाणात होत आहे. या घटनेने राजकीय वातावरणही तापले आहे. काँग्रेस पक्षाने या प्रकरणावर तीव्र प्रतिक्रिया व्यक्त केली आहे. विशेषत: महाराष्ट्रातील काँग्रेस नेत्या यशोमती ठाकूर यांनी या घटनेवर संताप व्यक्त केला आहे.
Amravati : विधानसभेतील मतभेद स्थानिक निवडणुकीत रिपीट होणार नाही
राष्ट्रभक्तीचा मुखवटा
ठाकूर म्हणाल्या, केरळमधील आयटी इंजिनिअर आनंदू अजी यांची आत्महत्या ही अत्यंत हृदयद्रावक आहे. त्यांच्या मृत्यूपूर्वी इंस्टाग्रामवर लिहिलेले शब्द भयानक आणि हादरवणारे आहेत. ठाकूर यांनी आरएसएस आणि भाजपवर जोरदार हल्ला चढवला आहे. त्या पुढे म्हणाल्या, बालपणापासून आरएसएसच्या शाखेत जाणाऱ्या आनंदूवर केवळ तीन वर्षांच्या वयापासून लैंगिक अत्याचार होत होते. आरएसएसशी संबंधित अनेक लोकांनी त्यांच्यावर बलात्कार केला. या सर्व अमानुष घटनांचा परिणाम इतका गंभीर झाला की, नैराश्य आणि वेदनांनी त्रस्त होऊन त्यांनी आत्महत्या केली. यशोमती ठाकूर यांनी या प्रकरणाची स्वतंत्र आणि निष्पक्ष चौकशी करण्याची मागणी केली आहे. त्या म्हणाल्या, आनंदू एकटे नाहीत.
आरएसएसच्या शिबिरांमध्ये असे शोषण मोठ्या प्रमाणात होत आहे. आजही अनेक पालक आपल्या मुलांना संस्कार आणि राष्ट्रभक्तीच्या नावाखाली अशा विचारधारेच्या शाखेत पाठवतात. हजारो मुले तिथे जातात. हा फक्त एका व्यक्तीपुरता प्रश्न नाही, तर देशासाठी चिंतेचा विषय आहे. या घटनेने समाजात एक नवीन चर्चा सुरू झाली आहे. आरएसएससारख्या संघटनांच्या शाखा आणि शिबिरांमध्ये मुलांच्या सुरक्षिततेची हमी कोण देईल? पालकांच्या विश्वासाचा गैरवापर होत असल्यास, त्यावर कठोर कारवाई होणे आवश्यक आहे. आनंदूच्या कथेने हे सत्य उघड केले आहे की, राष्ट्रभक्तीच्या मुखवट्याआड काळ्या कृत्यांचा खेळ सुरू आहे. देशभरातील कार्यकर्ते, सामाजिक संघटना आणि राजकीय पक्ष आता या प्रकरणावर आवाज उठवत आहेत. काँग्रेसने यापूर्वीही आरएसएस आणि भाजपवर अनेक आरोप केले आहेत. पण ही घटना त्यांना नवीन हत्यार देत आहे.
Local Body Election : महाराष्ट्र अनुभवणार दर वीस दिवसांनी राजकीय थरार
