महाराष्ट्रात सध्या स्थानिक निवडणुकीचे रणांगण सज्ज होत आहे. मात्र अशा परिस्थितीत शिवसेना उद्धव ठाकरे गटाची स्थिती अस्थिर दिसत आहे.
महाराष्ट्राचं राजकारण हे वेब सिरीजसारखं नाही, तर थेट नेटफ्लिक्सच्या हॉरर-थ्रिलर मिश्रणासारखं आहे. कधी युतीचा ‘रोमँटिक’ एपिसोड, कधी फुटीचा ‘ब्रेकअप’ सीन. मग गळतीचा ट्विस्ट आणि त्यातूनही मिठी मारून ‘कमबॅक’चा ड्रामा. पाच जुलै 2025 रोजी उद्धव ठाकरे आणि राज ठाकरे हे दोन दशकांनंतर एका मंचावर आले. हिंदी थोपवण्याच्या मुद्द्यावर मराठी अस्मितेचा झेंडा उंचावला. ही ‘भाऊ-भाऊ’ची मिठी गाजली, पण आता ती किती दिवस टिकेल, हे प्रश्नचिन्हच आहे. कारण मुंबईतील अलीकडील एका निवडणुकीत ठाकरे ब्रदर्सना भोपळाही फोडता आला नाही.
आता स्थानिक स्वराज्य संस्थांची निवडणूक जवळ येत आहे. या ‘बॅटल रॉयल’मध्ये ठाकरे बंधू काय जादू करतील, याकडे सगळ्यांचं लक्ष लागले आहेत. उद्धव ठाकरे यांच्या शिवसेनेची मशाल मात्र विझताना दिसत आहे. त्यांच्या व्हॉट्सअॅप ग्रुप्समध्ये सध्या आता बोटावर मोजण्या इतके कार्यकर्ते-नेते शिल्लक आहेत. दररोज ग्रुप लेफ्टचे नोटिफिकेश येतायत. गेल्या काही महिन्यांत धक्क्यावर धक्के त्यांना बसले आहे. अनेक नेते एकनाथ शिंदे आणि देवेंद्र फडणवीस यांच्या पक्षात शरण गेले. तरी उद्धव ठाकरे डगमगले नाहीत. ते म्हणतात, कितीही झालं, मशाल विझणार नाही. ठाकरे ब्रँड जिवंत आहे.
Bihar Election : जागावाटपाच्या तणावात एनडीएची एकजूट धोक्यात?
ठाकरे ब्रँड टिकणार?
तुमचा ‘बँड’ वाजणार. पण पक्ष वाचवण्यात ते अपयशी ठरतायत, हे स्पष्ट. दुसरीकडे, ठाकरे ब्रदर्सची युतीमुळे महाविकास आघाडी (MVA) मध्ये कलह सुरू आहे. मराठी भाषेच्या वादाने सुरू झालेली ठाकरे ब्रदर्सची ‘केमिस्ट्री’ आता फिकट होतेय. जुलैमध्ये एकत्रित मोर्चा काढून हिंदी अनिवार्यतेचा GR रद्द करून घेतला, पण त्यानंतर? काहीच नाही. आता शेतकरी कर्जमाफी आणि अतिवृष्टीच्या संकटाने शेतकरी संतापले आहेत. हा मुद्दा घेऊन उद्धव ठाकरे यांनी महाराष्ट्रभर ‘हंबरडा मोर्चा’ काढला आहे. पण हा मोर्चा शेतकऱ्यांसाठी आहे, की शिवसेनेची ‘मशाल’ पेटवण्यासाठी? यावर प्रश्नचिन्ह उभे होत आहे.
उद्धव ठाकरे आता आपला ब्रँड सुरू ठेवण्यासाठी हंबरडे फोडत असल्याचा सूरही ऐकू येत आहे. दुसऱ्यांवर टीका करताना उद्धव ठाकरे स्वतःचा पक्ष विसरतायत. आता स्थानिक निवडणुकीत महायुती सक्रिय होत आहे. बैठका, दौरे, रणनीती आखण्यात ते व्यस्त आहेत. तर मविआ अद्याप वादात अडकली आहे. ठाकरे युतीमुळे काँग्रेसला बॅलन्स साधता येत नाही. जर या निवडणुकीत मविआचा भोपळा फुटला नाही, तर हे अपयशही पचविणे त्यांना अशक्य होणार आहे. येणाऱ्या काळात हे चित्र स्पष्ट होणार आहे.
Congress : अरेच्चा! प्रदेशाध्यक्षांनी थेट कार्यकर्त्याला खांद्यावरच उचलले
