अकोला महानगरपालिकेच्या निवडणुकीपूर्वी शिवसेना शिंदे गटामध्ये झालेल्या अंतर्गत मतभेदांना पूर्णविराम मिळाल्याचे चित्र दिसत आहे. शिंदे आणि डॉ. श्रीकांत यांच्या हस्तक्षेपामुळे गोपीकिशन बाजोरिया आणि विरोधी गट एका धाग्यात बांधले गेले आहेत.
राज्यात लवकरच स्थानिक स्वराज्य संस्थेची निवडणूक पार पडणार आहे. त्यासाठी प्रत्येक पक्ष कंबर कसून मेहनतीला लागलेला आहे. अशातच शिवसेना एकनाथ शिंदे गटही तयारीला लागलेला आहे. निवडणुकीच्या या धामधुमीत अकोल्यात राजकीय वातावरण पाहता शिवसेना एकनाथ शिंदे गटांमध्ये प्रचंड अंतर्गत मतभेद असल्याचे नेहमी दिसून येते. याचे उदाहरणही सर्वांनी पाहिले आहे. अकोला शिवसेनेमध्ये एकनाथ शिंदे गटामध्ये प्रचंड अंतर्गत मतभेद आहेत. माजी आमदार गोपीकिशन बाजोरिया हे अकोला शिवसेनेचे संपर्कप्रमुख आहेत. ते स्थानिक नेत्यांना विश्वासात घेत नाहीत. परस्पर पक्षाचे काम करतात.
मध्यंतरीच्या काळात पक्षामध्ये त्यांच्याबद्दल असलेला असंतोष वाढला होता. इतकंच काय तर त्यांचा पुतळा देखील जाळला होता. गोपीकिशन बाजोरिया यांना इतका विरोध झाला होता की हा विषय अकोल्यातून थेट मुंबईपर्यंत गेला होता. म्हणजेच पक्ष प्रमुख एकनाथ शिंदे आणि डॉ. श्रीकांत शिंदे यांच्यापर्यंत. त्यामुळे अकोल्याची शिवसेना आता विखुरली आणि त्यांच्यामध्ये आता एकीकरण होऊच शकत नाही, असं सांगितलं जात होतं. मात्र एकनाथ शिंदे आणि डॉक्टर श्रीकांत शिंदे यांनी या प्रकरणामध्ये विरोध करणारे नेते आणि गोपीकिशन बाजोरिया यांना अचूक औषधाची मात्रा दिली आहे. यामुळे अचानक पदाधिकाऱ्यांमध्ये बदल दिसून येत आहेत, म्हणजे गोपीकिशन बाजोरिया आणि कथित विरोधी गट पूर्णपणे एकत्र आल्याचे दिसत आहे.
IPS Rashmita Rao : महिला संरक्षणार्थ महाकालीच्या दशभुजा सक्रिय
गटबाजीला विराम
अलीकडे एका महिलेला तिच्या पतीने जाळण्याचा प्रयत्न केल्याची घटना समोर आली होती. या घटनेमध्ये महिला 50 टक्के जळाली होती. या संदर्भामध्ये या महिलेच्या नातेवाईकांनी शिवसेनेकडे तक्रार केली. महिलेच्या नातेवाईकांनी ठाण्यातील शिवसेना कार्यालयाला फोन केला होता. त्यानंतर शिवसेनेच्या अनेक नेत्यांना ठाण्यातून फोन आला की या प्रकरणाबद्दल चौकशी करा आणि कारवाई करायला लावा. या महिलेला भेट देण्यासाठी आमदार गोपीकिशन बाजोरिया आणि त्यांच्यासोबत शिवसेनेतले अनेक नेते होते. असं सांगितल्या जातं की जे गोपीकिशन बाजोरिया यांच्या विरोधी गटातले होते त्यांनी पीडित महिलेला देखील भेट दिली होती. यानंतर शिवसेनेतील गटात अंतर्गत वादाला तूर्तास पूर्णविराम मिळाला आहे, अशी चर्चा यावेळी अनेकांमध्ये होती.
Chandrashekhar Bawankule : नागपूरकरांच्या प्रत्येक प्लॉटला मिळणार रजिस्ट्रीचा हक्क
अकोला महानगरपालिकेची निवडणूक लवकरच होणार आहे. सध्या भारतीय जनता पार्टीमध्ये देखील काही नेत्यांबद्दल प्रचंड असंतोष आहे. त्यामुळे भारतीय जनता पार्टी मधील असंतोष हा भारतीय जनता पार्टीच्या पराभूतासाठी कारणीभूत ठरण्याची शक्यता आहे. याची प्रचिती अकोला पश्चिम विधानसभेच्या निवडणुकीमध्ये भाजपला आली आहे. मात्र भाजप अजूनही शहाणी झालेली दिसत नाही. मात्र भाजपचा जो पराभवाचा धडा आहे, तो शिवसेनेने घेतला आहे. स्थानिक स्वराज्य संस्था निवडणुकीमध्ये विजय मिळवण्यासाठी पक्षांतर्गत असंतोष आहे. तो शांत करण्यामध्ये शिंदे काही प्रमाणामध्ये यशस्वी झाल्याचे यावरून दिसत आहे.
