पूर्व विदर्भात स्थानिक स्वराज्य संस्थांच्या निवडणुकीची रणधुमाळी रंगली आहे. पक्षांच्या बैठका, चर्चा सत्रे आणि दौऱ्यांची मालिका सातत्याने सुरू आहे.
महाराष्ट्रातील स्थानिक स्वराज्य संस्थांच्या निवडणुकीचा बिगुल वाजला आहे. अकोल्यातील मूर्तिजापूर शहरात राजकीय वातावरण चांगलेच ढवळून निघाले आहे. पक्षीय नेते आणि कार्यकर्ते आपल्या रणनीती आखण्यात व्यस्त झाले आहेत. तर उमेदवारांच्या नावांची चर्चा जोरात सुरू आहे. या निवडणुकीत आरक्षणाच्या सोडतीने एक मोठा ट्विस्ट आणला आहे. मूर्तिजापूर नगरपरिषदेच्या बारा प्रभागांमध्ये तब्बल 13 जागा महिलांसाठी राखीव ठेवण्यात आल्या आहेत. यामुळे अनेक पुरुष नेत्यांना धक्का बसला. तर महिलांना सत्तेच्या केंद्रस्थानी येण्याची संधी मिळाली आहे.
यंदा नगराध्यक्षपदावर महिला विराजमान होण्याची शक्यता प्रबळ झाली आहे. काँग्रेस पक्षाने या निवडणुकीत आपले पाय रॉयव्हीला सुरुवात केली आहे. पक्ष अधिक प्रबळ होऊन तयारीला लागला लागला आहे. बैठका आणि चर्चने सत्र सातत्याने सुरू आहेत. अशातच मूर्तिजापूर येथील शासकीय विश्रामगृहात रविवारी (12 ऑक्टोबर रोजी) नुकतीच एक महत्त्वपूर्ण आढावा बैठक पार पडली. ज्यात स्थानिक स्वराज्य संस्थांच्या निवडणुकीच्या पार्श्वभूमीवर पक्षाच्या रणनीतीचा आढावा घेण्यात आला. या बैठकीत काँग्रेसने नगराध्यक्षपद स्वबळावर लढविण्याचे संकेत दिले आहेत.
Corporation Elections : ‘लेडी लीडरशिप’चा उदय, वंचितांचा आक्षेप
राजकारणात बदलाची लाट
बैठकीत शहरातील निवडणुकीच्या तयारीचा सविस्तर आढावा घेण्यात आला. प्रत्येक प्रभागातील स्थितीवर चर्चा झाली.बैठकीला अकोला जिल्हा ग्रामीण कमिटीचे अध्यक्ष अशोक अमानकर, प्रदेश काँग्रेस कमिटीचे सरचिटणीस अक्षय राऊत, शहर काँग्रेस कमिटीचे अध्यक्ष सोहेल शेख, काँग्रेस नेते सार्थ श्रीकांत तिडके, प्रदेश सेवादल सरचिटणीस अशोक दुबे, जिल्हा काँग्रेस कमिटी उपाध्यक्ष बंडू डाखोरे यांच्यासह अनेक पदाधिकारी उपस्थित होते. या नेत्यांनी एकत्र येऊन शहरातील राजकीय परिस्थितीचा बारकाईने अभ्यास केला.
शहराध्यक्ष सोहेल शेख यांनी जिल्हाध्यक्षांच्या उपस्थितीत प्रत्येक प्रभागाची सविस्तर चर्चा करून कार्यकर्त्यांच्या सूचना आणि मतांचा आढावा घेतला. नगराध्यक्षपदासाठी काँग्रेसमध्ये दावेदारांची गर्दी दिसून येत आहे. पक्षाच्या अंतर्गत चर्चेत अनेक नावे पुढे येत असून, त्यात सार्थ श्रीकांत तिडके, शबनम सोहेल शेख, माजी नगरसेवक श्रीकृष्ण गुलाने, अशोक दुबे, अनिता तिवारी, माजी नगरसेवक अजहर अली नबाब यांचा समावेश आहे. या दावेदारांमध्ये महिलांचे प्रमाणही लक्षणीय आहे, जे आरक्षणाच्या सोडतीशी सुसंगत आहे. आरक्षणाच्या या सोडतीने मूर्तिजापूरच्या राजकारणात एक बदल घडवला आहे. या निवडणुकीत काँग्रेस व्यतिरिक्त इतर पक्षही सक्रिय आहेत. काँग्रेसची तयारी पाहता ते इतरांना टक्कर देण्यास सज्ज दिसत आहेत.
