महाराष्ट्रात 27 ऑगस्ट 2025 पासून गणेशोत्सव रंगतदारपणे सुरू झाला आहे. घराघरांमध्ये राजकीय नेते आणि सामान्य नागरिक भक्तिभावाने बाप्पाचे स्वागत करत आहेत.
महाराष्ट्राच्या कानाकोपऱ्यात गणेशोत्सवाची धामधूम सुरू झाली आहे. 27 ऑगस्ट 2025 पासून विघ्नहर्ता गणपती बाप्पांचे आगमन प्रत्येक घरात, गल्लीबोळात आणि हृदयात उत्साहाने झाले आहे. टाळ-मृदुंगाच्या नादात, ढोल-ताशांच्या गजरात आणि शंखनादाच्या मंगल स्वरात बाप्पांचे स्वागत होत आहे. गजानना श्री गणराया, आधी वंदू तुझ्या पाया, विघ्नहर्ता आम्हा सर्वांना सुख-समृद्धी दे अशी प्रार्थना प्रत्येक मराठी मनातून उमटत आहे. गणरायाच्या आगमनाने घराघरांत भक्ती आणि आनंदाचा माहोल पसरला आहे. राजकीय नेतेही या उत्सवात सहभागी होऊन बाप्पाच्या चरणी नतमस्तक होत आहेत. महाराष्ट्रातील राजकीय नेत्यांच्या घरीही गणेशोत्सवाची रंगत पाहायला मिळाली.
नितीन गडकरी
केंद्रीय मंत्री नितीन गडकरी यांच्या नागपूर येथील निवासस्थानी गणरायाचे आगमन मोठ्या भक्तिभावाने झाले. सहकुटुंब त्यांनी गणपतीची विधिवत पूजा आणि आरती केली. घरात मंगलमयी वातावरणाने सर्वत्र आनंद पसरला. संपूर्ण नागपूरसाठी त्यांनी बाप्पांच्या चरणी त्यांनी प्रार्थना केली.
Anup Dhotre : बडेजाव न करता खासदारांनी गणरायाला घातला सादगीचा हार
प्रतापराव जाधव
केंद्रीय आयुष आणि आरोग्य राज्यमंत्री तथा शिवसेना एकनाथ शिंदे गटाचे नेते प्रतापराव जाधव यांच्या दिल्लीतील निवासस्थानी गणेश चतुर्थीचा सोहळा रंगला. शंखनाद आणि आरतीच्या स्वरलहरींनी वातावरण भक्तिमय झाले. त्यांनी बाप्पाला सुख, समृद्धी आणि आरोग्यासाठी प्रार्थना केली, जणू गणरायाच्या कृपेने देशाला नवचैतन्य मिळावे. सर्वत्र सुख चैतन्य लाभो, महाराष्ट्रात व संपूर्ण देशात सर्वत्र सुख लाभो अशी त्यांनी बाप्पांच्या चरणी मागणी केली.
Operation Shakti : नागपूर पोलिसांचे डिजिटल गरुड आता गुन्हेगारांच्या शोधात
संजय राठोड
राज्याचे महाराष्ट्राचे मृद आणि जलसंधारण मंत्री तथा शिवसेना एकनाथ शिंदे गटाचे यवतमाळचे पालकमंत्री संजय राठोड यांच्या घरी देखील बाप्पांचे आगमन झाले आहे. यवतमाळ येथे त्यांच्या निवासस्थानी त्यांनी संपूर्ण कुटुंबासह गणपती बाप्पाचे थाटामाटात आगमन केले. विधिवत पूजेनंतर त्यांनी राज्यातील जनतेच्या कल्याणासाठी प्रार्थना केली, जणू बाप्पा त्यांच्या प्रार्थनेतून प्रत्येकाच्या हृदयात स्थान मिळवत आहेत. जिल्ह्याच्या विकासासाठी आणि जनसामान्यांच्या हितासाठी त्यांनी बाप्पांच्या चरणी पार्थना केली.
IPS Archit Chandak : विघ्न टाकण्याचा प्रयत्न करणाऱ्यांवर चप्प्या चप्प्यातून नजर
आशिष देशमुख
सावनेर विधानसभा मतदारसंघाचे भाजप आमदार आशिष देशमुख यांच्या घरीही गणेशोत्सवाची रंगत चढली. आरतीच्या गजरात आणि भक्तीच्या लहरींनी त्यांचे घर मंगलमयी झाले. गणपती बाप्पाच्या कृपेने सर्वांना सुख-शांती लाभो, अशी त्यांची प्रार्थना होती. संपूर्ण कुटुंबासह त्यांनी अगदी थाटामाटात बाप्पांचे स्वागत केले. आपल्या मतदार संघाच्या जनतेसाठी, शेतकऱ्यांसाठी त्यांनी गणपती बाप्पाला साकडं घातलं. सर्वत्र सुख, शांती नांदो अशी त्यांनी पार्थना केली.
Amol Mitkari : टाळ-मृदुंगाच्या गजरात आमदाराने केले गणरायाचे स्वागत
चरण वाघमारे
राष्ट्रवादी काँग्रेस शरदचंद्र पवार गटाचे, तुमसर-मोहाडी विधानसभा क्षेत्राचे आमदार चरण वाघमारे यांनी साधेपणाने, हातगाडीवरून बाप्पांचे स्वागत केले. कोणताही देखावा न करता त्यांनी विघ्नहर्ताला त्यांच्या क्षेत्रातील सर्व विघ्ने दूर करण्याची प्रार्थना केली. संपूर्ण कुटुंबासह त्यांनी बाप्पांचे स्वागत केले.
Navneet Rana : जरांगेचा आरक्षणाचा लढा आणणार बाप्पांच्या उत्सवात बाधा
सुलभा खोडके
अमरावतीच्या, राष्ट्रवादी काँग्रेस अजित पवार गटाच्या आमदार सुलभा संजय खोडके यांच्या अमरावती निवासस्थानी गाडगेनगर येथील गणरायाची विधिवत प्रतिष्ठापना झाली. दहा दिवसांच्या गणेशोत्सवात खोडके कुटुंब भक्तीच्या रंगात रंगले आहे. सुलभा खोडके यांनी सर्व अमरावतीकरांना सुख, समृद्धी आणि विश्वमंगलाची शुभेच्छा दिली. त्यांच्या शब्दांतून गणरायाप्रती श्रद्धा आणि समाजासाठी मंगलकामना दिसून आली.
राणा दांपत्य
अमरावती येथे भाजप आमदार रवी राणा आणि माजी खासदार नवनीत राणा यांच्या निवासस्थानी गणेशोत्सवाचा मंगल सोहळा मोठ्या उत्साहात पार पडला. नवनीत राणा यांच्या हस्ते प्रांत प्रतिष्ठा करण्यात आली. त्यानंतर कुटुंबासह विधीपूर्वक पूजा व आरती करून विघ्नहर्त्याच्या चरणी आशीर्वाद मागण्यात आले. या प्रसंगी भावना व्यक्त करताना नवनीत राणा म्हणाल्या, घरात बाप्पा आल्यावर आनंद, समाधान आणि सुखाची अनुभूती मिळते. यंदाही आम्ही सहपरिवार बाप्पाचे स्वागत करत आहोत, हे आमच्यासाठी मोठे भाग्य आहे.
Prakash Ambedkar : मोदींच्या सत्तेत सर्वसमावेशकता कुठे हरवली?
अनिल देशमुख
राष्ट्रवादी काँग्रेस शरद पवार गटाचे नेते तथा माजी गृहमंत्री अनिल देशमुख यांनीही अगदी थाटामाटात आपल्या घरी बाप्पांचे स्वागत केले. संपूर्ण कुटुंबासह त्यांनी पूजा अर्चना करत, सर्वत्र सुख शांती नांदो अशी प्रार्थना केली. आपल्या सर्वांच्या जीवनात सुख, समृद्धी, शांती येवो, हीच गणेश चतुर्थीच्या निमित्ताने गणरायाच्या चरणी प्रार्थना केली.
सुनील मेंढे
भाजपचे माजी खासदार सुनील मेंढे यांनीही त्यांच्या मूळगावी आसगाव येथे गणरायाची प्रतिष्ठापना केली. थाटामाटात ढोल, ताशांच्या गजरात त्यांनी बाप्पांचे स्वागत केले. सहकुटुंब त्यांनी पूजा-अर्चना करत सर्वांना सुख-समाधान आणि दीर्घायुष्य लाभो, अशी मनोकामना व्यक्त केली. आपल्या जिल्ह्यातील नागरिकांसाठी त्यांनी सैदव तत्पर राहू असे देखील ते म्हणाले.
गणेशोत्सव हा केवळ उत्सव नसून, महाराष्ट्राच्या सांस्कृतिक आणि आध्यात्मिक वारशाचे प्रतीक आहे. गल्लीपासून दिल्लीपर्यंत, सर्वसामान्यांपासून नेत्यांपर्यंत, प्रत्येकजण बाप्पाच्या भक्तीत दंग आहे. गणरायाच्या आगमनाने महाराष्ट्रात आनंद, उत्साह आणि भक्तीचा संगम पाहायला मिळत आहे. गणपती बाप्पा मोरया, मंगलमूर्ती मोरया हा जयघोष आता सर्वत्र घुमत आहे. बाप्पाच्या कृपेने प्रत्येकाच्या जीवनात सुख-शांती नांदो, हीच खरी गणेश चतुर्थीची शुभेच्छा.
