भंडाऱ्यातील रेती माफियांचे काळे साम्राज्य उध्वस्त करणारे आयपीएस नूरुल हसन हे न्यायाचे ध्येयवादी योद्धा आहेत. त्यांच्या तीक्ष्ण रणनीती आणि थरारक कारवायांमुळे भंडाऱ्यात शांतता आणि सुरक्षिततेची नवी लाट उसळली आहे.
भंडारा जिल्हा एकेकाळी रेती माफियांच्या काळ्या साम्राज्याचा अड्डा होता. जिथे वर्चस्वाच्या लढाईत टोळ्यांनी रक्तरंजित खेळ मांडला होता. रेतीच्या ढिगाऱ्यांवरून धावणाऱ्या या माफियांनी गावकऱ्यांच्या मनात दहशतीचे साम्राज्य उभे केले होते. ट्रॅक्टरच्या धुरकट धावांनी आणि चाकूच्या टकटकीत धारांनी हा परिसर गाजत होता. जणू कायदा आणि सुव्यवस्था यांना तिथे प्रवेशबंदीच होती. पण या अंधारमय रणभूमीवर एका ध्येयवादी योद्ध्याने पाऊल ठेवले. रेतीच्या कणांमधील गुन्हेगारीचा कणा मोडला. आयपीएस नूरुल हसन यांचे आगमन भंडाऱ्यातील या गोंधळाला पूर्णविराम देणारे ठरले. ज्याने माफियांच्या स्वप्नांना रेतीतच पुरले.
या थरारक लढाईत नूरुल हसन आणि त्यांची चपळ टीम रात्रीच्या अंधारातही जागृत राहिली. डोळ्यांत तेल आणि हातात कायद्याची तलवार घेऊन त्यांनी माफियांचे साम्राज्य उद्ध्वस्त केले. ‘कानून की नजर से बचना मुश्किल ही नहीं, नामुमकिन है’ ही तिखट म्हण त्यांनी प्रत्यक्षात उतरवली. ज्याने गुन्हेगारांच्या पायाखालची रेतीच सरकली. त्यांच्या या अभियानाने भंडाऱ्याच्या किनाऱ्यावर शांतता आणि सुरक्षिततेची पहाट उगवली आहे. आकडेवारीतील बदल आणि गुन्हेगारीतील घट यामुळे नूरुल हसन यांचे नाव गावकऱ्यांच्या मनात आदराने कोरले गेले. रेती माफियांचे काळे कारनामे आता केवळ भूतकाळातील कहाण्या बनले आहे. हसन यांच्या नेतृत्वाखाली भंडारा नव्या आशेच्या उंबरठ्यावर उभा आहे.
Prakash Ambedkar : वंचितच्या युतीच्या हाकेला काँग्रेसचा कानाडोळा
रेती माफियांचा पराभव
रेती माफियांनी भंडाऱ्यात दहशत माजवली होती. जिथे वर्चस्वासाठी टोळ्यांनी रक्त सांडले. काळ्या बाजारात कोट्यवधींचा खेळ रचला. ट्रॅक्टरच्या गडगडाटात रेतीची लूट चालायची आणि गावकऱ्यांच्या मनात भीतीचे काळे ढग गोळा व्हायचे. पण नूरुल हसन यांच्या आगमनाने हा खेळ उलटला. त्यांनी आणि त्यांच्या टीमने रेतीच्या काळ्या जाळ्यातून 100 कोटींची रेती जप्त केली. जी मागील वर्षी केवळ 14 कोटींच्या लुटीपर्यंत मर्यादित होती. ही कारवाई इतकी धडाकेबाज होती की, माफियांचे ट्रॅक्टर जणू रेतीतच अडकले आणि त्यांचे स्वप्न भंगले. हसन यांची तीक्ष्ण नजर आणि चपळ रणनीतीने माफियांचे मनसुबे उधळले. कायद्याचा दणका इतका जोरदार होता की, गुन्हेगारांना स्वतःची सावलीही शत्रू वाटू लागली.
नूरुल हसन यांच्या नेतृत्वाखाली भंडाऱ्यातील गुन्हेगारीच्या आकड्यांनी जणू कायद्यापुढे शरणागती पत्करली. 2022 मध्ये 45 खुनांनी जिल्हा हादरला होता. पण 2023 मध्ये हा आकडा 23 वर घसरला, 2024 मध्ये 13 पर्यंत खाली आला. 2025 मध्ये आता केवळ 7 खुनांवर स्थिरावला. ही घट केवळ आकडेवारी नव्हती, तर हसन यांच्या थरारक रणनीतीची गाथा होती. बॉडी ऑफेन्समध्ये प्रचंड घट झाली. जणू गुन्हेगारांनी हसन यांच्या कायद्याच्या कचाट्यात येण्यापेक्षा पळ काढणे पसंत केले. तडीपारीच्या कारवाईत जिल्ह्याने मागील 34-35 च्या पातळीवरून 112 पर्यंत उडी मारली. एमपीडीए, मोका, तसेच 110-107 कलमांखालील कारवायांनी माफियांचे धाबे दणाणले. या कारवायांनी गुन्हेगारांना जणू कायद्याच्या चित्रपटात खलनायक बनवले. जिथे हसन हिरोसारखे चमकले. नुरुल हसन यांना मुक्तपणे काम करता यावे, म्हणून जिल्ह्यातील राजकीय नेते देखील सरसावले आहेत. सत्ताधारी नेत्यांचे बळ हसन आणि भंडारा पोलिसांना मिळत आहे. विरोधी पक्षातील नेत्यांचा देखील पोलिसांवरील विश्वास दृढ दिसत आहे.
नूरुल हसन यांच्या नेतृत्वाने भंडारा जणू कायद्याच्या थ्रिलर चित्रपटातून बाहेर पडला. शांततेच्या किनाऱ्यावर स्थिरावला. रेती माफियांचे काळे साम्राज्य कोसळले. त्यांचे ट्रॅक्टर आता रेतीत अडकून धूळ खात पडले आहेत. 100 कोटींची रेती जप्ती ही केवळ आर्थिक विजय नव्हता, तर माफियांच्या तोंडातून सोन्याचे दाणे काढून घेण्याचा रोमहर्षक विजय होता. हसन यांच्या टीमने डोळे उघडे ठेवून आणि कायद्याची तलवार तीक्ष्ण ठेवून गुन्हेगारांना शह दिला. तडीपारी, मोका आणि अन्य कारवायांनी माफियांचे मनोधैर्य खच्ची केले. गावकऱ्यांच्या मनात आता सुरक्षिततेची भावना रुजली आहे. हसन यांचे हे अभियान भंडाऱ्याला नव्या युगात घेऊन गेले. जिथे रेतीच्या कणांमध्ये आता गुन्हेगारीऐवजी आशेचा रंग दिसू लागला आहे. या थरारक लढाईत नूरुल हसन यांनी गुन्हेगारांना रेतीत पुरले. भंडाऱ्याला न्यायाचा प्रकाश दिला. ज्यामुळे त्यांचे नाव इतिहासाच्या पानांवर चमकत राहील.
