तुळजापुरातील ड्रग्स प्रकरण सध्या गाजत आहे. काँग्रेसने यावरून सरकारला लक्ष्य केले आहे.
काँग्रेसचे माजी प्रदेशाध्यक्ष आमदार नाना पटोले यांनी सत्ताधारी भाजपवर माफिया प्रवृत्ती असलेल्या लोकांना मार्ग मोकळा करण्याचा आरोप केला आहे. भाजपचे दाखवायचे आणि खाण्याचे वेगवेगळे दात आहेत, हे आता लोकांना कळले आहे. त्यामुळे महाराष्ट्र कुठे नेऊन ठेवला? असा प्रश्न पटोले यांनी उपस्थित केला. तुळजापूर ड्रग्ज तस्करी प्रकरणातील आरोपी भाजपमध्ये सामील झाल्याने राज्यातील राजकारण तापले आहे.
तुळजापूरच्या मुद्द्यावरून विरोधकांनी सरकारवर जोरदार टीका केली आहे. काँग्रेस नेते नाना पटोले यांनीही या प्रकरणात भाजपवर निशाणा साधला आहे. सत्ताधारी स्वत:ला भगवा पक्ष म्हणतो. पण हा पक्ष माफिया प्रवृत्ती असलेल्या लोकांना मार्ग मोकळा करत असल्याचा आरोप त्यांना केला. ते म्हणाले की, भाजपने यापूर्वी विधानसभेत नाशिकमधील एका माफियावर आरोप केले होते. परंतु नंतर त्यांना आपल्या पक्षात सहभागी करून घेतले.
हा दुटप्पीपणा
भाजप स्वतःला एक वेगळा पक्ष म्हणते. परंतु आता त्यांचेच लोक असे विधान करत आहेत की, त्यांच्या पक्षात भ्रष्ट लोक वॉशिंग मशीनमध्ये धुतले जात आहेत. भाजपचे अत्यंत खालच्या पातळीचे राजकारण
लोकांना आता कळले आहे. भाजपचे दाखविण्यापेक्षाही वेगळे दात आहेत. त्यामुळे भाजप कोणत्याही जिल्ह्यातील माफियांसारख्या व्यक्तींना पक्षात भरती करून घेत आहे. त्यांना सत्तेचा मार्ग दाखवण्याचा प्रयत्न करत आहे. हा महाराष्ट्रातील जनतेचा आता समज झाला आहे.
राजकारणाच्या बाबतीत महाराष्ट्र एका विशिष्ट टोकाला गेला आहे. आता प्रसार माध्यमंही याबद्दल उघडपणे बोलत आहेत. नाना पटोले म्हणाले की, भाजप सध्या अत्यंत खालच्या पातळीचे राजकारण करत आहे. पार्थ पवार प्रकरणावर भाष्य करताना ते म्हणाले, भाजप आणि आमच्या मित्रपक्षांनी काँग्रेसला कमकुवत करण्याचा कट रचला आहे. हे आता लपलेले नाही. त्यांचा डाव आमचा पक्ष नष्ट करण्याचा आहे. पण ते कधीही यशस्वी होणार नाहीत. पण भाजप सोबत असलेल्यांनाही संपवत आहे.
आगामी 2029 मधील निवडणुकीत कसे जिंकायचे हे आम्हाला माहिती आहे. आम्ही भ्रष्टाचाराविरुद्ध आवाज उठवत राहू. मुख्यमंत्र्यांनी पुणे भूखंड घोटाळा हा अतिशय गंभीरतेने घ्यावा. हे प्रकरण खरोखरच गंभीर आहे. सरकारने स्वतःहून त्याची चौकशी कशी करू शकते, असे पटोले यांनी स्पष्ट केले. सरकारने ही चौकशी त्यांच विभागातील अधिकाऱ्याकडे सोपवली आहे. सरकारमध्ये हिंमत असेल तर त्यांनी तुकाराम मुंढेंसारख्या अधिकाऱ्याकडे हे काम सोपवावे. पटोले म्हटले होते की, भाजप मोठ्या प्रमाणात जमीन हडप करणाऱ्यांना संरक्षण देत आहे. त्यामुळे त्यांना नैतिकतेबद्दल बोलण्याचा अधिकार नाही.
