चंद्रपूर जिल्ह्यातील स्थानिक स्वराज्य संस्था निवडणूक प्रचार अंतिम टप्प्यात आहे. अशात काँग्रेस खासदार प्रतिभा धानोरकर यांनी भाजपवर टीका केली आहे. मुख्यमंत्र्यांनी मात्र त्याला योग्य प्रत्युत्तर दिलं आहे.
काँग्रेसच्या खासदार प्रतिभा धानोरकर यांनी चंद्रपुरातील निवडणूक प्रचाराची धुरा सांभाळली. त्यानंतर त्यांचा वेगवान प्रचार सुरू आहे. धानोरकर यांनी भाजपवर टीका केली आहे. भाजप आणि मुख्यमंत्र्यांनी मात्र जाहीर सभेतून विकासाचे मुद्दे मांडले आहे. धानोरकर यांनी मतदारांना आकर्षित करण्यासाठी पैसे वाटल्याचा आरोप केला आहे. त्यांनी मोठा दावा केला आहे. एका मताची किंमत पाच हजार रुपये दिली जात असल्याचे त्या म्हणाल्या.
राजुरा नगरपरिषदेच्या निवडणुकीत मतदारांना आकर्षित करण्यासाठी भाजपवर पैसे वाटल्याचा आरोप झाला आहे. काँग्रेस खासदार प्रतिभा धानोरकर यांनी याबाबत दावा केला आहे. भाजप प्रत्येक मतदाराला दोन हजार रुपयांची टोकन रक्कम देत आहे. धानोरकर यांनी एका जाहीर सभेतून हा थेट आरोप केला. 2 डिसेंबरला मतदान केल्यानंतर उर्वरित रक्कम मिळेल. टोकन दाखविल्यावर उरलेले 3 हजार मिळणार आहेत. त्यामुळं पाच हजारात एक मत विकत घेतलं जाईल, असं त्या म्हणाले.
‘कॅश फॉर वोट’चा आरोप
चंद्रपूर जिल्ह्यातल 10 नगरपरिषद आहेत. या सर्व ठिकाणी भाजप पाण्यासारखा पैसा खर्च करीत आहे. नगराध्यक्ष आणि नगरसेवक पदाच्या उमेदवारांसाठी धानोरकर मैदानात उतरल्या आहेत. जाहीर सभेतून त्यांनी पैसे वाटपाचा आरोप केला. राजुरा येथील सभेदरम्यान त्यांनी माध्यमांशी बोलताना या भ्रष्टाचाराला समोर आणले. निवडणूक विभागातील अधिकाऱ्यांचं याकडे दुर्लक्ष असल्याचं त्या म्हणाल्या. राजुरामध्ये टोकन पद्धत आहे. बल्लारपूर नगरपरिषद क्षेत्रात देखील मोठा घोळ सुरू आहे.
धानोरकरांच्या या गंभीर आरोपामुळे राजकीय वर्तुळात खळबळ उडाली आहे. नगरपरिषद निवडणुकीत मतदारांना आर्थिक प्रलोभन देणं हे नवीन नाही. परंतु एका मताची किंमत पाच हजार रुपयांपर्यंत पोहोचल्याने ही निवडणूक इतकी महत्त्वाची, आर्थिकदृष्ट्या फायदेशीर आणि प्रतिष्ठेशी संबंधित आहे का? हा प्रश्न आता सामान्य मतदारांच्या मनात निर्माण झाला आहे.
Bhandara : आमदारने मांडला प्रश्न; मुख्यमंत्र्यांनी दिली ग्वाही
भाजपचा विकासाचा अजेंडा
धानोरकर यांची एकीकडे सभा होत असताना दुसरीकडे देवेंद्र फडणवीस यांनी चंद्रपुरात मतदारांशी संवाद साधला. भद्रावती नगरपरिषदेच्या प्रचारासाठी त्यांनी सभा घेतली. भाजपचे उमेदवार अनिल धानोरकर, वरोरा येथील उमेदवार मायाता राजुरकर यांना विजयी करण्यासाठी त्यांनी मतदारांना साद घातली, नगरसेवक पदाच्या सर्व उमेदवारांच्या विजयी करण्याचे आवाहन केले. 2 डिसेंबरला कमळाला मतदान करावं. पुढील पाच वर्षे आम्ही मतदारांची काळजी घेऊ, असं फडणवीस म्हणाले.
मुख्यमंत्री म्हणाले, भद्रावती हे हिंदू, जैन आणि बौद्ध संस्कृतींचे संगमस्थान आहे. हे क्षेत्र साधू आणि संतांचे घर आहे. वाकाटक काळातील उत्खननामुळे हे सिद्ध झालं., ऐतिहासिक आणि सांस्कृतिक वारशाचे हे स्थान आहे. भविष्यात येथे पर्यटनाच्या महत्त्वपूर्ण संधी निर्माण होतील. अनिल धानोरकर यांच्या प्रयत्नांमुळेच भद्रावतीला वेगळं नाव मिळालं. 2021 मध्ये भद्रावतीला पंतप्रधान नरेंद्र मोदी यांच्याकडून स्वच्छतेसाठी राष्ट्रीय पुरस्कार मिळाला. भद्रावती देशातील 132 शहरांपैकी आठव्या क्रमांकावर आले, असं फडणवीस यांनी सांगितलं.
फडणवीस म्हणाले, आमच्याकडे धोरण, निधी आणि प्रबळ इच्छाशक्ती आहे. आम्ही महाराष्ट्रातील सर्व शहरांचा कायापालट करण्याचा निर्धार केला आहे. भद्रावतीतील प्रत्येक सामान्य माणसाचे जीवनमान सुधारणे हे ध्येय आहे. भद्रावतीमध्ये 24 तास पिण्याच्या पाण्याची व्यवस्था असेल. पाणीपुरवठ्याच्या पुढील टप्प्यासाठी राज्य सरकार 54 कोटींचा निधी देईल. भद्रावती पाण्याबाबत स्वयंपूर्ण होईल.
पर्यटन विकास
फडणवीस म्हणाले, भद्रावती हे तलावांचे शहर आहे. लेंडाळा तलावासाठी सरकारने 17 कोटी मंजूर केले आहेत. आम्ही लवकरच डोलारा आणि गवराला तलावांसाठीही प्रस्ताव मंजूर करू. धार्मिक स्थळांच्या विकासासाठी 10 तीर्थस्थळांना 2 कोटी रुपयांचा निधी मिळाला आहे. हा परिसर पर्यटनासाठी अधिक फायदेशीर बनेल. चंद्रपुरात आणखी दोन मोठे उद्योग आणण्याची प्रक्रिया सुरू आहे. यातून भद्रावती-वरोरा परिसरात भरपूर रोजगार उपलब्ध होईल.
